कलस्‍सी 4:8 - जिरेल

⁸ ङ्योकोनला देपा चुक दुका सिन ख्‍योकोनगी लेमु खाला छ्या स्‍येला पीर मिक्‍किस्‍यीत थेमे दिकी खुलाबाते लोन थोला ख्‍योकोनगी आँट ङेत्‍स्‍यीत सिनराङ ङे दिला ख्‍योकोन ओत्‍सापा ताङाते ईन।

कलस्‍सी 4:8 Iomraidhean Croise

१ कोरिन्‍थी 4:17

ङे खाबा च्‍योकराङ खित्‍च्‍येते ख्‍योकोनला लाप्‍ला तेरस्‍यीत सिनराङ तिमोथीला ङा ख्‍योकोन ओत्‍सापा तोङगीन ओत। दि प्रभु येशूकी खि साबा च्‍योकराङ खाला काम खित्‍कान्‍ते मि ईन। दिला ङा ङिङज्‍ये खिओ। दि ङेते ङाराङ फुज्‍युङ च्‍योकराङ ईन। ङा येशू ख्रीष्‍टताङ जीउज्‍यीकराङ ओङाते मि ईन्‍देकी ङे चुक खिका, च्‍यि खिका सिरच्‍येते गाङे बात था दिकी ख्‍योकोनला लोप्‍क्‍यो। ङे तिमोथीला ख्‍योकोनला लोप ताङाते बातराङ ङा गाङेपा ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लोप्‍कीन ओत।

२ कोरिन्‍थी 1:4

ङेराङला दुक्‍पा ओङजीन थेमे ज्‍येनगी दुक्‍पा तेरजीन जहिलेङ थेकी ङ्योकोनला आँट तेरगीदुक। थेकी दोक खाबेकी ज्‍येनला जस्‍तो दुक्‍पा ओङा ओत्‍सीनोङ परमेश्‍वरगी ङेराङला खाबाच्‍योक खाला पीर माकेत, सेम मासेत सिन ङ्योकोनगी थेबाला आँट तेरा थुप्‍कीदुक।

२ कोरिन्‍थी 12:18

ङे तीतसला ख्‍योकोन ओत्‍सापा मागालाला मेङगो सिन थेपा ताङाप। होथे ज्‍येनते न्‍वाज्‍यीकलाङ ङे थेत्ताङ ङ्योम्‍बुराङ ताङा ओतान। च्‍यि तीतसकी ख्‍योकोनताङ खइँदा नाङ खाबा ओतान ओना? तीतस ङाराङ च्‍योक्‍तेराङ ईन सिन ङाला लेमु खाला छ्या ओत। ङ्योकोन खुदुक खुदुकते काम मिक्‍किओ।

२ कोरिन्‍थी 2:7

बरू थाचेन ख्‍योकोनगी थेला माफ बिन्‍ला लेमु खि। थोक खानामेई दिबेकी ङाला थोरूमोङ ङिङज्‍ये खित्‍च्‍याक्‍वा सिन थेकी आँट ङेत्‍क्‍यो। ख्‍योकोनगी थोक माक्‍यासीन था ङाला लेमु खित्‍कान्‍ते सुङ मेताक्‍वा सिन पीर खाला थेकी झन सेम सेत्‍क्‍यो।

एफिसी 6:22

ङ्योकोनला देपा चुक दुका सिन ख्‍योकोनगी लेमु खाला छ्या स्‍येला पीर मिक्‍किस्‍यीत थेमे दिकी खुलाबाते लोन थोला ख्‍योकोनगी आँट ङेत्‍स्‍यीत सिनराङ ङा दिला ख्‍योकोन ओत्‍सापा तोङगीन ओत।

फिलिप्‍पी 2:28

दिला ठेत्‍ला ख्‍योकोन गाङेराङ गा खिता ङेत्‍स्‍यीत थेमे ख्‍योकोनला गा लानामेई ङाराङोङ पीर खिन देता माफाप्‍स्‍यीत सिनराङ ङे होत्ता दिला ख्‍योकोन ओत्‍सापा ताङाते ईन।

