कलस्‍सी 4:12 - जिरेल

¹² थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

कलस्‍सी 4:12 Iomraidhean Croise

मत्ती 5:48

बात दोक दोक ईन्‍देकी स्‍वर्गने देत्‍कान्‍ते ख्‍योकोन आबा परमेश्‍वरगी जे कुरोङ लेमुकामा खाबाच्‍योक खाला ख्‍योकोनगीङ लेमुकामा खि।

लूका 1:1

परमेश्‍वरगी ङुरूङ नाङ चुक चुक काम खासुङा, च्‍यि च्‍यि ओङसुङा सिरच्‍येते बात मि काल्‍बेईकी टिबा ओत।

लूका 22:44

था भोगे खिता फाप्‍च्‍येते दुक्‍पे पीरगी खित्‍सादु थे सेम छोकीन सिन्‍दा ओतान। थेमे थेकी झन झन परमेश्‍वरला प्रार्थना खासुङ। थोक खाला प्रार्थना खित्‍जीन थे जीउदुकी ठागी थोपो थिक्‍पा च्‍योकराङ खाला ठोतकी थोपो थिगीन ओतान।

यूहन्‍ना 12:26

ङाला थे खोरोङ मालिक ईन सिरकान्‍ते मिकीचेन ङे खाबा च्‍योकराङ खिता फाप्‍क्‍यो। थोक खानामेई ङा जहाँ देत्‍कीदुक थेङ ङात्ताङराङ देत्‍क्‍यो। ङे खि साबाच्‍योक खित्‍कान्‍ते मिलाचेन ङे आबेकी मान तेरग्‍यो।

रोमी 15:14

थेमे आज्‍यो न्‍वावे, ख्‍योकोन ङे दोक खि, थोक खि सिन माकोतालाराङ आउदी लेमु खाला काम खिन दुक। थेमे च्‍यि च्‍यि चुक खित्‍च्‍ये सिन लेमु खाईन छ्या स्‍येबा ओतेकी खेराङ नाङ दोक्‍पोईकी ज्‍येनज्‍यीकला लोप्‍कीन दुक। ख्‍योकोनगी दोक खिन ओताते बात ङाला लेमु खाला छ्या ओत।

रोमी 15:30

थेमे आज्‍यो न्‍वावे, था ङा ख्‍योकोनला च्‍यि खि सिन बिन्‍ती खिते सासीन ङुरूङ प्रभु येशू ख्रीष्‍टला विश्‍वास खित्‍कान्‍ते मि ईन्‍देकी थेमे परमेश्‍वर आत्‍मेकी ङुरूङला दोक्‍पोईकी ज्‍येनज्‍यीकला ङिङज्‍ये खित ज्‍युत्‍च्‍येते ईन्‍देकी ख्‍योकोनगी ङे लाईदु आउदी खाला परमेश्‍वरताङ प्रार्थना खि। ङा ङाराङोङ प्रार्थना खिन ओत।

१ कोरिन्‍थी 14:20

आज्‍यो न्‍वावे, था ख्‍योकोनगी लेमुताङ मेलेबा डेला मुथुप्‍कान्‍ते फिजा च्‍योक माकेत बरू छारगीन लेमु खाईन बुद्धि स्‍यूबाते मिकी च्‍योक खाला काम खि। मेलेबाते कामचेन छ्याःङ खिता मास्‍येबाते बालकते फिजा च्‍योक ओङला देत।

१ कोरिन्‍थी 2:6

ईन्‍सीनोङ बात लेमु खाला खोबा थुप्‍कान्‍ते पाकोते मिओनताङचेन ङ्योकोन बुद्धि बादोङ खिओ। तर ङ्योकोनगी खित्‍च्‍येते बुद्धि बातचेन दि सा लुङबे मिओन थेमे ज्‍येनला राज्‍य खित्‍कान्‍ते मिओनगी खित्‍च्‍येते बुद्धि बात च्‍योक्‍ते मेन। थे छ्ये छ्ये मिनी ङीमाई दाक स्‍यिला थेबेते जेसुकै तोरला डुइओ।

२ कोरिन्‍थी 13:11

लो आज्‍यो न्‍वावे, था ज्‍येन बातका च्‍यि सिरच्‍ये, ख्‍योकोनगी परमेश्‍वरगी खेराङला ज्‍वा चाला च्‍योकराङ लेमु मि ओङस्‍यीत सिन थोक्‍ते मि ओङच्‍ये छ्य्‌वापा स्‍येत खि। ङे लाःपा कोताते ङेन्‍ला था चुक खिता फाप्‍कीका थोककामा खि, ख्‍योकोन गाङेराङ सेमज्‍यीकराङ खाला डिक्‍ला थुन्‍ला देत। थोक खासीन गाङेला ङिङज्‍ये खित्‍कान्‍ते थेमे डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

