कलस्‍सी 3:12 - जिरेल

¹² परमेश्‍वरगी ख्‍योकोनला थे खोरोङ सन्‍तान सिन छाने खाईन ख्‍योकोन सेम खुदुक जोबा ओत, थेकी ख्‍योकोनला आउदी खाला ङिङज्‍ये खिओ। ख्‍योकोन बात दोक ईन्‍देकी ख्‍योकोनगी चुक चुक खिता फाप्‍कीते सासीन पीर फापा ओतातेबाला पीर माकेत सिन सिरा फाप्‍क्‍यो, ज्‍येनगी दुक्‍पाला ता फाप्‍क्‍यो, ङा ङाराङ ईन सिराच्‍योक खिता मेङगो, गाङेताङ खा छ्येत लेमु खिता फाप्‍क्‍यो, होत्ताराङ स्‍येदाङ खिता मेङगो,

कलस्‍सी 3:12 Iomraidhean Croise

मत्ती 24:22

थे खोरोङ सन्‍तान सिन छाने खाबाते मिओनगी थे दुक्‍पा खपे खिन देता माफाप्‍स्‍यीत सिन परमेश्‍वरगी थोक दुक्‍पा ओङच्‍येते दिन घटे खाबा ओत। थोक माक्‍याबा ईन्‍सीन थेजीन सुङ मि सोन्‍ला देता मुथुबो।

मत्ती 24:24

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

मत्ती 24:31

थेरूई बिकुल फुबाते जोदाज्‍यीक ङोरो थोक्‍यो। थेमे ङा ङे दूतओनला गाङेपा ताङला ङाराङगी छाने खाबाते मिओनला पृथ्‍वी सुर स्‍यीकारपेकी रूला खुलाङ ज्‍युत्‍क्‍यो।

मर्कूस 13:20

थे खोरोङ सन्‍तान सिन छाने खाबाते मिओनगी थे दुक्‍पा खपे खिन देता माफाप्‍स्‍यीत सिन प्रभु परमेश्‍वरगी थोक दुक्‍पा ओङच्‍येते दिन घटे खाबा ओत। थोक माक्‍याबा ईन्‍सीन थेजीन सुङ मि सोन्‍ला देता मुथुबो।

मर्कूस 13:22

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

मर्कूस 13:27

थेरूई ङा ङाराङ दूतओनला गाङेपा ताङला ङाराङगी छाने खाबाते मिओनला पृथ्‍वी सुर स्‍यीकारपेकी रूला खुलाङ ज्‍युत्‍क्‍यो।

लूका 1:78

परमेश्‍वर साँच्‍चीराङ आउदी दया खित्‍कान्‍ते ईन। था थेकी मुन्‍दाकदुकी डेल्‍कान्‍तेला स्‍वर्गनेकी ङुरूङ ओत्‍सामा तोङगो। थे देमा वानामेईचेन ङीमा स्‍यारा च्‍योकराङ ओङगो।

लूका 18:7

थोक्‍ते न्‍यायाधीशकीनी न्‍याय खाईन बिन्‍सुङ सासीन च्‍यि थे खोरोङगी छाने खाबाते मिओनगी दुक्‍पादुकी टाल्‍ला नाङ सिन ङीन नुप प्रार्थना खित्‍जीन परमेश्‍वर नामज्‍योकराङ मेसेता खाला देत्‍क्‍योतरो? ना थेकी गु च्‍युत्‍ला च्‍युत्‍लाकामा थेबेकी खाबाते बिन्‍ती ङेन्‍ग्‍यो सिराच्‍योक लाङगीका?

रोमी 1:7

दोक खाईन परमेश्‍वरगी ङिङज्‍ये खाईन थे खोरोङ सन्‍तान ईन सिन छाने खाबाते रोम सारदु ओताते ख्‍योकोन गाङेला ङुरूङ आबा परमेश्‍वरताङ प्रभु येशू ख्रीष्‍टकी दया खाला लेमु खिनराङ देत्‍स्‍यीत।

रोमी 13:14

खेराङला जे जे खिता सेम लाङगीदुक थे थेराङ माकेत। दाक्‍पोन खुशीला ख्‍याम्‍बा लेमु मेन साला बरू ख्‍योकोनगी जे खासीनोङ प्रभु येशू ख्रीष्‍टकी खित ज्‍युता चाला च्‍योक्‍तेकामा खि।

रोमी 9:11

थेबा ङिबोकी लेमुताङ मेलेबा छ्याःङ काम माक्‍याबाला थेबा क्‍या भन्‍दा गोमाराङ परमेश्‍वरगी रिबेकाला “आज्‍योतेकीका न्‍वातेला मान खिता फाप्‍क्‍यो,” सिन साबा ओतान। परमेश्‍वरगी सुइँदाला थे खोरोङ दोन्‍दु स्‍योक सिन छाने खित्‍जीन मिकी खाबाते लेमुताङ मेलेबा काम ताला मेन, थे खोरोङला छाने खिता सेम लाबातेला छाने खिओ सिन तेन्‍दालाराङ थेकी थेबा ङिबो नाङ न्‍वातेला थोक खाईन छाने खाबा ओतान।

