कलस्‍सी 4:11 - जिरेल

¹¹ थेमे युस्‍तस सिराते येशूतेङ नमस्‍ते ओत्‍लो। येशू ख्रीष्‍टला विश्‍वास खित्‍कान्‍ते यहूदी नाङ अरिस्‍तार्खस, मर्कूस थेमे युस्‍तस दिबा सुमबोकामा ज्‍येनगीङ परमेश्‍वर राज्‍य बात छ्या स्‍येला ङेन्‍स्‍यीत सिन ङात्ताङ डिक्‍ला ख्रीष्‍टकी बात लोप्‍कीन ओत। दिबेकी दोक खाईन मद्धत खाबाते ङाला लेमु ओङसुङ।

कलस्‍सी 4:11 Iomraidhean Croise

शक्ति काम 10:45

थोक ओङनामेकी थेबा गाङेकी खोपरोङगी छ्या मास्‍येबाते खुदुक खुदुकते भाषाला बात खाईन परमेश्‍वरला छ्ये ज्‍वाप्‍ला स्‍यूसुङ। थोक ओङा थोङगीन पत्रुसताङ ङ्योम्‍बु गालाते येशूला विश्‍वास खित्‍कान्‍ते यहूदीओन “ओहो, परमेश्‍वरगीनी ज्‍येन ज्‍येन जातकी मिलाङ परमेश्‍वर आत्‍मा तेरच्‍याक्‍वा,” सिन छकदाङ परे खासुङ। थेमे पत्रुसकीचेन

शक्ति काम 11:2

थेमे पत्रुस यरूशलेमपा ग्‍युरगीन वानामेई होथे यहूदी आज्‍यो न्‍वाओनगी थेला

रोमी 16:3

थेमे गोमा ङात्ताङराङ येशू ख्रीष्‍ट काम खित्‍कान्‍ते अक्‍वीलाताङ प्रिस्‍किलाबा जाप्राङ ङिबोला ङेते नमस्‍ते ओत सि।

रोमी 4:12

अब्राहामचेन खतकी चिनु जोकान्‍ते यहूदीओनतेङ ज्‍युज्‍युराङ ईन। ईन्‍सीनोङ खतकी चिनु जोकान्‍तेबा गाङेराङ अब्राहाम सन्‍तानचेन मेन। ङुरूङ यहूदीओन ज्‍युज्‍यु अब्राहामगी खतकी चिनु माजोबालाराङ विश्‍वास खाबाच्‍योक खाला परमेश्‍वरला विश्‍वास खित्‍कान्‍ते मिओनकामा अब्राहाम सन्‍तान ईन।

२ कोरिन्‍थी 6:1

ङेराङ परमेश्‍वरताङ डिक्‍ला काम खित्‍कान ईन्‍देकी ङ्योकोन ख्‍योकोनला दोक सिनोङ सिओ। च्‍यि सासीन ख्रीष्‍टकी खित्‍सादु परमेश्‍वरगी खेराङला दया खाबाते थाराङ खेरो मोन्‍डोस्‍यीत सिन ओर्च्‍ये ख्‍योकोनगी थेला मन परे खित्‍च्‍येते काम खि।

एफिसी 2:11

बात दोक दोक ईन्‍देकी ख्‍योकोन ज्‍येन ज्‍येन जातकी मिकी खेराङ गोमा चुक ओताने सिन टोक माज्‍येत। खोपरोङचेन परमेश्‍वरगी छाने खाबाते मि ईन सिन जीउला खतकी चिनु जोकान्‍ते इस्राएलीओनगी ख्‍योकोनला खोपरोङ च्‍योक खतकी चिनु मोजोकान्‍ते मि ईन सिन सिओ। ईन्‍दानी जीउला जोच्‍येते थे खतकी चिनु मि खोपरोङगीराङ जोच्‍येते ईन।