गलाती 1:10

ङे दोक सिन सिनोङ थोरूमोङ च्‍यि परमेश्‍वरला मेन्‍देकी मिओनला खुशी ज्‍वाप्‍लाका ङे दि बातओन साबाते ईन्‍दासीन सिराच्‍योक लाङगीदुक? ना मिओनगी ङाराङला लेमु मि सिरस्‍यीत सिन ङे दोक साबाते ईन सिराच्‍योक लाङगीका? ङा थोक खाला मि मान छोल्‍कान्‍ते ईन्‍सीन ङा ख्रीष्‍टकी काम खित्‍कान्‍ते ईन सिन ङे चुक खाला सिरा थुप्‍च्‍या ओतानेरो?

गलाती 4:19

ङे ङिङज्‍येते फिजावे, सुत्‍केरी बेथा ग्‍यापाते फेम्‍मे मिला च्‍योकराङ ङाला आउदी दुक्‍पा ओङा ओत। च्‍यिला सासीन ख्रीष्‍टकीकामा ख्‍योकोनला थे खोरोङ च्‍योकराङ लेमु ज्‍वा थुप्‍क्‍यो सिन ख्‍योकोन थेला सेमदुकीराङ भर परे खित्‍कान मागालथुप ङा रकस्‍यिकोङ ढुक्‍क खाईन देता थुपा मेत।

कलस्‍सी 1:22

ख्‍योकोन गोमा थोक ओता ईन्‍सीनोङ ख्रीष्‍ट मि जुनी लाकीन स्‍याप्‍की खित्‍सादु थाचेन परमेश्‍वरगी ख्‍योकोनला थे खोरोङताङ डिक च्‍युता ओत। ख्‍योकोन थे खोरोङ दोन्‍दु सेम खुदुक गालाते, छ्याःङ गल्‍ती मेताते थेमे सुङगीङ दिबा दोक दोक गल्‍ती खित्‍कान्‍ते मि ईन सिरा मुथुप्‍च्‍या गालाते मि ओङस्‍यीत सिन थेकी ख्‍योकोनला दोक खाईन थे खोरोङताङ डिक च्‍युता ओत।

कलस्‍सी 1:28

ख्रीष्‍ट दोक खाला ज्‍येन ज्‍येन जातकी मि सेमगी नाङ देत्‍क्‍यो सिन ङ्योकोन मि गाङेला लोप्‍क्‍यो। च्‍यि सासीन ख्रीष्‍टताङ जीउज्‍यीकराङ ओङाते मिओन काम बात जे कुरोलाङ पाको गालाते मि ओङला परमेश्‍वर दोन्‍दु देता थुप्‍स्‍यीत सिन ङ्योकोनगी लोप्‍च्‍येते बात लेमु खाला ङेन सिन मि गाङेला दि बात परमेश्‍वरगी बिन्‍दाते बुद्धिकी लेमु खाला लोप्‍क्‍यो।

कलस्‍सी 1:29

मिओन थोक खाला देता थुप्‍स्‍यीत सिनराङ ङा दुक्‍पा खाला खाला दि बाततेबा ज्‍येनला लोप्‍क्‍यो। ङाराङगी थुपासम्‍म स्‍याप स्‍याप खाईन काम खासीनोङ ङाला थोक खिताला छ्येज्‍यीक शक्ति तेरकान्‍तेचेन ख्रीष्‍टराङ ईन।

कलस्‍सी 1:7

गा लाङच्‍येते बात ख्‍योकोनला इपाफ्रासकी लापाते ईन सिन ङ्योकोनगी सिरा माफाप्‍तासीन। इपाफ्रासला ङ्योकोन ङिङज्‍ये खिओ। दिङ ङ्योकोन च्‍योकराङ ख्रीष्‍टकी काम खित्‍कान्‍ते मि ईन। ङ्योकोन साटोला दिकी खिता फापा च्‍योकराङ खाला ख्‍योकोन नाङ ख्रीष्‍टकी काम खिन दुक।

कलस्‍सी 1:9

ख्‍योकोन बात थोबा छोमुमेई ङ्योकोनगी ख्‍योकोन लाईदु परमेश्‍वरला प्रार्थना खिता ताङा मेत। परमेश्‍वरगी ख्‍योकोनला थे खोरोङ आत्‍मे छ्य्‌वापेई बुद्धि बिन्‍ला खोबा फाप्‍च्‍येते बात गाङे लेमु खाला खो च्‍युत्‍ला थे खोरोङगी च्‍यि च्‍यि खि सिते सिन ख्‍योकोनगी लेमु खाला छ्या स्‍येस्‍यीत सिन ङ्योकोन प्रार्थना खिओ।

