एफिसी 1:10 - जिरेल

¹⁰ थे खोरोङगी तोके खाबाते ठीक समय छाङनामेईचेन गोमामेईराङ येशू ख्रीष्‍ट छ्य्‌वापेकी खिओ सिन थे खोरोङगी खिता चालाते काम थेकी खासुङ। दि काम च्‍यि ईन्‍दे सासीन स्‍वर्गने ओताते ईन्‍स्‍यीत, पृथ्‍वीदु ओताते ईन्‍स्‍यीत, जो ईन्‍सीनोङ जे ईन्‍सीनोङ गाङेला येशू ख्रीष्‍ट छ्य्‌वापेकी डिक्‍पा खाला थे अधीनलाराङ ज्‍य्‌वाच्‍येते ईन।

एफिसी 1:10 Iomraidhean Croise

मत्ती 25:32

थेमे थेरू गाङे लुङबा लुङबे मिला थे दोन्‍दु जम्‍मा खिओ। गोठालेकी राताङ लुकला टाल्‍ला ज्‍य्‌वाबाच्‍योक खाला थेजीन थे गेल्‍बोकी मि गाङेला हूल ङिला डेल्‍ग्‍यो।

मर्कूस 1:15

थेकी थेबाला “मिवे, थाचेन बेला लेप्‍कीन सिन्‍सुङ। था परमेश्‍वर राज्‍य दुरू ओङा खाबा ओत। थोगी ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे गा लाङच्‍येते बात ङेन,” सिन लाप्‍सुङ।

१ कोरिन्‍थी 10:11

थेबेकी च्‍यि खित्‍जीन चुक चुक ओङसुङा सिरच्‍येते दि बातओन ताला ङुरूङ दाक्‍पोनगी चुक खिता फाप्‍च्‍या ईन्‍दाका सिन छ्या स्‍येबा फाप्‍क्‍यो। था दि जुग सिन्‍ला डोच्‍ये बेला ख्‍योल्‍गीन सिन्‍सुङ। थोगी ङुरूङगीङ थेबेकी खाबाच्‍योक खिता मेङगो सिन छ्या स्‍येस्‍यीत सिनराङ दि बातओन टिबा ओतान।

१ कोरिन्‍थी 11:3

था ङा ख्‍योकोनला बातज्‍यीक बात ङि सिरामीन। च्‍यि सासीन ख्‍योओ मि भन्‍दा ख्रीष्‍ट छ्ये ईन। थेमे फेम्‍मे मि भन्‍दा ख्‍योओ मि छ्ये ईन। थोकराङ खाला ख्रीष्‍ट भन्‍दा परमेश्‍वर छ्ये ईन।

गलाती 4:4

तर परमेश्‍वरगी गोमा तोके खाबाते समय छाङनामेकीचेन थेकी थे खोरोङ फुज्‍युङला देमा ताङा ओतान। थेमे परमेश्‍वर फुज्‍युङ ङुरूङ च्‍योकराङ मि जुनी लाकीन केबा ओतान। थेमे यहूदी ईन्‍देकी थेङ परमेश्‍वर नियम अधीनला देता ओतान।

एफिसी 1:22

दोक खाईन थेकी जो ईन्‍सीनोङ जे ईन्‍सीनोङ गाङेपा गाङेला ख्रीष्‍टकी अधीनलाराङ ज्‍याक्‍पा ओत। दोक खाला गाङेपा गाङेला राज्‍य खित्‍कान्‍ते ख्रीष्‍टलाराङ थेकी गाङेपा जम्‍मा ओङकान्‍ते येशू ख्रीष्‍ट मिओनतेङ छ्येते जोसुङ। दोक खाईन ख्रीष्‍टचेन थे खोरोङ मिओनते गोः च्‍योक ओङसुङ।

एफिसी 2:15

चुक खाईन सासीन ख्रीष्‍टकी थे खोरोङ ज्‍यान बिन्‍गीन स्‍यिइन ङ्योकोन इस्राएलीला दोक खि, थोक माकेत सिन बिन्‍दाते परमेश्‍वर नियम काम लै मिक्‍किच्‍या जोसुङ। थे नियमचेन ङुरूङ फारदु मिडिक्‍च्‍येते बात ओतान। दोक खाईन थेकी गोमा खुदुक खुदुक जात ओताते मि ङुरूङला थे खोरोङताङराङ डिक्‍पा खाईन जातज्‍यीगी मिराङ जोसुङ।

