एफिसी 1:21 - जिरेल

²¹ थेकी सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङेला राज्‍य खित्‍च्‍येते अधिकार ख्रीष्‍टला बिन्‍दा ओत। थेमे थेकीराङ ख्रीष्‍ट छेत छ्ये होदिबा सुङ मेन, दि जुगला ईन्‍स्‍यीत, था ओङच्‍येते सत्‍यते जुगला ईन्‍स्‍यीत ख्रीष्‍टराङ गाङे भन्‍दा छ्येते ईन सिन साबा ओत।

एफिसी 1:21 Iomraidhean Croise

मत्ती 12:32

थोकराङ खाला परमेश्‍वर ओत्‍सादुई वाबाते मि ङे विरोध खाला मेलेबा बात खिदुक सासीन थेकी माफ ङेता थुप्‍क्‍यो। ईन्‍दा मेन्‍दा साकीन परमेश्‍वर आत्‍मे विरोध खासीन थोक्‍ते मिकीचेन दि जुनीलाङ तिरी जुनीलाङ नोमुङ माफ मेङेदो।

शक्ति काम 4:12

थोगी मिओनला दुक्‍पादुकी डेल्‍कान्‍ते खालि येशू ख्रीष्‍टकामा ईन। मि गाङेला पापताङ दुक्‍पादुकी डेल्‍कान्‍ते ज्‍येन सुङ मेतेकी परमेश्‍वरगी थेलाराङ दि सा लुङबादु ताङाते ईन। थेकीकामा ङुरूङला पापकी सजायदुकी डेला थुप्‍क्‍यो,” सिन सिदुक।

एफिसी 2:2

थेजीन ख्‍योकोन चालचलनताङ बानी बिवारा दि सा लुङबे मि ज्‍येनतेबेते च्‍योकराङ ओतान। ख्‍योकोनचेन दागार, ङीमा, कार्मा नामने ओताते जति गाङे थेमे ल्‍हा लुई गेल्‍बो शैतान अधीनला देत्‍ला थेकी खि साबा साबाच्‍योक खिन ओतान। परमेश्‍वरगी माकेत साबा साबा खित्‍कान्‍ते मिओनलाचेन थोरूमोङ शैतानगीराङ राज्‍य खिन ओत।

एफिसी 3:10

थाचेन गाङेपा जम्‍मा ओङकान्‍ते येशू ख्रीष्‍ट मिओनला ताला थे खोरोङगी थेबे लाईदु खाबाते कामतेबा चुक आउदी बुद्धि पुरे खाईन खाबाते ईन्‍दे सिन परमेश्‍वरगी स्‍वर्गने ओताते छ्ये टेक्‍टे थे खोरोङ दूत गाङेला छ्या स्‍ये च्‍युत्‍कीन बिन्‍सुङ।

एफिसी 6:12

च्‍यि सासीन ङुरूङ जीङा फाप्‍च्‍येते मित्ताङ मेन। ङुरूङनी दि सा नाम खाङ ओताते ल्‍हा लु, ल्‍हन्‍डीक स्‍यिन्‍डीप थेमे होदिबा च्‍योकराङ शैतानताङ डिक्‍ला दि कलि जुगला राज्‍य खित्‍कान गाङेताङ जीङच्‍येते ईन।

कलस्‍सी 2:10

थेमे ख्रीष्‍टकी खित्‍सादुराङ ख्‍योकोनगी परमेश्‍वरगी तेरच्‍येते साम्‍बाते जुनी ङेत्‍कीन खेराङला गोच्‍येते जति गाङे ङेता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे ख्रीष्‍टकी अधीनला ओत। होदिबा गाङे भन्‍दा छ्येतेचेन थेराङ ईन।

कलस्‍सी 2:15

थेमे परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत सा नाम खाङ राज्‍य खित्‍कान्‍तेबे अधिकार थेकी थे खोरोङ लाःक्‍तु लासुङ। थेमे थेबा सुङगीङ था नोमुङ राज्‍य खिता मेङेदो सिन गाङेपा गाङेला छ्या स्‍ये च्‍युत्‍सुङ। दोक दोकचेन थेकी ख्रीष्‍ट स्‍यिङगी थामला टाँए खाईन स्‍याप्‍की खित्‍सादु खाबाते ईन।

हिब्रू 1:4

परमेश्‍वर फुज्‍युङचेन परमेश्‍वर दूतओन भन्‍दा खापान खापान छ्ये ईन। परमेश्‍वरगी थेला थे खोरोङ दूतओनला भन्‍दा छ्येज्‍यीक मान बिन्‍दा ओत।

हिब्रू 2:5

थाल्‍लासाक बात खिन वाबाते था तिरी ओङच्‍येते परमेश्‍वर राज्‍यदुचेन परमेश्‍वर दूतओनगी राज्‍य खित्‍च्‍येते मेन।

हिब्रू 4:14

स्‍वर्गने गाल्‍गीन परमेश्‍वर दोन्‍दु देताते परमेश्‍वर फुज्‍युङ येशू ङुरूङते गाङे भन्‍दा छ्येते पूजारी ईन्‍देकी ङुरूङगी थेला विश्‍वास खाईन ङेन्‍दाते बात ङेन्‍दा मोतोङा खाला देता फाप्‍क्‍यो।

१ पत्रुस 3:22

थेचेन थरिङोला स्‍वर्गने गाल्‍गीन परमेश्‍वर सामे छ्य्‌वापा देता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे थे अधीनलाराङ ओत।