१ कोरिन्‍थी 13:4

ज्‍येनला ङिङज्‍ये खित्‍कान्‍ते मिचेन दाक्‍पोनला मेलेबा खासीनोङ खाराक्‍पाराङ देत्‍क्‍यो, थेकी ज्‍येनला दया खिओ, ज्‍येनगीते साबा च्‍योक ओङा थोङला डार मिक्‍किओ, ज्‍येनताङ सेखी मिक्‍किओ थेमे ङा छेतते सुङ मेन सिराच्‍योक खित्‍च्‍येतेङ मिक्‍किओ।

२ कोरिन्‍थी 6:6

ङ्योकोन मेलेबा काम सिराते छ्याःङ मिक्‍किओ। परमेश्‍वरगी ङ्योकोनला थे खोरोङ बाततेबा लेमु खाईन छ्या स्‍ये च्‍युता ओत। ङ्योकोन सेम मेसेता खाला काम खिओ, ज्‍येनला दया खिओ, परमेश्‍वर आत्‍मेकी खि साबाते कामकामा खिओ थेमे खेकीकामा मेन्‍देकी ङ्योकोन ज्‍येनला पक्‍काराङ खाला ङिङज्‍ये खिओ।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

एफिसी 1:4

च्‍यि सासीन थे खोरोङ दोन्‍दु सेम खुदुक गालाते थेमे छ्याःङ गल्‍ती मेताते मि ओङस्‍यीत सिन ख्रीष्‍टकी खित्‍सादु थेकी ङुरूङला दि सा नाम ज्‍वा भन्‍दा गोमाराङ छाने खाबा ओतान। ङुरूङला ङिङज्‍ये खाईन

एफिसी 4:2

च्‍यि सासीन ख्‍योकोनगी नोमुङ ङा ङाराङ ईन सिराच्‍योक माकेत, गाङेताङ खा छ्येत लेमु खि, होत्ताराङ स्‍येदाङ माकेत थेमे दोक्‍पोईकी ज्‍येनज्‍यीकला ङिङज्‍ये खिन सुङताङ होपकी जोप मिक्‍किता खाला बरू सै खाला देत।

एफिसी 4:24

थेमे गोमे मेलेबा बानीतेबा ताङला लेमु कामताङ बात खि। ख्‍योकोन बानी थे खोरोङते च्‍योकराङ ओङस्‍यीत सिन ख्‍योकोन बानी लेमु जोकान्‍ते परमेश्‍वरराङ ईन। थेकी थोक खिन ओतेकी ख्‍योकोनगी थेकी खि साबा साबाच्‍योक खिता थुप्‍क्‍यो थेमे थेला मन परे खित्‍च्‍येते कामताङ बात खिता थुप्‍क्‍यो।

एफिसी 4:32

बरू दोक्‍पोईकी ज्‍येनज्‍यीकला ङिङज्‍ये खाला दुक्‍पाला तो। थेमे ख्रीष्‍टकी खाबाते कामगी खित्‍सादु परमेश्‍वरगी खेराङ पाप माफ बिन्‍दा च्‍योकराङ खाला ख्‍योकोनगीङ दाक्‍पोनला मेलेबा खित्‍कानला माफ बिन।

फिलिप्‍पी 1:8

येशू ख्रीष्‍टकी ङुरूङला खिता च्‍योकराङ ङाङ ख्‍योकोनला आउदी ङिङज्‍ये खिओ। ङाला ख्‍योकोनला नामराङ ठेदोङा सिराच्‍योक लाबा ओत। दि बात ङे खेकीकामा साबाते मेन सिन परमेश्‍वरला छ्या ओत।

कलस्‍सी 3:10

खेराङ बानी खुदुक गाल्‍गीन लेमु कामताङ बात खिताला स्‍यूबा ओत। परमेश्‍वरगीराङ ख्‍योकोन बानी दोक लेमु जोबाते ईन। थे खोरोङ चुक्‍ते ईन्‍दाका सिन झन लेमु खाला छ्या स्‍येस्‍यीत थेमे थे खोरोङ च्‍योकराङ लेमु डुइन डोरस्‍यीत सिन परमेश्‍वरगी ख्‍योकोन बानी झन झन लेमु जोइन ओत।

१ थिस्‍सलोनिकी 5:15

सुइँदेकी सुइँदाला मेलेबा खासीन थेलाङ थोकराङ खाला स्‍येदाङ सेता मेङगो। ख्‍योकोन सुङगीङ थोक माकेत। दाक्‍पोन नाङ ईन्‍स्‍यीत, ज्‍येन मि नाङ ईन्‍स्‍यीत चुक खित्‍जीन गाङेला लेमु ओङगीका थे छ्य्‌वापाकामा स्‍येत खि।