एफिसी 3:15

स्‍वर्गदु थेमे पृथ्‍वीदु ओताते जति गाङेला जुनी तेरकान्‍ते थेराङ ईन।

एफिसी 3:2

परमेश्‍वर थे खोरोङ दयेकी खाबाते कामगी बात ख्‍योकोन ज्‍येन ज्‍येन जातकी मिला लोप्‍च्‍येते जिम्‍मा ङाला बिन्‍दाते ईन सिन ख्‍योकोनगी थोबाराङ ओतासीन।

कलस्‍सी 1:16

च्‍यिला सासीन सा नाम ईन्‍स्‍यीत, मिओनगी थोङा थुप्‍च्‍येते देङला ओताते जति जे ईन्‍स्‍यीत, मिओनगी थोङा मुथुप्‍च्‍येते स्‍वर्गने परमेश्‍वर दूत ईन्‍स्‍यीत, ल्‍हा लु ईन्‍स्‍यीत, ज्‍येनला राज्‍य खित्‍कान्‍तेबा ईन्‍स्‍यीत, छ्ये टेक्‍टे जोराङ ईन्‍सीनोङ ओताते जति गाङे परमेश्‍वरगी थे छ्य्‌वापेकीराङ जोबाते ईन। जोबाते जति गाङे थेतेराङ ईन।

कलस्‍सी 1:20

थेमे थे खोरोङगी खिता चाला च्‍योकराङ खाईन थेकी दि पृथ्‍वीदु ओताते ईन्‍स्‍यीत, स्‍वर्गने ओताते ईन्‍स्‍यीत, जो ईन्‍सीनोङ जे ईन्‍सीनोङ गाङेला थे खोरोङ फुज्‍युङ छ्य्‌वापेकीराङ थे खोरोङताङ डिक्‍पा खाबा ओत। थे खोरोङ फुज्‍युङ स्‍यिङगी थामला टाँए खाला स्‍यिजीन थे जीउदुकी थेन्‍दाते ठागी खित्‍सादु थेकी ओताते जति गाङेला होथोक खाईन थे खोरोङताङ डिक्‍पा खाबा ओत।

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।

हिब्रू 1:2

थरिङोला दि जुग सिन्‍दे खालाचेन थेकी थे खोरोङ फुज्‍युङ छ्य्‌वापेई ङुरूङताङ बात खाबा ओत। दि सा नाम थेमे सा नाम खाङ ओताते जति गाङे परमेश्‍वरगी थे खोरोङ फुज्‍युङ छ्य्‌वापेईराङ जोबा ओतान। दोक खाईन जोबाते गाङे ङेत्‍कान्‍ते थेराङ ईन सिन परमेश्‍वरगी साबा ओत।

हिब्रू 11:40

थेबे पालोलाराङ थे पूरो माक्‍याबातेचेन थेकी ङुरूङ लाईदु झन लेमुज्‍यीक काम खिताला ठीक खाबा ओतान। च्‍यिला सासीन ङुरूङ लाईदु खिताला ठीक खाबाते कामगी छ्य्‌वापेईराङ थेकी थेबालाङ ङुरूङलाङ पालोईला पूरो खाला पापदुकी टाल्‍ला थे खोरोङ दोन्‍दु ड्वा ङेत्‍कान ज्‍वा चाला ओतान।

हिब्रू 9:10

च्‍यिला सासीन थे नियमलाचेन खालि दि सो थे मासा, दि थुङ थे माथुङ सिरच्‍येते बातताङ ठु खाला चोके खित्‍च्‍येते बातओनकामा ओतान। थे खोरोङगी खिता चालाच्‍योक खित्‍च्‍येते समय मालेपथुपकामा परमेश्‍वरगी थे नियम चले खित्‍च्‍या खाबा ओतान।

१ पत्रुस 1:20

दि सा नाम ज्‍वा भन्‍दा गोमाकाराङ परमेश्‍वरगी थेला मिओनला पापदुकी डेलाला छाने खाबा ओतान। थेमे ख्‍योकोनला दोक खाला लेमु खिताला थे दि जुग सिन्‍दे खाला देमा वाबाते ईन।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,