एफिसी 1:1 - जिरेल

¹ दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङा दि चिट्ठी एफिसस सारदु ओताते परमेश्‍वर सन्‍तान ख्‍योकोनला टिगीन ओत। ख्‍योकोन येशू ख्रीष्‍टला विश्‍वास खित्‍कान्‍ते थेमे थेत्ताङ जीउज्‍यीकराङ ओङाते मि ईन।

एफिसी 1:1 Iomraidhean Croise

लूका 16:10

बात चुक सासीन दाक्‍पोन जिम्‍माला बिन्‍दाते सम्‍पत्ति टिक्‍पीस्‍यिकराङ ईन्‍सीनोङ जसकी लेमु खाला तेइदुक थेकीचेन काल्‍बेई सम्‍पत्ति जिम्‍मा बिन्‍सीनोङ लेमुराङ खाला तेइओ। तर जिम्‍मा लै खाबाते टिक्‍पीस्‍यिक सम्‍पत्ति लेमु खाला माताबा खाला मनपरी खित्‍कानला सम्‍पत्ति काल्‍बेई जिम्‍मा बिन्‍सीन झन मनपरी खिओ।

शक्ति काम 16:15

थेमे थे फेम्‍मे मित्ताङ थे खाम्‍बादु देत्‍कान्‍ते गाङेकी बप्‍तिस्‍मा लासुङ। थोक खानामेई थे फेम्‍मे मिकी “ङे पक्‍काराङ प्रभु येशूला विश्‍वास खिताला स्‍यूबाते ईन सिन ख्‍योकोन पत्ते खिओ सासीन ङे खाम्‍बापा देताला डुइ,” सिन ढिपी खाईन ङ्योकोनला थे मोरोङ खाँपा खेरसुङ।

शक्ति काम 18:19

थेमे एफिसस सारदु लेप्‍सुङ। थेरू लेप्‍नामेकी प्रिस्‍किलाताङ अक्‍वीलाचेन थेङलाराङ देत्‍सुङ। पावलचेन थेरू यहूदीओनते मिटिङ खित्‍च्‍येते खाम्‍बादु गाल्‍गीन यहूदीओनताङ छलफल खिन येशू बात लोपाला स्‍यूसुङ।

शक्ति काम 18:21

“दि पालोला ङा देता मुथुबो। परमेश्‍वरगी ङाला याङराङ देपा ताङसीन ङा ख्‍योकोन ओत्‍सापा ओङगो,” सिन पावलचेन पानीजहाजला जेकीन थेरूकीङ गाल्‍सुङ।

शक्ति काम 9:13

थोक सिरजीन हननियेकी “प्रभु, थेकी यरूशलेमदु ओताते खुई मिओनला खेदा खाईन खाईन दुक्‍पा बिन्‍दाते बात गाङे ङे थोबा ओत।

रोमी 1:1

दि चिट्ठी येशू ख्रीष्‍ट काम खित्‍कान्‍ते ङा पावल टिगीन ओत। ङा येशू ख्रीष्‍टकी खटे खाबाते मि ईन। मिओनला थे खोरोङ गा लाङच्‍येते बात लोपाला ङाला परमेश्‍वरगी छाने खाबाते ईन।

रोमी 1:7

दोक खाईन परमेश्‍वरगी ङिङज्‍ये खाईन थे खोरोङ सन्‍तान ईन सिन छाने खाबाते रोम सारदु ओताते ख्‍योकोन गाङेला ङुरूङ आबा परमेश्‍वरताङ प्रभु येशू ख्रीष्‍टकी दया खाला लेमु खिनराङ देत्‍स्‍यीत।

रोमी 8:1

जो जो येशू ख्रीष्‍टताङ जीउज्‍यीकराङ ओङला दुक था थेबेकी परमेश्‍वर सजाय ङेतराङ मेङेदो।

१ कोरिन्‍थी 4:12

साप थुङाताङ खोन्‍दे लाईदु ङ्योकोन स्‍याप स्‍याप खाला काम खिओ। ङेराङला मोता सराप खित्‍कान्‍ते मिओनला ङ्योकोन आशी तेरग्‍यो। थेमे ज्‍येनगी खेदापानी खित्‍जीनोङ ङ्योकोन छ्याःङ मिक्‍किता खाला खपेराङ खाला देत्‍क्‍यो।

१ कोरिन्‍थी 4:17

ङे खाबा च्‍योकराङ खित्‍च्‍येते ख्‍योकोनला लाप्‍ला तेरस्‍यीत सिनराङ तिमोथीला ङा ख्‍योकोन ओत्‍सापा तोङगीन ओत। दि प्रभु येशूकी खि साबा च्‍योकराङ खाला काम खित्‍कान्‍ते मि ईन। दिला ङा ङिङज्‍ये खिओ। दि ङेते ङाराङ फुज्‍युङ च्‍योकराङ ईन। ङा येशू ख्रीष्‍टताङ जीउज्‍यीकराङ ओङाते मि ईन्‍देकी ङे चुक खिका, च्‍यि खिका सिरच्‍येते गाङे बात था दिकी ख्‍योकोनला लोप्‍क्‍यो। ङे तिमोथीला ख्‍योकोनला लोप ताङाते बातराङ ङा गाङेपा ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लोप्‍कीन ओत।

२ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङ्योकोन दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन थेमे अखैये लुङबा खाङ ओताते परमेश्‍वर सन्‍तान ख्‍योकोन गाङेला टिगीन ओत।

गलाती 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङाला खटे खाबाते मिकीङ मेन थेमे येशू ख्रीष्‍टकी खटे खाबाते मिकी खित्‍च्‍येते काम खिताला मिकी ताङातेङ मेन। येशू ख्रीष्‍ट थेमे थेला स्‍यिसादुकी सोम्‍बो लोक्‍कान्‍ते आबा परमेश्‍वरगीराङ ङाला खटे खाबाते ईन।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

गलाती 3:9

थोगी अब्राहामगी च्‍योकराङ खाला थेला विश्‍वास खित्‍कान्‍ते मि गाङेला परमेश्‍वरगी अब्राहामला च्‍योकराङ खाला आशी तेरग्‍यो।

एफिसी 1:15

बात दोक दोक ईन्‍देकी ख्‍योकोनगी प्रभु येशूला विश्‍वास खिदुक्‍लो थेमे परमेश्‍वर सन्‍तान गाङेला ङिङज्‍ये खिदुक्‍लो सिरा थोबा छुरनामेई परमेश्‍वरला प्रार्थना खित्‍जीन

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

एफिसी 2:13

गोमा थोक ओता ईन्‍सीनोङ येशू ख्रीष्‍ट स्‍यिङगी थामला टाँए खाला स्‍यिजीन थे जीउदुकी थेन्‍दाते ठागी खित्‍सादु थाचेन ख्‍योकोनोङ थेत्ताङ जीउज्‍यीकराङ ओङगीन परमेश्‍वर दोन्‍दु ओङा थुपा ओत।

एफिसी 2:6

थेमे येशू ख्रीष्‍टला स्‍यिसादुकी सोम्‍बो लोक्‍जीन परमेश्‍वरगी ङुरूङलाङ थेत्ताङराङ सोम्‍बो लोगीन स्‍वर्गने थेत्ताङ ङ्योम्‍बुराङ देताला ज्‍याक्‍पा ओत।

एफिसी 6:21

ज्‍येन बात च्‍यि सासीन ङा चुक दुका, च्‍यि खिन दुका सिन था न्‍वा टाइकिकसकी ख्‍योकोनला गाङे लाःप्‍क्‍यो। दिला ङा ङिङज्‍ये खिओ। दिङ प्रभु ख्रीष्‍ट काम खित्‍कान्‍ते मिराङ ईन। दि थे काम आउदी लेमु खाला खित्‍कान्‍ते मि ईन।

कलस्‍सी 1:2

ङ्योकोन दि चिट्ठी कलस्‍सी सारदु ओताते परमेश्‍वर सन्‍तान ख्‍योकोनला टिगीन ओत। ख्‍योकोन ख्रीष्‍टताङ जीउज्‍यीकराङ ओङाते थेमे थेला विश्‍वास खिन देत्‍कान्‍ते ङ्योकोन आज्‍यो न्‍वा ईन। ङुरूङ आबा परमेश्‍वरगी ख्‍योकोनला दया खाला लेमु खिनराङ देत्‍स्‍यीत।

छ्या स्‍ये च्‍युताते बात 17:14

थेबा गाङेराङ ङ्योम्‍बुराङ डिक्‍ला लुई रीउताङ लडाइँ खिओ। लडाइँ खित्‍जीन लुई रीउकी थेबाला ग्‍याल्‍ग्‍यो। च्‍यिला सासीन लुई रीउचेन गाङे छ्येतेबेतेङ छ्येते थेमे गेल्‍बोओनतेङ गेल्‍बो ईन। परमेश्‍वरगी थे खोरोङ दोन्‍दु स्‍योक सिन काताङाते मिओनचेन लुई रीउताङ ङ्योम्‍बु देत्‍क्‍यो। थेबाचेन परमेश्‍वरगी छाने खाबाते थेमे जस्‍तो ओङसीनोङ थेला विश्‍वास खिन देत्‍कान्‍ते मिओन ईन,” सिन सिदुक।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।

छ्या स्‍ये च्‍युताते बात 2:13

च्‍यि सासीन ख्‍योकोनचेन शैतान सिंहासन ओताते सारदु देता ओत सिन ङाला छ्या ओत। दोक ईन्‍सीनोङ ख्‍योकोनगी ङाला माताङसुङ, ङाला विश्‍वास खिनराङ देत्‍सुङ। ङा सु ईन्‍दे, ङे च्‍यि खिते सिन सिनराङ देत्‍कान्‍ते एन्‍टिपासला थे सारदुराङ सेत्‍जीनोङ ख्‍योकोनगी ङाला विश्‍वास खिता माताङसुङ।