एफिसी 1:15 - जिरेल

¹⁵ बात दोक दोक ईन्‍देकी ख्‍योकोनगी प्रभु येशूला विश्‍वास खिदुक्‍लो थेमे परमेश्‍वर सन्‍तान गाङेला ङिङज्‍ये खिदुक्‍लो सिरा थोबा छुरनामेई परमेश्‍वरला प्रार्थना खित्‍जीन

एफिसी 1:15 Iomraidhean Croise

शक्ति काम 20:21

यहूदी ईन्‍स्‍यीत, ग्रीक ईन्‍स्‍यीत ङे गाङेला ओर्च्‍ये ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि थेमे प्रभु येशूला विश्‍वास खि सिन साबा ओत। ङे दोक दोक खाबा ओतान सिन ख्‍योकोन गाङेला छ्याराङ ओत।

रोमी 1:8

गोमाचेन ङा येशू ख्रीष्‍ट छ्य्‌वापेकी ख्‍योकोन गाङे लाईदु परमेश्‍वरला धन्‍यवाद सिओ। च्‍यिला सासीन ख्‍योकोन येशूला विश्‍वास खित्‍कान्‍ते मि ईन सिन गाङेपे मिला छ्या दुक।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

एफिसी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङा दि चिट्ठी एफिसस सारदु ओताते परमेश्‍वर सन्‍तान ख्‍योकोनला टिगीन ओत। ख्‍योकोन येशू ख्रीष्‍टला विश्‍वास खित्‍कान्‍ते थेमे थेत्ताङ जीउज्‍यीकराङ ओङाते मि ईन।

एफिसी 3:18

दोक खाला परमेश्‍वरगी गोमा सुङलाङ छ्या स्‍ये च्‍युता मेताते बात खोबा चाल्‍ला खोबा मुथुप्‍च्‍या चुक अचम्‍ब ईन्‍दाका सिन परमेश्‍वर सन्‍तान ज्‍येन गाङेताङ ख्‍योकोनगीङ गाङे लेमु खाला खोबा थुप्‍स्‍यीत।

१ थिस्‍सलोनिकी 1:3

धन्‍यवाद सिरजीनराङ ख्‍योकोनगी येशू ख्रीष्‍टला विश्‍वास खाईन लेमु काम खिताला स्‍यूबाते थेमे ज्‍येनला ङिङज्‍ये खिन झन झन लेमु खाबाते बातकी लाईदु ङुरूङ आबा परमेश्‍वरला धन्‍यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्‍ट ग्‍युरला ओङगो सिन आश खाईन गुकीन देता ओतेकी जस्‍तो दुक्‍पा ओङसीनोङ ख्‍योकोन सेम मेसेता खाईन देता ओताते बातकी लाईदुङ ङ्योकोन थेला धन्‍यवाद सिओ।

१ थिस्‍सलोनिकी 4:9

थेमे प्रभु येशूला विश्‍वास खित्‍कान्‍ते आज्‍यो न्‍वाकी नाङ दोक्‍पोईकी ज्‍येनज्‍यीकला ङिङज्‍ये खित्‍च्‍येते बातला ङ्योकोनगी ख्‍योकोनला छ्याःङ सिरा माफाप्‍तासीन। दोक्‍पोईकी ज्‍येनज्‍यीकला चुक खाला ङिङज्‍ये खिता फाप्‍कीते सिन परमेश्‍वर थे खोरोङगीराङ ख्‍योकोनला लाप्‍कीन बिन्‍दा ओत।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

१ तिमोथी 1:14

थोक खाईन थेकी ङाला आउदी दया खाईन खितासम्‍म लेमु खासुङ। थेत्ताङ जीउज्‍यीकराङ ओङगीन ङे थेला विश्‍वास खिता थुप्‍सुङ थेमे ज्‍येनला ङिङज्‍ये खिता थुप्‍सुङ।

१ तिमोथी 1:5

ङे खोल्‍ला होथे मिओनला दोक खि, थोक माकेत सिन कोत साबातेचेन थेबेकी ज्‍येनतेबाला ङिङज्‍ये खित्‍स्‍यीत सिनराङ ईन। थोक खाला ङिङज्‍ये खिताला थेबे सेम लेमु ओङा फाप्‍क्‍यो, दाक्‍पोनला ङे दोक खिता ठीक मेन सिराच्‍योक लाबाते काम छ्याःङ खिता मेङगो, थेमे खेकीकामा मेन्‍देकी येशू ख्रीष्‍टला पक्‍काराङ खाला विश्‍वास खिता फाप्‍क्‍यो।

फिलेमोन 1:5

च्‍यिला सासीन प्रभु येशूला खुई लेमु खाला विश्‍वास खिदुक्‍लो थेमे परमेश्‍वर सन्‍तान गाङेला ङिङज्‍ये खिदुक्‍लो सिन ङे थोसुङ।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ यूहन्‍ना 3:17

दोक सिइना, सुइँदा मित्ताङ जेसुकै वालछ्येल दुक थेमे थेकी थे खोरोङ आज्‍यो न्‍वातेबा सुइँदा दुक्‍पा ङेत्‍कीन फेटेक फेटेक परे खाबा थोङजीनोङ थेला मिक कार्बोकीङ ग्‍युरला मातादुक सासीन च्‍यि थेकी परमेश्‍वरगी ज्‍येनला ङिङज्‍ये खि साबाच्‍योक खाईन ङिङज्‍ये खाबाते ईनरो?

१ यूहन्‍ना 4:21

परमेश्‍वरला ङिङज्‍ये खित्‍कान्‍ते मिकी दाक्‍पोन आज्‍यो न्‍वालाङ ङिङज्‍ये खि सिन येशू ख्रीष्‍टकी ङुरूङला कोताते ईन।