एफिसी 1:17 - जिरेल

¹⁷ ङुरूङ प्रभु येशू ख्रीष्‍टते परमेश्‍वरगी थे खोरोङ चुक्‍ते ईन्‍दे थेमे चुक अचम्‍ब खाला काम खिन ओते सिन खोबाला ख्‍योकोनला बुद्धि तेरस्‍यीत सिन ङा प्रार्थना खिओ। परमेश्‍वरचेन छ्येज्‍यीक शक्ति ओताते आबा ईन।

एफिसी 1:17 Iomraidhean Croise

मत्ती 11:25

थेमे थे बेलालाराङ गाङेकी थोच्‍या खाईन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन स्‍वर्गे राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान।

मत्ती 11:27

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो।

मत्ती 16:17

थोक सिरजीन थेकी थेला “खुई ठीक सिदुक योने फुज्‍युङ शिमोन, खो थोई भाग्‍यमानीज्‍यीक ओता ईन्‍दाका। च्‍यिला सासीन दि बात खुई खोरोङगीराङ छ्या स्‍येबाते मेन, मिकी लाप्‍कीन बिन्‍दातेङ मेन। स्‍वर्गने देत्‍कान्‍ते ङे आबेकी खोल्‍ला दि बात छ्या स्‍ये च्‍युताते ईन।

मत्ती 20:33

थेमे थेबा ङिकारगी “ङ्योकोनगी मिगी थोङा ङेत्‍स्‍यीत प्रभु,” सिन सासुङ।

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

लूका 12:12

बात ठा बेलाला च्‍यि सिरा फाप्‍कीते सिन थेजीनराङ परमेश्‍वर आत्‍मेकी ख्‍योकोनला छ्या स्‍ये ज्‍युत्‍क्‍यो,” सिन सिदुक।

लूका 2:14

थेमे थे दूतओनगी “स्‍वर्गने देत्‍कान्‍ते परमेश्‍वरते जय जय ओङस्‍यीत। दि सा लुङबे मिओन नाङ थे खोरोङगी दया खाबाते मिओनला था थेकी लेमु खिओ,” सिन परमेश्‍वरते जय जय खासुङ।

लूका 21:15

च्‍यिला सासीन थेजीन ङा ङाराङराङ ख्‍योकोनला चुक सिन बात खित्‍च्‍ये सिन बुद्धि तेरग्‍यो। थोक ओङनामेकी ख्‍योकोन विरोध खित्‍कान्‍तेबा सुङगीङ ख्‍योकोन बातला मेन सिरा मुथुबो, ख्‍योकोन बात साँचो मेन सिन थेबेकी छ्याःङ कारण तेरा मुथुबो।

यूहन्‍ना 14:17

थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो। दि सा लुङबे मिओनगी दिङ सु ईन्‍देरो सिराच्‍योक खाला थेला छ्याःङ वास्‍ता मिक्‍किओ। च्‍यिला सासीन थेबेकी थे सु ईन्‍दे सिन छ्याङ मेस्‍येओ, थेला थोङाङ मुथुबो। तर ख्‍योकोनगीचेन थेला छ्या स्‍येक्‍यो। थे ख्‍योकोनताङ नोमुङ माठाला खाला ख्‍योकोन सेमगी नाङराङ देत्‍क्‍यो।

यूहन्‍ना 14:26

था आबेकी ख्‍योकोनला सल्‍लाह तेरकान्‍तेला ङे छ्य्‌वापेकी तोङगो। थेचेन परमेश्‍वर आत्‍मा ईन। थेकी वाला ख्‍योकोनगी च्‍यि खिता फाप्‍कीते, चुक खिता फाप्‍कीते सिन गाङे लाप्‍ला तेरग्‍यो। थेमे ङे ख्‍योकोनला लाप्‍कीन बिन्‍दाते गाङे बात ठेम्‍बा लोङगो।

यूहन्‍ना 16:3

थेबेकी आबालाङ ङालाङ छ्या मास्‍येबेकीराङ थोक खिओ।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

शक्ति काम 6:10

तर परमेश्‍वर आत्‍मेकी स्‍तिफनसला आउदी बुद्धि बिन्‍दा ओतेकी थेबेकी जतिराङ टेकाटेउरी खासीनोङ थेकी खाबाते बातला मेन सिन नोमुङ थेला ग्‍याला माथुप्‍सुङ।

शक्ति काम 7:2

थेमे स्‍तिफनसकी दोक सिन थेबाताङ बात खिताला स्‍यूसुङ। चुक सासीन “छ्येवे थेमे आज्‍यो न्‍वावे, लो लेमु खाला ङेन। ङा ख्‍योकोनला गाङे बात सिरामीन। च्‍यि सासीन छ्येज्‍यीक शक्ति ओताते परमेश्‍वरगी ङुरूङ पुर्खा अब्राहामला थाङबोका ठेता ओतान। थेजीन अब्राहाम मेसोपोटामियादु देता ओतान। थे लुङबादुकी हारानपा ड्वा भन्‍दा गोमाराङ परमेश्‍वरगी ठेत्‍कीन थेला