कलस्‍सी 2:2

ख्‍योकोन थेमे होथेबा ज्‍येन गाङेकी आँट ङेत्‍ला दोक्‍पोईकी ज्‍येनज्‍यीकला ङिङज्‍ये खिन गाङेराङ सेमज्‍यीकराङ खाला डिक्‍ला देत्‍स्‍यीत थेमे परमेश्‍वरगी गोमा सुङलाङ छ्या स्‍ये च्‍युता मेताते बात च्‍यि ईन्‍दाका सिन ख्‍योकोन गाङेकी लेमु खाला छ्या स्‍येला पूरो खाला खोबा थुप्‍स्‍यीत सिनराङ ङा दोक दुक्‍पा खाला खाला काम खिन ओत। होथे बात लेमु खाला छ्या स्‍येच्‍या साबातेचेन ख्रीष्‍टला छ्या स्‍येच्‍येतेराङ ईन।

१ थिस्‍सलोनिकी 2:11

आबातेकी फिजाओन बानी मेङ्येस्‍यीत सिन लाःपा कोता च्‍योकराङ ङ्योकोनगीङ ख्‍योकोन गाङेला लेमु ओङस्‍यीत सिन दोक दोक खाबाप। चुक सासीन दुक्‍पा ओङसीनोङ सेम मेसेता खाला प्रभु येशूला विश्‍वास खिन देता मातोङ साकीन आँट बिन्‍दाप।

१ थिस्‍सलोनिकी 3:2

ङुरूङ न्‍वा तिमोथीला ख्‍योकोन ओत्‍सापा ताङा ओतान। तिमोथीङ ङ्योकोनताङराङ परमेश्‍वर काम खिन मिओनला ख्रीष्‍टते गा लाङच्‍येते बात लोप्‍कान्‍ते मिराङ ईन सिन ख्‍योकोनला सिरा माफाप्‍तासीन। ज्‍येनगी दुक्‍पा तेरजीन ख्‍योकोन सुङगीङ प्रभु येशूला विश्‍वास खिता तोङा मेङगो, बरू जति दुक्‍पा ओङसीनोङ सेम मेसेता खाला थेला विश्‍वास खिनराङ देता फाप्‍क्‍यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्‍वास खाबेकी खित्‍सादु ङुरूङगी दुक्‍पा भोगे खिता फाप्‍क्‍यो सिन ख्‍योकोनला लेमु खाला छ्याराङ ओत।

१ थिस्‍सलोनिकी 3:5

थोक थोक दुक्‍पा ओङ च्‍युत्‍कीन मिला पाप खित ज्‍युता छोल्‍कान्‍ते शैतानगी ना ख्‍योकोनला प्रभु येशू छ्य्‌वापेकी टाला ईन्‍दा सिन ङाला आउदी ज्‍यीबा लाबा ओतान। शैतानगी थोक खाबा ईन्‍सीन ङ्योकोनगी ख्‍योकोन नाङ खाबाते काम थाराङ खेरोला डोच्‍या ओतान। थोगी ख्‍योकोन थोरूमोङ प्रभु येशूला विश्‍वास खिनराङ दुकाना मिन्‍दुका सिन ताप्‍ला तिमोथीला ख्‍योकोन ओत्‍सापा ताङाते ईन।

१ थिस्‍सलोनिकी 4:18

होदि बाततेबा सम्‍झे खाला ख्‍योकोनगी दोक्‍पोईकी ज्‍येनज्‍यीकला छ्याःङ पीर खिता माफाबो सिन सि।

१ थिस्‍सलोनिकी 5:11

बात दोक ईन्‍देकी थातासाक खिन ओता च्‍योकराङ ख्‍योकोनगी ङुरूङ सुङगीङ सेम सेता माफाबो साला दोक्‍पोईकी ज्‍येनज्‍यीकला आँट बिन।

१ थिस्‍सलोनिकी 5:14

थेमे आज्‍यो न्‍वावे, ख्‍योकोनगी खेराङ नाङ दाक्‍पोन लाःक खिता ताङला अल्‍छी खाला देत्‍कानला थोक माकेत, काम खिता फाप्‍क्‍यो सिन सि, ज्‍यीबा खित्‍कानला ज्‍यीबा खिता माफाबो सिन सि, प्रभु येशूला विश्‍वास खाईन पाको गाला मेतातेबाला पाको ड्वाप्‍ला मद्धत बिन। थेमे स्‍येदाङ मिक्‍किता खाला गाङेताङ खा छ्येत लेमु खाला काम खि।