कलस्‍सी 3:4 - जिरेल

⁴ ङुरूङला साम्‍बाते जुनी तेरकान्‍ते ख्रीष्‍ट था तिरी गाङेकी थोङच्‍या खाला देमा ग्‍युरला ओङगो। थेजीनराङ ख्‍योकोन परमेश्‍वरगी ज्‍वा चालाच्‍योक लेमु गाल्‍गीन मान ङेत्‍कीन थेत्ताङ ङ्योम्‍बु ओताते गाङेकी थोङगो।

कलस्‍सी 3:4 Iomraidhean Croise

मत्ती 13:43

थेमे परमेश्‍वरगी साबा साबा च्‍योकराङ खित्‍कान्‍ते मिओनचेन स्‍याराते ङीमा च्‍योकराङ ओङला आबा परमेश्‍वर राज्‍यदुराङ देता ङेत्‍क्‍यो। ङेन्‍दा सेम ओत्‍कान्‍ते मिकी दि बातओन लेमु खाला ङेन।

लूका 17:30

परमेश्‍वर ओत्‍सादुई वाबाते मि ङा देमा ग्‍युरला ओङे छोमुङ काल्‍बा च्‍योक मि नूहताङ लोतकी पालो मि च्‍योकराङ खिन देता ओङगो।

यूहन्‍ना 11:25

थेमे येशूकी थेला “मिओनला स्‍यिसादुकी सोम्‍बो लोक्‍कान्‍ते ङाराङ ईन। थेमे नोमुङ मिसिन्‍च्‍येते जुनी तेरकान्‍तेङ ङाराङ ईन। ङाला विश्‍वास खित्‍कान्‍ते मिचेन नोमुङ मिसिन्‍च्‍येते जुनी ङेतेकी स्‍यिसीनोङ लोक्‍ला सोम्‍बो लोइओ।

यूहन्‍ना 14:3

ठाउँ ठीक खाला ङा ख्‍योकोनला लिन्‍दाला लोक्‍ला ओङगो। थेमे ख्‍योकोनोङ ङात्ताङ ङ्योम्‍बुराङ देता ङेत्‍स्‍यीत सिन ङा ख्‍योकोनलाङ ङाराङ देत्‍सादुराङ देताला खेरग्‍यो।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 17:24

आबा, खुई ङाला ङिङज्‍ये खित्‍च्‍येते ईन्‍देकी दि सा नाम ज्‍वा भन्‍दा गोमामेईराङ खुई ङाला छ्येज्‍यीक मान बिन्‍दा ओतान। था खुई ङे लाःक्‍तु जिम्‍मा बिन्‍दाते मि जतिङ ङा जहाँ देत्‍कीदुक, थेरूराङ देता ङेत्‍ला दिबाबरीकी ङा होथोक खाईन मान ङेत्‍कीन देताते थोङा ङेत्‍स्‍यीत सिरच्‍येते ङे सेम ओत।

यूहन्‍ना 20:31

दि बातओन टिबातेचेन येशू परमेश्‍वरगी तोङगो साबाते ख्रीष्‍ट ईन, थे परमेश्‍वर फुज्‍युङ ईन सिन छ्या स्‍येला ख्‍योकोनगी थेला विश्‍वास खित्‍स्‍यीत थेमे थेला विश्‍वास खाला नोमुङ मिसिन्‍च्‍येते जुनी ङेत्‍स्‍यीत सिनराङ ईन।

शक्ति काम 3:15

दोस्‍यिककामा मेन, ख्‍योकोनगीनी मिओनला जुनी तेरकान्‍तेलाराङ सेत च्‍युताते ईन। परमेश्‍वरगीचेन थेला स्‍यिसादुकीङ सोम्‍बो लोक्‍पा ओत। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

रोमी 8:18

था तिरी परमेश्‍वरगी ङुरूङला थोक खाला मान बिन्‍ला थे खोरोङगी ज्‍वा चाला च्‍योकराङ लेमु जोच्‍येते बात सम्‍झे खासीन थरिङोला ङुरूङगी भोगे खिता फाप्‍च्‍येते पीरताङ दुक्‍पाका च्‍यि ईन्‍देरो, ङालानी दिनी छ्याःङ मेन सिराच्‍योक लाङगीदुक।

रोमी 8:19

दोक खाला था ङीमाई परमेश्‍वरगी गाङेकी थोङच्‍या खाला थे खोरोङ फुज्‍युङ फुमुला थे खोरोङगी ज्‍वा चाला च्‍योकराङ लेमु जोच्‍येते दिन ओङगो। मि ईन्‍स्‍यीत, जीव जन्‍तु ईन्‍स्‍यीत परमेश्‍वरगी जोबातेबरी जेसुकै थे दिन नाम लेबोङा सिन गुकीनराङ देता ओत।

१ कोरिन्‍थी 1:7

थोक ईन्‍देकी था प्रभु येशू ख्रीष्‍ट नामराङ ग्‍युरला वाओङा सिन गुला देत्‍जीन ख्‍योकोनला गोच्‍येते परमेश्‍वर आत्‍मेकी तेरच्‍येते सीपताङ शक्ति ख्‍योकोनगी गाङे ङेता ओत।

