कलस्सी 3:16 - जिरेल16 थेमे खेराङगी ख्रीष्टकी बात झन झन लेमु खाला छ्या स्येबा थुप्स्यीत सिन थे बात ख्योकोनगी सेमगी नाङ गुने खिनराङ देत। चुक सासीन परमेश्वरगी बिन्दाते बुद्धिकी ख्योकोनगी थे बात खेराङ नाङ लोप्कीन देत, थेरू साबा च्योकराङ खिन देता फाप्क्यो सिन दोक्पोईकी ज्येनज्यीकला सिनराङ देत। थेमे परमेश्वरगी खेराङला चुक दया खासुङा सिन गा खिन थेला धन्यवाद सिनकामा खेराङ नाङ भजन लिन्च्येते, परमेश्वरला छ्ये जोच्येते लु लिन्च्येते थेमे परमेश्वर आत्मेकी लिन च्युताते ज्येनोङ लु लिन्च्येते खि। Faic an caibideil |
कलस्सी 3:16
62 Iomraidhean Croise
ङा चुक खिते सासीन ङाराङ आत्माला परमेश्वर आत्मेकी कोता ओता च्योकराङ खाला ङाराङ आत्मेकीङ प्रार्थना खिओ। ङाराङगी दोक दोक सिन ओत सिरच्येते छ्या स्येलाङ प्रार्थना खिओ। थोकराङ खाला ङाराङ आत्माला परमेश्वर आत्मेकी कोता ओता च्योकराङ खाला ङा ङाराङ आत्मेकी लु लिन्ग्यो थेमे ङाराङगी दोक दोक सिन ओत सिरच्येते छ्या स्येलाङ लु लिन्ग्यो।
आज्यो न्वावे, ख्योकोन गाङेराङ जम्मा ओङजीन ख्योकोन कोई परमेश्वरला छ्ये जोच्येते लु लिन्कान्ते, कोई सु सुकी चुक चुक खिता फाप्कीते सिन लोप्कान्ते थेमे कोईचेन परमेश्वरगी खोपरोङला तेन्गीन बिन्दाते तिरी ओङच्येते बात खित्कान्ते मि ओङगो। थोकराङ खाला कोई खोपरोङगी छ्या मास्येबाते खुदुक खुदुकते भाषाला बात खित्कान्ते मि ओङगो सासीन कोईचेन थे भाषाला खाबाते बातकी अर्थ खोले खित्कान ओङगो। ख्योकोनगी जे खासीनोङ येशू ख्रीष्ट मि गाङेला लेमु ओङे लाईदु खि।
ख्रीष्ट दोक खाला ज्येन ज्येन जातकी मि सेमगी नाङ देत्क्यो सिन ङ्योकोन मि गाङेला लोप्क्यो। च्यि सासीन ख्रीष्टताङ जीउज्यीकराङ ओङाते मिओन काम बात जे कुरोलाङ पाको गालाते मि ओङला परमेश्वर दोन्दु देता थुप्स्यीत सिन ङ्योकोनगी लोप्च्येते बात लेमु खाला ङेन सिन मि गाङेला दि बात परमेश्वरगी बिन्दाते बुद्धिकी लेमु खाला लोप्क्यो।
ख्योकोन बात थोबा छोमुमेई ङ्योकोनगी ख्योकोन लाईदु परमेश्वरला प्रार्थना खिता ताङा मेत। परमेश्वरगी ख्योकोनला थे खोरोङ आत्मे छ्य्वापेई बुद्धि बिन्ला खोबा फाप्च्येते बात गाङे लेमु खाला खो च्युत्ला थे खोरोङगी च्यि च्यि खि सिते सिन ख्योकोनगी लेमु खाला छ्या स्येस्यीत सिन ङ्योकोन प्रार्थना खिओ।
थेमे थरिङोला छ्युक्पु ओताते मिओनला दोक सिन कोत। थेबाला छ्ये माकेत सि, सम्पत्ति ओत्कीन ओत सिन ढुक्क खाला मादेत सि। थोक्ते सम्पत्तिनी नामसाक दाक्पोन लाःक्तु देत्कीते सिन छ्याःङ छ्या मेङगो। बरू थेबाला परमेश्वरला भर परे खिता लोप सिन सि। थेकीराङ ङुरूङला गोच्येतेबरी दाङच्या ख्योप्च्या खाला बिन्ला गा खिन देत ज्युत्क्यो।
तर परमेश्वरगी बिन्दाते बुद्धि ङेता ओताते मिओनगीचेन काम बात जे खित्जीनोङ लेमुतेकामा खिओ, थेबा ज्येनताङ डिक्ला थुन्ला देता छोल्ग्यो, गाङेताङ खा छ्येत लेमु खिओ, दाक्पोन भन्दा छ्येकी साबाते ङेन्ग्यो, ज्येनला ङिङज्ये खाला लेमु लेमु काम खिओ, सुङलाङ काका पाका मिक्किओ थेमे सेमला मेलेबा विचार मोज्योओ।
छ्येवे, दि सा लुङबा ज्वा भन्दा गोमामेईराङ ओताते ख्रीष्टला ख्योकोनगी छ्या स्येबा ओतेकी ङे ख्योकोनला दि बात टिबाते ईन। स्याराते मिवे, ख्योकोनगी परमेश्वर शक्ति ङेता ओतेकी, परमेश्वर बात खेराङ सेमला ज्याक्पेकी थेमे खेराङला मेलेबा खित्कान्ते शैतानला ग्याल्गीन सिन्दा ओतेकी ङे ख्योकोनला दि बात टिबाते ईन।
थेमे थेबाचेन परमेश्वर काम खित्कान्ते मोशेकी थे खोरोङ पालोला परमेश्वरते जय जय खिन लाबाते लु लिन्गीन ओतान। थेमे दोक सिन लुई रीउला छ्ये जोच्येते लुङ लिन्गीन ओतान। चुक सासीन “गाङे भन्दा छ्येज्यीक शक्ति ओताते प्रभु परमेश्वर, खुई खाबाते कामओन चुक छ्ये छ्येताङ अचम्ब लाङच्या ईन्दाका। खो सधैँभरि सोन्ला राज्य खिन देत्कान्ते गेल्बो ईन। खुई खित्च्येते काम गाङे लेमुतेकामा ईन।
थेकी थोक सानामेई से खिताप सिन ङा थे दूतकी काम्बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्वरला च्योक खाला से माकेत। येशू सु ईन्दे, थेकी च्यि खिते सिन लोप्कान्ते खोत्ताङ खुई आज्यो न्वाओन च्योकराङ ङाङ परमेश्वर काम खित्कान्तेकामा ईन। थोगी परमेश्वरलाकामा छ्ये जो। येशू सु ईन्दे, थेकी च्यि खिते सिन लोप्च्येतेचेन परमेश्वर आत्मे छ्य्वापेई खित्च्येते ईन,” सिन सिदुक।
Sanasan