रोमी 1:28

दोस्‍यिककामा मेन, थेबेकी परमेश्‍वरगी साबाते च्‍यिला ङेन्‍च्‍येरो सिन थेला छ्याःङ वास्‍ता माक्‍याबेकी थेकी थेबाला खोपरोङ सेमला लाबा लाबा खिता मेङच्‍येते कामराङ खित्‍स्‍यीत सिन ताङसुङ।

रोमी 15:6

दोक खाईन ख्‍योकोन गाङे सेमज्‍यीकराङ खाला डिक्‍ला ख्‍योकोनगी खाज्‍यीकराङ खाला ङुरूङ प्रभु येशू ख्रीष्‍ट आबा परमेश्‍वरते जय जय खिता थुप्‍क्‍यो।

१ कोरिन्‍थी 12:8

चुक सासीन परमेश्‍वर आत्‍मेकी कोईला परमेश्‍वर बातकी अर्थ खोले खित्‍च्‍येते बुद्धि बिन्‍दा ओङगो सासीन थेकीराङ कोईला परमेश्‍वरगी चुक खाला काम खिते सिन छ्या स्‍ये च्‍युताते बात लोप्‍च्‍येते शक्ति बिन्‍दा ओङगो।

१ कोरिन्‍थी 14:6

थोगी आज्‍यो न्‍वावे, ङे ख्‍योकोन ओत्‍सादु ओङजीन परमेश्‍वरगी ङाला तेन्‍गीन बिन्‍दाते तिरी ओङच्‍येते बात कि परमेश्‍वरगी चुक खाला काम खिते सिन छ्या स्‍येबाते बात कि परमेश्‍वरगी सिर च्‍युताते बात कि ख्‍योकोनगी चुक चुक खिता फाप्‍कीते सिरच्‍येते बात मोलोपा खाईन खालि ङाराङगी छ्या मास्‍येबाते खुदुक खुदुकते भाषाला बात खासुङ सासीन च्‍यि ख्‍योकोनला खइँदा फाइदा ओङगोतरो? ङे थोक्‍ते भाषाला बात खालानी ख्‍योकोनला छ्याःङ लेमु मेङगो।

१ कोरिन्‍थी 2:10

परमेश्‍वर बातला साबा च्‍योकराङ खाईन थे खोरोङगी गोमा सुङलाङ छ्या स्‍ये च्‍युता मेताते बात परमेश्‍वरगी ङुरूङलाचेन थे खोरोङ आत्‍मे छ्य्‌वापेई छ्या स्‍ये च्‍युता ओत। परमेश्‍वर आत्‍मेकीचेन गाङे बात छ्या स्‍येक्‍यो, परमेश्‍वरगी च्‍यि खिता चाल्‍ला दुका सिरच्‍येते बात समेदोङ छ्या स्‍येक्‍यो।

१ कोरिन्‍थी 2:8

दि बात दुरू लुङबा लुङबाला राज्‍य खित्‍कान्‍तेबा सुङगीङ छ्या मास्‍येसुङ। छ्या स्‍येबा ईन्‍दा ईन्‍सीन छ्येज्‍यीक शक्ति ओताते प्रभु येशूला थेबेकी स्‍यिङगी थामला टाँए खाला सेत्‍च्‍या मेतान।

२ कोरिन्‍थी 12:1

ईन्‍दाका ङा दोक्‍ते मि ईन, ङे दोक खाबाप सिन छ्ये खाला छ्याःङ फाइदा मेत। ईन्‍सीनोङ था ङा ख्‍योकोनला प्रभु ख्रीष्‍टकी मिलाम खित ज्‍युताच्‍योक खाईन खो च्‍युताते थेमे छ्या स्‍ये च्‍युताते बातओन खितामीन।

एफिसी 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। च्‍यिला सासीन ख्रीष्‍टकी खित्‍सादु थेकी स्‍वर्गनेकी थे खोरोङगी तेरच्‍येते आशी जति गाङे ङुरूङला बिन्‍दा ओत।

एफिसी 3:5

थे बात च्‍यि ईन्‍दे सिन परमेश्‍वरगी गोमे मि सुङलाङ छ्या स्‍ये च्‍युता मेतान। थाचेन थेकी येशू ख्रीष्‍टकी खटे खाबाते मिओन थेमे थे खोरोङ बात खित्‍कान्‍ते मिओनला थे बात च्‍यि ईन्‍दे सिन थे खोरोङ आत्‍मे छ्य्‌वापेई छ्या स्‍ये च्‍युत्‍कीन बिन्‍दा ओत।