१ कोरिन्‍थी 15:43

स्‍यिइन सिन्‍दाते मिकी छ्याःङ खिता मुथुबो। थोगी थे रो छ्याःङ काम लै मिक्‍किओ सिन दिइओ। तर था तिरी परमेश्‍वरगी सोम्‍बो लोक्‍जीन तेरच्‍येते जीउचेन जेङ खिता थुप्‍च्‍या आउदी लेमु ओङगो।

२ कोरिन्‍थी 4:17

थरिङोला टिक्‍पी दिन दोक्‍ते दुक्‍पा भोगे खिता फाप्‍सीनोङ दोक खाईन सिन्‍नामेईनी परमेश्‍वरगी ङेराङला सधैँभरि लाईदु मान बिन्‍ला थे खोरोङगी ज्‍वा चाला च्‍योकराङ लेमुका जोइओ। होथे बात सम्‍झे खित्‍जीन ङ्योकोनलानी थरिङोला टिक्‍पी दिन ङेराङगी भोगे खिन ओताते होदोक्‍ते पीरताङ दुक्‍पा छ्याःङ मेन सिराच्‍योक लाङगीदुक।

गलाती 2:20

चुक खाईन सासीन ख्रीष्‍टला स्‍यिङगी थामला टाँए खाला सेत्‍जीन ङाङ थेत्ताङराङ थे थामला टाँए खाईन स्‍याप्‍ते ईन। ङा थोक खाईन स्‍याप ईन्‍सीनोङ थोरूमसाक सोम्‍बोराङ ओत। ङाराङ सोम्‍बो ओत्‍सीनोङ थरिङोला ङे जे खिदुक थे ङे खित्‍च्‍येते मेन, ख्रीष्‍ट ङे सेमगी नाङ ओतेकी ङे च्‍यि च्‍यि खिका गाङे थेकीराङ खित ज्‍युत्‍च्‍येते ईन। मास्‍यिथुप था ङा परमेश्‍वर फुज्‍युङला विश्‍वास खिन देत्‍ला थेकी खित ज्‍युता चाला च्‍योककामा खिन देत्‍क्‍यो। थेकी ङाला ङिङज्‍ये खाईन ङे लाईदु थे खोरोङ ज्‍यानराङ बिन्‍गीन स्‍या ओतान।

फिलिप्‍पी 3:21

ङुरूङ जीउ प्रभु येशू ख्रीष्‍टकीते सोम्‍बो लोक्‍जीन ओताते जीउ च्‍योक मेत। थोगी ङुरूङ नेइओ, दुक्‍पा ओङगो थेमे ङुरूङ स्‍यिनामेई रूल्‍ला डुइओ। ईन्‍सीनोङ था प्रभु येशू ख्रीष्‍ट ग्‍युरगीन वानामेई थेकी ङुरूङ जीउ थे खोरोङते च्‍योकराङ लेमु जोइओ। जेसुकैला थे खोरोङ अधीनला ज्‍य्‌वाच्‍येते शक्तिकी थेकी दोक खिओ।

१ थिस्‍सलोनिकी 4:17

थेमे थे छोमुसाकराङ सोन्‍गीन देता ओताते ङुरूङलाङ प्रभु येशू ठेता खिताला परमेश्‍वरगी होथेबाताङराङ मुक्‍पे नाङ खाला नामने खेरग्‍यो। थेमे ईन्‍सीन ङुरूङ प्रभु येशूताङ नोमुङ माठाला खाला ङ्योम्‍बुराङ देता ङेत्‍क्‍यो।

१ तिमोथी 6:14

च्‍यि सासीन प्रभु येशू ख्रीष्‍ट स्‍वर्गनेकी ग्‍युरला ओङ ओङसाकराङ ङे खोल्‍ला खि साबाते दि बाततेबा दोक्‍पोईओङ मोतोङा खाला गाङे खिन देत। खुई दोक माक्‍यासुङ सिन सुङगीङ सिरा मेङेत्‍स्‍यीत।

२ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङे कामचेन परमेश्‍वरगी तेरग्‍यो साबाते नोमुङ मिसिन्‍च्‍येते जुनीचेन येशू ख्रीष्‍टकी खित्‍सादु ङेत्‍क्‍यो सिन ज्‍येनला लोप्‍च्‍येते ईन।

२ तिमोथी 4:8

थोगी ङा परमेश्‍वरगी खि साबा साबा च्‍योकराङ खित्‍कान्‍ते मि ईन सिन था ङे इनाम ङेत्‍क्‍यो। थे इनामचेन सुङलाङ काका पाका मिक्‍किता खाला न्‍याय खित्‍कान्‍ते प्रभु येशू ख्रीष्‍टकी थे खोरोङ ग्‍युरला ओङे छोमु ङाला तेरग्‍यो। थे इनाम थेकी ङालाकामा मेन, थे स्‍वर्गनेकी ग्‍युरला ओङगो सिन गा खिन गुला देत्‍कान्‍तेबा गाङेला तेरग्‍यो।