फिलिप्‍पी 4:3

ङात्ताङ डिक्‍ला ङे च्‍योकराङ खाला काम खित्‍कान्‍ते ङे र्‍वा खुई थे फेम्‍मे मि ङिबोला डिक्‍पा खाला बिन। गा लाङच्‍येते बात फैले खिताला ङात्ताङ थोङला दुक्‍पा खाला खाला काम खित्‍कान्‍ते मि नाङ क्‍लेमेण्‍टताङ ज्‍येनतेबाकामा मेन, होथे फेम्‍मे मि ङिबोङ ईन। थेबा गाङे मिन नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताबला टिबा ओत।

कलस्‍सी 4:7

ज्‍येन बात च्‍यि सासीन ङिङज्‍येते न्‍वा टाइकिकसकी थेपा लेप्‍नामेई ख्‍योकोनला ङे बात गाङे लाःप्‍क्‍यो। दिकी खिता फापा च्‍योकराङ खाला प्रभु येशू काम खिन ओत। दिङ ङा च्‍योकराङ प्रभु येशू काम खित्‍कान्‍ते मि ईन।

१ थिस्‍सलोनिकी 3:2

ङुरूङ न्‍वा तिमोथीला ख्‍योकोन ओत्‍सापा ताङा ओतान। तिमोथीङ ङ्योकोनताङराङ परमेश्‍वर काम खिन मिओनला ख्रीष्‍टते गा लाङच्‍येते बात लोप्‍कान्‍ते मिराङ ईन सिन ख्‍योकोनला सिरा माफाप्‍तासीन। ज्‍येनगी दुक्‍पा तेरजीन ख्‍योकोन सुङगीङ प्रभु येशूला विश्‍वास खिता तोङा मेङगो, बरू जति दुक्‍पा ओङसीनोङ सेम मेसेता खाला थेला विश्‍वास खिनराङ देता फाप्‍क्‍यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्‍वास खाबेकी खित्‍सादु ङुरूङगी दुक्‍पा भोगे खिता फाप्‍क्‍यो सिन ख्‍योकोनला लेमु खाला छ्याराङ ओत।

१ थिस्‍सलोनिकी 3:7

आज्‍यो न्‍वाबा ख्‍योकोनगी प्रभु येशूला विश्‍वास खिता ताङा मिन्‍दुक सिरा थोनामेईचेन पीरताङ तापकी नाङ देता फापा ओत्‍सीनोङ थेमे ज्‍येनगी दुक्‍पा तेरगीन देत्‍सीनोङ था ङ्योकोनला फामगी सामा सोबाच्‍योक लासुङ।

तीतस 1:10

थरिङोला थेपा थोक खाला ङेन्‍दा फाप्‍च्‍येते बातताङ मिडिक्‍च्‍येते बात लोप्‍कान्‍ते मि काल्‍बेई दुक। थेबेकी सुङगीङ बात मेङेन्‍दा खाला खालि छ्याःङ काम लै मिक्‍किच्‍येते बातओन लाप्‍ला येशूला विश्‍वास खित्‍कान्‍ते मिओनला छक्‍के खिओ। दोक खित्‍कान्‍तेबा काल्‍बा च्‍योक्‍ते जीउला खतकी चिनु जोकान्‍ते यहूदीराङ ईन।

फिलेमोन 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। येशू ख्रीष्‍टकी खि साबाते काम खिन ओतेकी ङा जेलदु देता ओत। ङ्योकोन दि चिट्ठी ङेत्ताङ डिक्‍ला गा लाङच्‍येते बात लोप्‍कान्‍ते ङिङज्‍येते र्‍वा फिलेमोन खोल्‍ला टिगीन ओत।

फिलेमोन 1:24

थोकराङ खाला दुरू ङात्ताङ डिक्‍ला गा लाङच्‍येते बात लोप्‍कान्‍ते मर्कूस, अरिस्‍तार्खस, डेमास थेमे लूकेतेङ ख्‍योकोनला नमस्‍ते ओत्‍लो।