ङाचेन ख्योकोनला च्यि सिते सासीन सुइँदा दाक्पोन आज्यो न्वाताङ स्येदाङ खासुङ सासीनकामाङ थेलाङ सजाय तेरा फाप्क्यो। थेमे आज्यो न्वाला खो ङ्येबे ङ्येस्यु सिन सिरकान्ते मिला सजाय बिन सिन छ्ये छ्ये मि रूसादु खेरा फाप्क्यो। थेमे आज्यो न्वाला खोनी ठुङराङ माठुङसीन ओङच्या ओतान सिन सिरकान्ते मिनी झन सजाय ङेत्ला नरककुण्डमा मे नाङराङ स्यूइओ।
कलस्सी 3:8 - जिरेल8 थाचेन ख्योकोनगी दोक दोक खिता थोङ। च्यि सासीन सुङताङ स्येदाङ माकेत, स्येदाङ फुङ मापुङ, मि छतिपति माक्युर, मि मामोत, फोर बात माकेत Faic an caibideil |
कलस्सी 3:8
35 Iomraidhean Croise
चुक सासीन ङुरूङगी गाङे ङोन्दु खिता ओङच्येते कामताङ बातकामा खिता फाप्क्यो। ज्येनताङ रूला भक्कुचूर सोला थुला मोज मज्जा खित्च्येते, छ्याङ रक्सीकी जिला ख्याम्च्येते थेमे रन्डीबाजीताङ होदि च्योक्ते खिता मेङच्येते ङोचा लाङच्येते काम खिता मेङगो। ज्येनताङ थोम्मु जीङगा खित्च्येते थेमे मिला डार खित्च्येतेङ खिता मेङगो।
था ङा थेपा ओङजीन ङे साबा ओताच्योक मेन्देकी ख्योकोनगी खुदुकराङ काम खिन ओताते थोङा फाप्कीता सिन ङाला पीर लाबा ओत। थोकराङ खाला ख्योकोनगीङ ङाला खुदुकराङ गालाते च्योक थोङगीता सिनोङ ङाला पीर लाबा ओत। च्यि सासीन थोरूमोङ ख्योकोन थोम्मु जीङगा खिन ओताते, मिला डार खिन ओताते, मित्ताङ स्येदाङ खित्च्येते, ज्येनगी वास्ता मिक्किता खाला दाक्पोन फाइदाकामा ताच्येते, मिला मोत्च्येते, मि पनी खित्च्येते, ङा ङाराङ ईन सिराच्योक खित्च्येते थेमे गाङेराङ डिक्ला थुन्ला काम खिता साटोला आफूराङस्ये खाला ख्याम्गीन ओताते थेप्कीता सिन ङाला सुर्ता लाबा ओत।
थोगी था ख्योकोनगी दाक्पोन खुशी खिन दाक्पोनला च्यि च्यि खिता सेम लाङगीका थोकराङ खिन देता थोङ। च्यि सासीन रन्डीबाजी थेमे होदि च्योक्ते खिता मेङच्येते ङोचा लाङच्येते काम माकेत, होदोक्ते काम माक्याबाला ओङराङ मेङगो सिराच्योक माकेत, लोभ माकेत, लोभ खित्च्येतेनी परमेश्वर लाईदु ल्हा लु माने खाबा छेतराङ मेलेबा ईन।
ईन्दानी थोङला ङे थेला आउदी खाईन विरोध खाबाप। थेला विश्वास खित्कान्ते मिओनला ङे खेदा खाईन खाईन दुक्पा बिन्दाप। थे मिओन दोक्पोईलाङ बाँकी ज्य्वाबा मेङगो सिन ङे थेबाला खितासम्म मेलेबा खाबाप। ङे थोक मेलेबा खाबा ईन्सीनोङ प्रभु येशू ख्रीष्टकी ङाला दया खाईन लेमु खासुङ। च्यिला सासीन थेजीन ङे थेला विश्वास खाबा मेतान थेमे ङाराङगी चुक मेलेबा खिन ओते सिनोङ ङाला छ्या मेतान।
परमेश्वरला सु सुकी चुक खाईन विश्वास खासुङा सिन ङोला ङ्वा मुथुप्च्या मि बात छ्या स्येनामेकी था ङुरूङगी परमेश्वरगी दाक्पोनला लेपा फाप्क्यो सासासाक लेपाला जस्तो ओङसीनोङ सेम मेसेता खाला जुनी खाङ थेला विश्वास खिन देता फाप्क्यो। दाक्पोनला दोक खिताला रोके खित्च्येते कामताङ बात खिता ङुरूङगी गाङे तोङा फाप्क्यो। पाप खिता तोङा दुक्पा ओत्सीनोङ पाप खिताङ ङुरूङगी पूरो खाला तोङा फाप्क्यो।
च्यिला सासीन थेबेकी काम लै खित्च्येते बात सिराते छ्याःङ मोलोबो। खोपरोङ जे बादोङ छ्या स्येकान ईन सिराच्योक खाला आउदी छ्ये छ्ये बात खिओ। दाक्पोन खुशी खिन दि सा लुङबे मिओनगी खित्च्येते च्योक्ते खिता मेङच्या ङोचा लाङच्येते काम खिता ताङगीन भर्खर भर्खर परमेश्वरला विश्वास खिताला स्यूबाते मिओनला दिबेकी होथोक्ते काम खासीन छ्याःङ मेङगो साला लोक्ला गोमा खाबाते होथोक्ते कामराङ खित ज्युत्कीदुक।
दोस्यिककामा मेन, थेबाचेन जेसुकै फोर मैलो उरला खुलाङकान्ते समुन्द्रे छाल च्योक्ते ईन। समुन्द्रे छालगी उरगीन खुलाकीन समुन्द्रे छेउदु बाम्बाते फोर मैलोतेबा गाङे थोङा च्योकराङ होथेबेकी खाबाते मेलेबाते कामतेबाङ गाङेकी थोङगो। थेबा ग्वाका नामनेकी ङील्ला तोरला डोच्येते कार्मे क्याक्पा च्योक्ते ईन। होथोक्ते मिओनला सधैँभरि सजाय तेराला परमेश्वरगी नरककुण्डमा आउदी मुन्दाकज्यीक ठाउँ ठीक खाईन ज्याक्पा ओत।
गोमा होथेबेकी खाबा च्योकराङ खाला ख्योकोन नाङ खाराक्पा स्यूबाते खोपरोङ मिलाम स्येत्कान्ते मिओनगीङ गोमा होथेबेकी खाबा च्योकराङ खाला मेलेबा काम खिदुक। च्यि सासीन रन्डीबाजीताङ होदि च्योक्ते खिता मेङच्येते काम खाला थेबेकी खोपरोङला ङ्ये ज्युत्कीदुक, परमेश्वर थेमे ज्येन सुङगीङ अधीनला मेदेत्तुक थेमे परमेश्वर दूतओन विरोध खिदुक।
Sanasan