एफिसी 4:13

ङुरूङ गाङेकी थोक खिन डोजीन थेला विश्‍वास खाईन ङेन्‍दाते बातला ङुरूङ झन डिगीन डुइओ थेमे परमेश्‍वर फुज्‍युङ चुक्‍ते ईन्‍दे, च्‍यि खिते सिन झन लेमु खाला छ्या स्‍येला ङुरूङ गाङेराङ सेमज्‍यीकराङ खाला काम खित्‍कान ओङगो। दोक खाला ख्रीष्‍टकी ङुरूङ नाङ खिता चालाते काम पूरो ओङला ङुरूङ थेकी ज्‍वा चाला च्‍योकराङ पाको ओङगो।

फिलिप्‍पी 3:15

थोगी येशू ख्रीष्‍टला विश्‍वास खिन पाको गालातेबा ङुरूङ गाङेराङ ङे थाल्‍लासाक साबाते बातला डिक्‍पा फाप्‍क्‍यो। ईन्‍दाका दि बातओन नाङ कोई बात ख्‍योकोनला दोकराङ ईनरो सिराच्‍योक लाङगीतासीन। कोई बात ख्‍योकोनला थोक लासीन थे बात ङे साबा च्‍योकराङ ईन सिन परमेश्‍वरगी ख्‍योकोनला छ्या स्‍ये ज्‍युत्‍क्‍यो।

२ तिमोथी 2:25

थेकीचेन थे खोरोङगी लोप्‍च्‍येते बातताङ मिडिक्‍च्‍येते बात खित्‍कान्‍ते मिओनताङ खा छ्येत लेमुकीराङ थेबेकी चुक्‍ते बात लोपा फाप्‍च्‍येते ईन्‍दे सिन लाप्‍ला तेरा फाप्‍क्‍यो। परमेश्‍वरगी थेबाला खोपरोङगी चुक मेलेबा खाबा ओता ईन्‍दाका सिन छ्या स्‍येच्‍येते मौका तेरगीतासीन सिन थेमे थेबेकी सत्‍यते बात च्‍यि ईन्‍दाका सिन लेमु खाला छ्या स्‍येकीतासीन सिन थेबाला होदोक खाला लाप्‍ला तेरा फाप्‍क्‍यो।

तीतस 1:1

दि चिट्ठी टिक्‍कान्‍ते ङा पावल ईन। ङा परमेश्‍वर काम खित्‍कान्‍ते मि ईन। थेमे ङा येशू ख्रीष्‍टकी खटे खाबाते मिङ ईन। परमेश्‍वरगी थे खोरोङ मि सिन छाने खाबाते मिओनगी झन लेमु खाला थेला विश्‍वास खिता थुप्‍स्‍यीत थेमे सत्‍यते बात लेमु खाला छ्या स्‍येला झन थेला लेमु खाला माने खिता थुप्‍स्‍यीत सिन थेबाला लाप्‍ला कोत्‍ला तेरच्‍येते जिम्‍मा ङाला बिन्‍दा ओत।

याकूब 2:1

आज्‍यो न्‍वावे, ख्‍योकोनचेन छ्येज्‍यीक शक्ति ओताते प्रभु येशू ख्रीष्‍टला विश्‍वास खित्‍कान्‍ते मि ईन। थोगी ख्‍योकोनगी मि छ्येत ताला काका पाका खिता मेङगो।

२ पत्रुस 1:3

दाक्‍पोनगी ङेताते साम्‍बाते जुनीला खिता फापाच्‍योक खिताला थेमे थेला माने खिताला खिता फाप्‍च्‍येते कामताङ बात खिताला गोच्‍येते जति गाङे परमेश्‍वरगी थे खोरोङताङ ओताते छ्येज्‍यीक शक्ति छ्य्‌वापेकी ङुरूङला बिन्‍दा ओत। थे सु ईन्‍दे, चुक्‍ते ईन्‍दे सिन थेला छ्या स्‍येबेकी खित्‍सादु थेकी ङुरूङला दोक खाईन गोच्‍येते जति बिन्‍दाते ईन। थे खोरोङताङ छ्येज्‍यीक शक्ति ओतेकी थेमे जे खित्‍जीनोङ लेमु खित्‍कान्‍ते ईन्‍देकी थेकी ङुरूङला थे खोरोङ दोन्‍दु स्‍योक सिन काताङा ओत।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।

छ्या स्‍ये च्‍युताते बात 7:12

थेबेकीचेन “आमेन, ङुरूङ परमेश्‍वरला छ्ये जोइन देत्‍की। थेते सधैँभरि जय जय ओङस्‍यीत। थे जस्‍तो बादोङ छ्या स्‍येकान्‍ते ईन। थेला धन्‍यवाद साला मान खिइ। थेत्ताङ छ्येज्‍यीक शक्ति ओत। थेकी जस्‍तो कामोङ खिता थुप्‍क्‍यो। आमेन,” सिन ओतान।