कलस्‍सी 4:10 - जिरेल

¹⁰ दुरू ङात्ताङराङ जेलदु ओताते अरिस्‍तार्खसते ख्‍योकोनला नमस्‍ते ओत्‍लो। थेमे बारनाबास न्‍वा फाप्‍च्‍येते मर्कूसतेङ नमस्‍ते ओत्‍लो। मर्कूसला च्‍यि सिसे थेमे थेला चुक खिता फाप्‍कीते सिन ङे ख्‍योकोनला गोमाकाराङ साकीन सिन्‍दा ओत। था थे ख्‍योकोन ओत्‍सापा वासीन थेला लेमु खि।

कलस्‍सी 4:10 Iomraidhean Croise

शक्ति काम 12:12

दि बात मिलाम खाबाते मेन्‍दाक्‍वा सिन छ्या स्‍येनामेई थे यूहन्‍नाबे आमा मरियम खाँपा गाल्‍सुङ। यूहन्‍नालाचेन मिओनगी मर्कूस सिनोङ सिरच्‍येते खिन ओतान। थे खाम्‍बादु मि काल्‍बेई रूला परमेश्‍वरला प्रार्थना खिन ओतान।

शक्ति काम 12:25

बारनाबासताङ शावलचेन खोपरोङगी यरूशलेमदु केल वाबाते पैसा बिन्‍गीन च्‍याकीन एन्‍टिओखियामा ग्‍युरगीन गाल्‍सुङ। थेबा ङिबोकी मर्कूस सिराते यूहन्‍नालाङ थेबाताङराङ टीकीन खेरसुङ।

शक्ति काम 13:13

थेरूई तिरी पावलताङ थे र्‍वाओन पाफोसदुकी पानीजहाजला जेकीन पामफिलिये अञ्‍चलदु फाप्‍च्‍येते पर्गा सिरसादु लेप्‍सुङ। थेरू लेप्‍नामेकी यूहन्‍नाचेन पावलबा बारनाबासबाताङ ठाल्‍गीन यरूशलेमपा ग्‍युरसुङ।

शक्ति काम 13:5

थेमे थेरू सलामिस सिरसादु लेप्‍नामेकी थेबा यहूदीओनते मिटिङ खित्‍च्‍येते खाम्‍बा खाम्‍बाला गाल्‍गीन गाङेला परमेश्‍वर बात लोपाला स्‍यूसुङ। खोपरोङला थे काम खित्‍जीन मद्धत खिताला गोक्‍यो सिन बारनाबासताङ शावलगी यूहन्‍नालाङ ङ्योम्‍बुराङ टीकीन खेरा ओतान।

शक्ति काम 19:29

थेबेकी थोक खाला छेरा खित्‍जीन थे सारराङ थर्के खासुङ। थेमे च्‍यि ओङका सिन सार खाङ हल्‍ला खल्‍ला मच्‍चे खासुङ। थेमे थेरू मिओनगी पावलताङ र्‍वा खाईन ख्‍याम्‍बाते मेन्‍दा ङि मिला जुम्‍गीन ठुत्‍कीनकामा खेरगीन मि गाङेराङ जम्‍मा ओङला तेमु ताच्‍येते ठाउँदु क्‍याल्‍सुङ। थेबा ङिबोचेन म्‍यासिडोनिये लुङबे गायसताङ अरिस्‍तार्खस सिरातेबा ओतान।

शक्ति काम 20:4

थेजीन थेत्ताङ ज्‍येन ज्‍येन मिङ ङ्योम्‍बुराङ ओतान। थेबाचेन बेरियापे पाईरस सिराते मि फुज्‍युङ सोपाटर, थिस्‍सलोनिकापे अरिस्‍तार्खसताङ सिकन्‍डस, डर्बीपे गायस थोकराङ खाईन तिमोथी थेमे एशिये अञ्‍चल टाइकिकसताङ त्रोफिमस सिरातेबा ओतान।

शक्ति काम 27:2

थेरू ङ्योकोन गाङेराङ एड्रामिटियम सिरसादुकी वाबाते पानीजहाजला जेबाप। थे जहाजचेन एशिये अञ्‍चल छेउकी नाङला फाप्‍च्‍येते ठाउँ ठाउँ ड्वाप्‍ला ठीक खाबा ओतान। ङ्योकोनताङ म्‍यासिडोनिये लुङबे थिस्‍सलोनिकापे अरिस्‍तार्खस सिरातेङ ओतान।

शक्ति काम 4:36

येशूला विश्‍वास खित्‍कान्‍तेबे नाङ यूसुफ सिराज्‍यीक मि ओतान। थेचेन साइप्रस लुङबादु केबाते लेवी थरगी मि ओतान। येशू ख्रीष्‍टकी खटे खाबाते मिओनगी थेला बारनाबास सिन मिन ज्‍याक्‍पा ओतान। बारनाबास साबाते मिओनला आँट तेरकान्‍ते साबाते ईन।

रोमी 16:2

थेकी मि काल्‍बेईला आउदी लेमु खाबा ओतान। ङा ङाराङलाङ थेकी मद्धत बिन्‍दा ओतान। थोगी था थे थेपा वासीन थेङ प्रभु येशू ख्रीष्‍टला विश्‍वास खित्‍कान्‍ते ईन सिन परमेश्‍वर सन्‍तान नाङ दोक्‍पोईकी ज्‍येनज्‍यीकला चुक खिता फाप्‍कीते थोकराङ खाला ख्‍योकोनगी थेला लेमु खि। थेमे थेला च्‍यि च्‍यि गोकीका सिन ताला गोच्‍येतेबा बिन।

रोमी 16:7

थेमे ङे मि फाप्‍च्‍येते गोमा ङात्ताङराङ जेलदु देताते एन्‍ड्रोनिकसताङ युनियसलाङ ङेते नमस्‍ते ओत सि। थेबाचेन येशू ख्रीष्‍टकी खटे खाबाते मिओन नाङ मिन चले खाबाते मि ईन। थेबेकी ङे भन्‍दा गोमामेकीराङ ख्रीष्‍टला विश्‍वास खिताला स्‍यूबाते ईन।

२ तिमोथी 4:11

दुरू थरिङोला ङात्ताङ लूकाकामा ओत। ओङजीन खुई मर्कूसलाङ टीला खोरच्‍योक। परमेश्‍वर काम खिताला ङाला दुरू थे गोबा ओत।

फिलेमोन 1:23

येशू ख्रीष्‍टकी खि साबाते काम खिन ओतेकी ङात्ताङराङ जेलदु ओताते इपाफ्रासते ख्‍योकोनला नमस्‍ते ओत्‍लो।

फिलेमोन 1:24

थोकराङ खाला दुरू ङात्ताङ डिक्‍ला गा लाङच्‍येते बात लोप्‍कान्‍ते मर्कूस, अरिस्‍तार्खस, डेमास थेमे लूकेतेङ ख्‍योकोनला नमस्‍ते ओत्‍लो।

१ पत्रुस 5:13

बेबिलोनदु ओताते येशू ख्रीष्‍ट मिओनते ख्‍योकोनला नमस्‍ते ओत्‍लो। परमेश्‍वरगी थेबालाङ ख्‍योकोनला च्‍योकराङ खाईन छाने खाबाते ईन। मर्कूसतेङ ख्‍योकोनला नमस्‍ते ओत्‍लो। दि ङेते ङाराङ फुज्‍युङ च्‍योकराङ ईन।