एफिसी 1:13 - जिरेल13 थेमे सत्यते बात थोनामेई ख्योकोनोङ ख्रीष्टताङ जीउज्यीकराङ ओङसुङ। पापकी सजायदुकी थारच्येते होथे गा लाङच्येते बात ङेन्गीन ख्रीष्टला विश्वास खानामेकी गोमा थे खोरोङगी ख्रीष्टकी छ्य्वापेकी तेरग्यो साबाते परमेश्वर आत्मा परमेश्वरगी ख्योकोनलाङ बिन्सुङ। दोक खाईन थेकी थे खोरोङ आत्मा बिन्दातेचेन ख्योकोनोङ थे खोरोङ मिराङ ईन सिराला छाप ग्यापाते च्योकराङ ओङसुङ। Faic an caibideil |
एफिसी 1:13
38 Iomraidhean Croise
खालि साच्या थुङच्ये विचारकामा माकेत। दिनी दि जुनी लाईदुकामा ईन। बरू ख्योकोनगी चुक खाला नोमुङ मिसिन्च्येते जुनी ङेत्च्येते साप ङेदोङा सिरच्येते विचार खि। ख्योकोनला थे साप तेरकान्तेचेन परमेश्वर ओत्सादुई वाबाते मि ङाराङ ईन। आबा परमेश्वरगीराङ ङाला थोक खित्च्येते अधिकार बिन्दा ओत,” सिन सिदुक।
थोक खाईन सोम्बो लोक्नामेकी परमेश्वरगी थेला छ्येज्यीक मान बिन्गीन थे खोरोङ सामे छ्य्वापा ज्याक्पा ओत। थे खोरोङगी मिओनला तेरग्यो साबाते परमेश्वर आत्मा तेरच्येते जिम्मा थेकी येशूला बिन्सुङ। आबातेकी जिम्मा बिन्दा च्योकराङ खाईन थेकी ङ्योकोनला परमेश्वर आत्मा बिन्सुङ। ख्योकोनगी थरिङ थोङातेताङ थोबाते बात ङ्योकोनगी परमेश्वर आत्मा ङेतेकी खित्सादुराङ ईन।
गा लाङच्येते बात लोपाला ङाला सुङताङ छ्याःङ ङोचा मालाङदुक। च्यिला सासीन दि बातला परमेश्वरताङ चुक छ्येज्यीक शक्ति ओते सिरच्येते बात ओत। दि बात ङेन्ला येशूला विश्वास खित्कान्ते मिबरी गाङेला परमेश्वरगी पापदुकी डेल्ग्यो। दि पापदुकी डेल्च्येते काम परमेश्वरगी गोमा यहूदीओनला खासीनोङ ज्येन ज्येन जातकी मिलाङ खिओ।
थे चिनुनी अब्राहामगी तिरीकामा जोबा ओतान। थेकी परमेश्वरला विश्वास खाबेकी परमेश्वरगी थेला दोषी मेन साबाते बात साँचो ईन सिराला थे खतकी चिनुचेन छाप ग्यापा च्योकराङ ओङसुङ। बात दोक ईन्देकी अब्राहामचेन खतकी चिनु माजोबाते तर खोपरोङगी खाबाते पाप परमेश्वरगी माफ खिओ सिन थेला विश्वास खित्कान्ते ज्येन ज्येन जातकी मितेङ ज्युज्यु ओङसुङ। थोगी थे खोरोङला विश्वास खित्कान्ते ज्येन ज्येन जातकी मिलाङ परमेश्वरगी अब्राहामला च्योकराङ खाला दोषी मेन सिओ।
थेमे ङ्योकोन जहिलेङ दि बातकी लाईदुङ परमेश्वरला धन्यवाद सिओ। च्यि सासीन ङ्योकोनगी परमेश्वर बात लोप्जीन थे बात मिकी जोबाते मेन्दाक्वा, परमेश्वर बातराङ दुका सिन ख्योकोनगी ङेन्सुङ। ईन्दाबोङ थे बातचेन परमेश्वर बातराङ ईन। येशूला विश्वास खित्कान ख्योकोन नाङ परमेश्वरगी होथे बातकी छ्य्वापेईराङ काम खिन ओत।
तर परमेश्वर सत्यते बातचेन नोमुङ माराम्च्या खाईन तिङाते खाम्बे जग च्योकराङ ईन। थे बात नोमुङ खुदुक मोन्डोओ। खइँदा खाम्बा च्यि लाईदु जोबाते ईन्दे सिन खाम्बे दोज्यीकला कोरगीन टिबाते बात च्योक खाईन परमेश्वर सत्यते बातला दोक दोक सिन टिबा ओत। चुक सासीन “थे खोरोङ मि सु सु ईन्दे सिन प्रभु परमेश्वरगी लेमु खाला छ्या स्येक्यो,” थेमे “प्रभु परमेश्वर मि ईन सिन सिरकान गाङेकी मेलेबा काम खिता तोङा फाप्क्यो,” सिन टिबा ओत।
थे नियम मेङेन्कान्तेबेकीनी सजाय ङेता ओतान सासीन परमेश्वरगी मिओनला पापकी सजायदुकी डेल्ग्यो सिरच्येते दोक लेमुते बात माङेन्सीन ङुरूङ चुक खाला सजाय छ्य्वापेई थारगीतेरो? परमेश्वरगी मिला पापकी सजायदुकी डेल्च्येते बात गोमा प्रभु येशूकी लापाते ईन। थेमे थेकी लापाते बात थोकान्तेबेकी थे बात सत्यते ईन सिन ङुरूङला लाप्कीन बिन्दा ओत।
दोक ईन्देकी ख्योकोनगी मि गाङेकी खिन ओताते खिता मेङच्या मेलेबा मेलेबा खित्च्येते बानी थोङ। थेमे होदोक्ते ज्येनोङ मेलेबाते काम खिता गाङे थोङ। थेमे ङेल्ला दि बात मोगोओ सिराच्योक मिक्किता खाला परमेश्वरगी खेराङला खो च्युताते बात लेमु खाला ङेन। परमेश्वर बात ङेन्गीन साबा च्योकराङ खासीन ख्योकोनगी पापकी सजाय भोगे खिता माफाबो।
Sanasan