कलस्‍सी 4:9

ङे दित्ताङराङ खेराङ युलगी मि ओनेसिमसलाङ ताङा ओत। दिङ दोक्‍पोई येशू ख्रीष्‍टला लेमु खाला विश्‍वास खित्‍कान्‍ते ङुरूङ ङिङज्‍येते न्‍वाराङ ईन। दुरू च्‍यि च्‍यि ओङसुङा, बात चुक दुका सिन दिबा ङिबोकी ख्‍योकोनला गाङे लेमु खाला लाःप्‍क्‍यो।

१ थिस्‍सलोनिकी 5:23

थेमे सेमला ढुक्‍क लोङकान्‍ते परमेश्‍वरगी ख्‍योकोनगी मेलेबाते कामताङ बात सिराते छ्याःङ मिक्‍किस्‍यीत सिन ख्‍योकोन सेम खुदुक जोइन देत्‍स्‍यीत थेमे ख्‍योकोन आत्‍मा, सेम थेमे जीउ जेसुकैला लेमु खाला तेइनराङ देत्‍स्‍यीत। दोक खाला था ङुरूङ प्रभु येशू ख्रीष्‍ट ग्‍युरला ओङे छोमु ख्‍योकोन छ्याःङ दोष मेताते मि ओङस्‍यीत सिन ङ्योकोन प्रार्थना खिओ।

फिलेमोन 1:23

येशू ख्रीष्‍टकी खि साबाते काम खिन ओतेकी ङात्ताङराङ जेलदु ओताते इपाफ्रासते ख्‍योकोनला नमस्‍ते ओत्‍लो।

हिब्रू 5:14

दोक मेन्‍देकी पाको गाल्‍गीन ज्‍येनलाङ लोपा थुप्‍कान्‍ते मिओनगीचेन परमेश्‍वर बात लेमु खाला खोबा थुप्‍क्‍यो। थेबाचेन छारगीन दाक्‍पोनगी मुरला साच्‍येते साप साकान्‍ते मि च्‍योक्‍ते ईन। होदोक्‍ते मिओनगीचेन च्‍यि खिता लेमु ईन्‍दे, च्‍यि मेलेबा ईन्‍दे सिन खोपरोङगीराङ छ्या स्‍येला दोक्‍ते बात जहिलेङ डेला थुप्‍क्‍यो।

हिब्रू 5:7

दुरू ओत ओतसाक येशूकी कालगी लाःक्‍तुकी थे खोरोङला जोए खिता थुप्‍कान्‍ते परमेश्‍वरला ङुइन थेमे ङोरोराङ तेन्‍गीन प्रार्थना खासुङ। थेकी थे खोरोङ लाईदु परमेश्‍वरला बिन्‍तीङ खासुङ। थे परमेश्‍वरगी जस्‍तो खिता चाल्‍ला दुक थोकराङ ओङस्‍यीत सिरकान्‍ते ईन्‍देकी परमेश्‍वरगी थे प्रार्थना ङेन्‍सुङ।

याकूब 1:1

दि चिट्ठी टिक्‍कान्‍ते ङा याकूब ईन। ङा परमेश्‍वरताङ प्रभु येशू ख्रीष्‍ट काम खित्‍कान्‍ते मि ईन। ङा दि चिट्ठी लुङबा लुङबाला देता ओताते थर च्‍युन्‍ङी इस्राएलीओनला टिगीन ओत। ख्‍योकोनला ङेते नमस्‍ते ओत।

याकूब 1:4

सेम मेसेता खाला दुक्‍पा खपे खिन देता थुप्‍कान गाल्‍नामेई ख्‍योकोन पाको डुइओ। दोक खाला ख्‍योकोन परमेश्‍वरगी ज्‍वा चालाच्‍योक लेमु ओङला छ्याःङ कुरोलाङ कम्‍ती मेताते मि ओङगो।

याकूब 5:16

दोक ईन्‍देकी ख्‍योकोनगी ङे दि पाप खाबाप, थे पाप खाबाप सिन दाक्‍पोन नाङ दोक्‍पोईकी ज्‍येनज्‍यीकला लोःप। थेमे खेराङ ठाक्‍स्‍यीत सिन दोक्‍पोईकी ज्‍येनज्‍यीक लाईदु प्रार्थना खि। परमेश्‍वरगी खि साबाते ङेन्‍कान्‍ते मिकी प्रार्थना खानामेकी छ्ये छ्ये काम ओङा थुप्‍क्‍यो।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।