एफिसी 1:22 - जिरेल

²² दोक खाईन थेकी जो ईन्‍सीनोङ जे ईन्‍सीनोङ गाङेपा गाङेला ख्रीष्‍टकी अधीनलाराङ ज्‍याक्‍पा ओत। दोक खाला गाङेपा गाङेला राज्‍य खित्‍कान्‍ते ख्रीष्‍टलाराङ थेकी गाङेपा जम्‍मा ओङकान्‍ते येशू ख्रीष्‍ट मिओनतेङ छ्येते जोसुङ। दोक खाईन ख्रीष्‍टचेन थे खोरोङ मिओनते गोः च्‍योक ओङसुङ।

एफिसी 1:22 Iomraidhean Croise

मत्ती 16:18

पत्रुस, खुई मिनगी अर्थ दो साबाते ईन। थोगी ङा खोल्‍ला च्‍यि सिते सासीन दोई जगी लाक्‍तु खाम्‍बा ज्‍वा च्‍योकराङ ङाङ ङाराङ मिओन खुई छ्य्‌वापेकीराङ ओङ ज्‍युत्‍क्‍यो। थेमे थेबाला शैतानगीङ ग्‍याल्‍ला नरककुण्‍डमा लुबा मुथुबो।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

१ कोरिन्‍थी 11:3

था ङा ख्‍योकोनला बातज्‍यीक बात ङि सिरामीन। च्‍यि सासीन ख्‍योओ मि भन्‍दा ख्रीष्‍ट छ्ये ईन। थेमे फेम्‍मे मि भन्‍दा ख्‍योओ मि छ्ये ईन। थोकराङ खाला ख्रीष्‍ट भन्‍दा परमेश्‍वर छ्ये ईन।

एफिसी 3:21

गाङेपा जम्‍मा ओङकान्‍ते येशू ख्रीष्‍ट मिओनगी थे छ्य्‌वापेकी दोक छ्येते परमेश्‍वरते पुस्‍ता पुस्‍तासाक सधैँभरि जय जय खिन देत्‍स्‍यीत। आमेन।

एफिसी 5:23

ख्रीष्‍टकी मिओनते छ्येते ख्रीष्‍ट ईन्‍दा च्‍योकराङ फेम्‍मे मिते छ्येतेचेन थे मोरोङ ख्‍योबोराङ ईन। ख्रीष्‍टकी मिओनचेन थे जीउ ईन। थेबाला पापकी सजायदुकी डेल्‍कान्‍ते थेराङ ईन।

कलस्‍सी 1:18

दोस्‍यिककामा मेन, मि जीउकी गोः च्‍योकराङ थे खोरोङ मिओनते छ्येतेचेन ख्रीष्‍टराङ ईन। येशू ख्रीष्‍ट मिओनचेन थे जीउ च्‍योक ईन। थेचेन थे जीउकीते गोः च्‍योक ईन। मिओनला थे खोरोङ मि जोकान्‍ते थेमे स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍ते थेराङ ईन। सा नाम खाङ ओताते जोबाते जति जो ईन्‍स्‍यीत जे ईन्‍स्‍यीत, थे खोरोङ मि ईन्‍स्‍यीत होदिबा गाङेते जहिलेङ जे कुरोलाङ ख्रीष्‍टकामा छ्येते ओङा फाप्‍क्‍यो सिन परमेश्‍वरगी होदोक दोक ओङ च्‍युताते ईन।

कलस्‍सी 1:8

थेमे परमेश्‍वर आत्‍मे छ्य्‌वापेई ख्‍योकोनगी ज्‍येनला ङिङज्‍ये खिदुक सिनोङ ङ्योकोनला दिकीराङ लाःप्‍सुङ।

कलस्‍सी 2:10

थेमे ख्रीष्‍टकी खित्‍सादुराङ ख्‍योकोनगी परमेश्‍वरगी तेरच्‍येते साम्‍बाते जुनी ङेत्‍कीन खेराङला गोच्‍येते जति गाङे ङेता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे ख्रीष्‍टकी अधीनला ओत। होदिबा गाङे भन्‍दा छ्येतेचेन थेराङ ईन।

कलस्‍सी 2:19

थोक्‍ते मिचेन ख्रीष्‍टताङ ठाल्‍गीन सिन्‍दाते मि ईन। मि जीउकी गोः च्‍योकराङ थे खोरोङ मिओनते छ्येते ख्रीष्‍टराङ ईन। मि जीउचेन चाताङ छिकी जोरे खाबा ओङगो। थेमे गोः ओत्‍सीनकामा मि जीउ छारग्‍यो। थोकराङ खाला ख्रीष्‍टकीकामा थे खोरोङ मि गाङेला डिक च्‍युत्‍ला परमेश्‍वरगी चुक ओङा फाप्‍क्‍यो सिन साबाते ईन्‍दे पूरो खाला थोकराङ ओङ ज्‍युत्‍क्‍यो।

१ तिमोथी 3:15

केही कुरोकी ङा होत्ता मासीनोङ दि बातओन पढे खानामेई परमेश्‍वर खाम्‍बे मिओनगी चुक खिता फाप्‍च्‍या ईन्‍दाका, चुक खाला देता फाप्‍च्‍या ईन्‍दाका सिन खुई छ्या स्‍येक्‍यो। थोक्‍ते मिओन सोम्‍बोते परमेश्‍वर मि ईन। थेबेकी खित्‍सादु परमेश्‍वर सत्‍यते बात च्‍यि ईन्‍दे सिन गाङेकी छ्या स्‍येला थे बातताङ मिडिक्‍च्‍येते बात डेला थुप्‍क्‍यो।

हिब्रू 2:8

जो ईन्‍सीनोङ, जे ईन्‍सीनोङ गाङेला खुई थे अधीनलाराङ ज्‍याक्‍पा ओत,” सिन साला दुक। थे अधीनला मेताते सिराते छ्याःङ बाँकी मोज्‍योबा खाईन परमेश्‍वरगी ओताते जति गाङे थे अधीनलाराङ ज्‍याक्‍पा ओत। ईन्‍सीनोङ थोरूमसाक गाङे थे अधीनला ओङगीन सिन्‍दाते ङुरूङगी थोङा ङेता मेत।