तीतस 2:13

थेमे ङुरूङला पापदुकी डेल्‍कान्‍ते छ्येज्‍यीक शक्ति ओताते परमेश्‍वर येशू ख्रीष्‍ट था तिरी स्‍वर्गनेकी मिगी तापराङ मुथुप्‍च्‍या झिलिमिली नाम्‍दाकला देत्‍ला देमा ग्‍युरला ओङगो सिन ङुरूङ आश खाला गुला देत्‍क्‍यो। दिराङ ङुरूङ लाईदु आउदी गा लाङच्‍येते बात ईन।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

१ पत्रुस 1:13

परमेश्‍वरगी ख्‍योकोनला दोक लेमु खाबा ओतेकी था ख्‍योकोनगी थेकी खि साबाते काम खित्‍च्‍ये छ्य्‌वापाकामा स्‍येत खि। दाक्‍पोन सेम काबूला स्‍योक। थेमे येशू ख्रीष्‍ट ग्‍युरला ओङे छोमु परमेश्‍वरगी ख्‍योकोनला दया खाला पूरो खाला पापदुकी टाल्‍ला लेमु खिओ साबाते पक्‍काराङ खिओ सिन खेराङगी आश खाईन देता च्‍योकराङ ओङगो सिन टोक माज्‍येत।

१ पत्रुस 5:4

दोक खासीन था येशू ख्रीष्‍ट ग्‍युरला ओङजीन थेकी ख्‍योकोनला इनाम सिन छ्येज्‍यीक मान तेरग्‍यो। थेकी थोक खानामेई ख्‍योकोन सधैँ मान ङेत्‍ला देता ङेत्‍क्‍यो। येशू ख्रीष्‍टचेन ज्‍येन गोठाला गाङेला कोत्‍कान्‍ते छ्येते गोठाला च्‍योक्‍ते ईन।

१ यूहन्‍ना 2:28

थेमे था फिजावे, ख्‍योकोन येशू ख्रीष्‍टताङ डिक्‍लाराङ देत। थोक खाईन देत्‍सीन थे ग्‍युरला ओङे छोमु सजाय ङेत्‍कीता सिन छ्याःङ ज्‍यीबा थेमे ङोचा मिक्‍किता खाला ङुरूङ थे दोन्‍दु ड्वा थुप्‍क्‍यो।

१ यूहन्‍ना 3:2

ङिङज्‍येते फिजावे, था ङुरूङ परमेश्‍वर फुज्‍युङ फुमु ओङगीन सिन्‍दा ओत। था तिरी ङुरूङ चुक ओङोङा सिरच्‍येते बात थोरूमसाक ङुरूङला छ्या मेत। दि बातज्‍यीकचेन ङुरूङला लेमु खाला छ्या ओत। च्‍यि सासीन येशू ख्रीष्‍ट ग्‍युरला ओङे छोमु ङुरूङोङ थे च्‍योकराङ ओङगो। च्‍यिला सासीन थे जस्‍तो दुक उस्‍तोराङ ङुरूङगी थेला थोङा ङेत्‍क्‍यो।

१ यूहन्‍ना 5:12

जो जसताङ परमेश्‍वर फुज्‍युङ ङ्योम्‍बु देत्‍ला दुक थे थेकी नोमुङ मिसिन्‍च्‍येते जुनी ङेता ओत। थे ङ्योम्‍बु देता मेताते मिकीचेन दोक्‍ते जुनी ङेता मेत।

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।

छ्या स्‍ये च्‍युताते बात 2:7

ङेन्‍दा सेम ओत्‍कान्‍ते मिकी ठाउँ ठाउँला जम्‍मा ओङकान्‍ते येशू ख्रीष्‍ट मिओनला परमेश्‍वर आत्‍मेकी च्‍यि सिन दुका सिन लेमु खाला ङेन। शैतान शक्तिला ग्‍याल्‍कान्‍ते मिलाचेन ङा स्‍वर्गने ओताते दोङबो फलफूल सार ज्‍युत्‍क्‍यो। थे दोङबो फलफूल साकान्‍ते मिकी नोमुङ मिसिन्‍च्‍येते जुनी ङेत्‍क्‍यो।

छ्या स्‍ये च्‍युताते बात 22:1

थेमे दि तिरी थे दूतकी ङाला चाङबोज्‍यीक तेन्‍सुङ। थे चाङबो बिल्‍लौर सिराते यु च्‍योकराङ साङलोई ओतान। थे चाङबो छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थे चाङबोचेन परमेश्‍वरताङ लुई रीउ देत्‍च्‍येते सिंहासनदुकी थेन्‍गीन

छ्या स्‍ये च्‍युताते बात 22:14

दाक्‍पोन खोलाक टुला सफा जोला ज्‍य्‌वाकान्‍ते मिओन भाग्‍यमानी ईन। थोक खानामेई थेबेकी नोमुङ मिसिन्‍च्‍येते जुनी ङेत्‍च्‍येते दोङबो फलफूल सा ङेत्‍क्‍यो। थेबा थे सारगी गोनेकी खाला थे नाङ स्‍यूक्‍पा ङेत्‍क्‍यो।