कलस्‍सी 4:6 - जिरेल

⁶ थेबाताङ बात खित्‍जीन थेबे सेमला फोक्‍च्‍येते बात मिक्‍किता खाला खा छ्येत लेमु खाला बात खि। थोक खासीन थेबेकी खइँदा बात ठिजीन थे बात चुक खाला सिरा लेमु ईन्‍ताका सिन विचार खाला लाःपा थुप्‍क्‍यो।

कलस्‍सी 4:6 Iomraidhean Croise

मत्ती 5:13

थेमे दि सा लुङबे मि दोन्‍दु ख्‍योकोनचेन छा च्‍योक्‍ते ईन। तर दि बात टोक माज्‍येत। छेते छाप्‍टो तोरसीन थे छेते च्‍यि काम, याङराङ च्‍यिकी थे छा छाप्‍टो जोच्‍ये? दोक्‍ते छानी छ्याःङ काम लै मिक्‍किओ सिन क्‍युरग्‍यो। थेमे क्‍युरसादु गाङेकी ङेन्‍ला झन छ्याःङ काम लै मिक्‍किच्‍या जोइओ।

मर्कूस 9:50

थेमे छा छाप्‍टो ओत्‍सीन लेमुराङ ईन। छेते छाप्‍टो तोरसुङ सासीन थे छेते च्‍यि काम? याङराङ च्‍यिकी थे छा छाप्‍टो जोच्‍ये? ख्‍योकोनचेन छाप्‍टो तोराते छा च्‍योक ओङा मेङगो। ख्‍योकोन खेराङ नाङ डिक्‍ला थुन्‍ला देत,” सिन सिदुक।

लूका 4:22

थेकी खाबाते बात थोजीन थे मिओन छक्‍क परे खिन दिकी लोप्‍कीन ओताते बातनी ङेन्‍गीनराङ देत्‍की सिराच्‍योक दुक सिन बात खिताला स्‍यूसुङ। बात खिन खिन याङराङ थेबेकी “दि सु ईन्‍देरो? यूसुफ फुज्‍युङराङनी ईन,” सिनोङ सासुङ।

एफिसी 4:29

थोकराङ खाला ख्‍योकोनगी दोक्‍पोईकी ज्‍येनज्‍यीक सेमला फोक्‍च्‍येते बात नोमुङ माकेत। बरू सु मिला च्‍यि बेलाला चुक सिरा लेमु ओङच्‍या दुका थे विचार खाला बात खि।

कलस्‍सी 3:16

थेमे खेराङगी ख्रीष्‍टकी बात झन झन लेमु खाला छ्या स्‍येबा थुप्‍स्‍यीत सिन थे बात ख्‍योकोनगी सेमगी नाङ गुने खिनराङ देत। चुक सासीन परमेश्‍वरगी बिन्‍दाते बुद्धिकी ख्‍योकोनगी थे बात खेराङ नाङ लोप्‍कीन देत, थेरू साबा च्‍योकराङ खिन देता फाप्‍क्‍यो सिन दोक्‍पोईकी ज्‍येनज्‍यीकला सिनराङ देत। थेमे परमेश्‍वरगी खेराङला चुक दया खासुङा सिन गा खिन थेला धन्‍यवाद सिनकामा खेराङ नाङ भजन लिन्‍च्‍येते, परमेश्‍वरला छ्ये जोच्‍येते लु लिन्‍च्‍येते थेमे परमेश्‍वर आत्‍मेकी लिन च्‍युताते ज्‍येनोङ लु लिन्‍च्‍येते खि।

१ पत्रुस 3:15

बरू येशू ख्रीष्‍टराङ खेराङ मालिक ईन सिन टोक माज्‍येत, थेला मान खि। थेमे परमेश्‍वरगी तिरी तेरग्‍यो साबातेबा ङेत्‍क्‍यो सिन खेराङगी आश खाबाते पक्‍काराङ ङेत्‍क्‍यो सिन ख्‍योकोन चुक खाला सिते सिन ठिकान गाङेला ख्‍योकोनगी जहिलेङ लाःप्‍ला बिन। थेबे सेमला फोक्‍च्‍येते बात छ्याःङ मिक्‍किता खाला थोक्‍ते मिओनताङ ख्‍योकोनगी खा छ्येत लेमु खाला बात खि।