कलस्‍सी 3:2 - जिरेल

² ख्‍योकोनगी दि सा लुङबे मिओनगी खिताच्‍योक खिता माछोल। बरू स्‍वर्गने देत्‍कानताङ थेने चुक चुक ओङगीते सिन विचार खाला थेने खित्‍च्‍येते च्‍योक्‍ते कामताङ बात खित्‍च्‍ये छ्य्‌वापा सेम लै खि।

कलस्‍सी 3:2 Iomraidhean Croise

मत्ती 16:23

थोक खित्‍जीन ख्‍युर ग्‍युरगीन थेकी थेला “शैतान, खो दुरू ङे मिगी दोन्‍दु मादेत। खो ङे काम ङ्ये ज्‍युता छोल्‍गीदुक। परमेश्‍वरगी दोक खाला काम मिक्‍किओ। खुई साबाते दि बातनी परमेश्‍वरगी खित्‍च्‍येते कामताङ डिकराङ मिडिक्‍च्‍येते ईन,” सिन ङारसुङ।

मत्ती 6:19

लोक्‍ला ज्‍येन बात च्‍यि सासीन ख्‍योकोनगी दुरू सम्‍पत्ति साला माज्‍यो। दोक्‍ते सम्‍पत्तिनी बुईकी सेइओ, चा छ्याक्‍यो, खिये खिओ थेमे चोरगी कुला सिन्‍ला तोरला डुइओ।

लूका 12:15

थेमे थेकी थेरू ओताते मि गाङेला “ख्‍योकोन च्‍याङबो खि। ख्‍योकोनगी लोभ सिराते छ्याःङलाङ माकेत। सम्‍पत्ति थुप्रो ओत्‍जीनमेईराङ मिकी लेमु खाला जुनीकाल्‍बा क्‍योङा थुप्‍च्‍येते मेन,” सिन सासुङ।

लूका 16:11

बात दोक ईन्‍देकी ङीमाई सिन्‍ला डोच्‍येते सम्‍पत्तिनी ठीक खाला चले खिता मेस्‍येदुक सासीन परमेश्‍वरगी ख्‍योकोनला चुक खाला स्‍वर्गे सम्‍पत्ति चले खित्‍च्‍येते जिम्‍मा तेरगीते?

फिलिप्‍पी 1:23

ङे लाईदुनी ङिकाराङ थोजोराङ ईन। ङाराङ बातकामा खिइ सासीन स्‍यिनामेकी ख्रीष्‍टताङराङ देता ङेत्‍च्‍येते ईन्‍देकी स्‍यिसीन काल्‍बेई लेमु ओङच्‍या ओतान सिराच्‍योक लाङगीदुक।

कलस्‍सी 3:1

परमेश्‍वरगी ख्‍योकोनला ख्रीष्‍टताङराङ सोम्‍बो लोगीन साम्‍बाते जुनी बिन्‍दा ओत। थोगी था ख्‍योकोनगी स्‍वर्गने सु ओते, चुक चुक ओङगीते सिन थेने बात विचार खि। स्‍वर्गनेचेन ख्रीष्‍ट ओत, थे थेने परमेश्‍वर सामे छ्य्‌वापा देता ओत सिन टोक माज्‍येत।

कलस्‍सी 3:5

थोगी था ख्‍योकोनगी दाक्‍पोन खुशी खिन दाक्‍पोनला च्‍यि च्‍यि खिता सेम लाङगीका थोकराङ खिन देता थोङ। च्‍यि सासीन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम माकेत, होदोक्‍ते काम माक्‍याबाला ओङराङ मेङगो सिराच्‍योक माकेत, लोभ माकेत, लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।