२ तिमोथी 1:9

थेकीराङ ङुरूङला पापकी सजायदुकी टाल्‍गीन बिन्‍दा ओत। थेमे ङुरूङ सेम खुदुक गाल्‍ला मेलेबाते कामताङ बात सिराते छ्याःङ मिक्‍किस्‍यीत सिन थे खोरोङ दोन्‍दु स्‍योक सिन काताङा ओत। थेकी थोक खाबाते ङुरूङगी थेकी खि साबा साबाच्‍योक खाईन लेमु काम खाबेकी खित्‍सादु मेन, बरू थे खोरोङ दयेकी ङुरूङला थोक खिता चालेकी खित्‍सादुकामा ईन। येशू ख्रीष्‍ट छ्य्‌वापेकी ङुरूङ लाईदु दोक खिओ सिन थेकी दि सा नाम ज्‍वा भन्‍दा गोमाकाराङ टुङ्गो खाबा ओतान।

२ तिमोथी 2:10

दोक ईन्‍देकी परमेश्‍वरगी थे खोरोङ मि सिन छाने खाबाते मिओनला लेमु ओङस्‍यीत सिनराङ ङा जस्‍तो दुक्‍पाङ भोगे खिओ। येशू ख्रीष्‍टकी थेबालाङ पूरो खाला पापदुकी डेल्‍स्‍यीत थेमे सधैँ परमेश्‍वरताङ स्‍वर्गने देता ङेत्‍स्‍यीत सिनराङ ङा दोक खिओ।

तीतस 1:1

दि चिट्ठी टिक्‍कान्‍ते ङा पावल ईन। ङा परमेश्‍वर काम खित्‍कान्‍ते मि ईन। थेमे ङा येशू ख्रीष्‍टकी खटे खाबाते मिङ ईन। परमेश्‍वरगी थे खोरोङ मि सिन छाने खाबाते मिओनगी झन लेमु खाला थेला विश्‍वास खिता थुप्‍स्‍यीत थेमे सत्‍यते बात लेमु खाला छ्या स्‍येला झन थेला लेमु खाला माने खिता थुप्‍स्‍यीत सिन थेबाला लाप्‍ला कोत्‍ला तेरच्‍येते जिम्‍मा ङाला बिन्‍दा ओत।

१ पत्रुस 1:2

थे खोरोङगी गोमामेई खिता चाला च्‍योकराङ खाईन आबा परमेश्‍वरगी ख्‍योकोनला थे खोरोङ मि सिन छाने खाबा ओत। ख्‍योकोनगी येशू ख्रीष्‍टकी खि साबा साबा ङेन्‍स्‍यीत सिन परमेश्‍वर आत्‍मेकी ख्‍योकोन सेम खुदुक जोबा ओत। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु ख्‍योकोन पाप माफ ओङा ओत। आबा परमेश्‍वरताङ प्रभु येशू ख्रीष्‍टकी ख्‍योकोनला झन झन दया खाला लेमु खिनराङ देत्‍स्‍यीत।

२ पत्रुस 1:10

थोगी आज्‍यो न्‍वावे, परमेश्‍वरगी खेराङला छाने खाईन थे खोरोङ दोन्‍दु स्‍योक सिन काताङाते पक्‍काराङ ईन सिन छ्या स्‍येबाला ख्‍योकोनगी ङे थाल्‍लासाक साबाच्‍योक खिनराङ देत। दोक खिन देत्‍सीन ख्‍योकोनगी मेलेबा काम मिक्‍किओ।

१ यूहन्‍ना 4:19

गोमा परमेश्‍वरगी ङुरूङला ङिङज्‍ये खासुङ। थोगी ङुरूङ दोक्‍पोईकी ज्‍येनज्‍यीकला ङिङज्‍ये खिओ।

२ यूहन्‍ना 1:13

परमेश्‍वरगी छाने खाबाते खुई नुमु फुज्‍युङ फुमुकी खोल्‍ला नमस्‍ते ओत्‍लो।

छ्या स्‍ये च्‍युताते बात 17:14

थेबा गाङेराङ ङ्योम्‍बुराङ डिक्‍ला लुई रीउताङ लडाइँ खिओ। लडाइँ खित्‍जीन लुई रीउकी थेबाला ग्‍याल्‍ग्‍यो। च्‍यिला सासीन लुई रीउचेन गाङे छ्येतेबेतेङ छ्येते थेमे गेल्‍बोओनतेङ गेल्‍बो ईन। परमेश्‍वरगी थे खोरोङ दोन्‍दु स्‍योक सिन काताङाते मिओनचेन लुई रीउताङ ङ्योम्‍बु देत्‍क्‍यो। थेबाचेन परमेश्‍वरगी छाने खाबाते थेमे जस्‍तो ओङसीनोङ थेला विश्‍वास खिन देत्‍कान्‍ते मिओन ईन,” सिन सिदुक।