कलस्‍सी 3:11 - जिरेल

¹¹ थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।

कलस्‍सी 3:11 Iomraidhean Croise

यूहन्‍ना 14:23

थोक सिरजीन थेकी “ङाला ङिङज्‍ये खित्‍कान्‍ते मिकी ङे लापाते बात ङेन्‍ग्‍यो। थोक्‍ते मिला आबेकी ङिङज्‍ये खिओ। थेमे आबाताङ ङा वाला थोक्‍ते मि सेमदुराङ देत्‍क्‍यो।

यूहन्‍ना 15:5

अंगूर दोङबो ङा ईन। ख्‍योकोनचेन थे हाँगाओन ईन। ङात्ताङ डिक्‍लाराङ देत्‍कान्‍ते मित्ताङचेन ङाङ डिक्‍लाराङ देत्‍क्‍यो। थेमे अंगूर काल्‍बेई गोन्‍दाच्‍योक खाला होथोक्‍ते मिकीराङ लेमु लेमु कामकामा खिता थुप्‍क्‍यो। ङात्ताङ ठाल्‍ला ख्‍योकोनगी छ्याःङ कामोङ खिता मुथुबो।

यूहन्‍ना 17:23

ङा दिबे सेमगी नाङ देत्‍च्‍येते ईन्‍देकी थेमे खोत्ताङ ङा दोक्‍पोईराङ ईन्‍देकी दिबा गाङेराङ जहिलेङ सेमज्‍यीकराङ खाला डिक्‍ला देत्‍स्‍यीत। दोक ओङनामेई ङाला खुईराङ ताङाते ईन थेमे खुई ङाला ङिङज्‍ये खाबा च्‍योकराङ खाईन दिबालाङ ङिङज्‍ये खित्‍च्‍याक्‍वा सिन दि सा लुङबे मिओनगी छ्या स्‍येक्‍यो।

शक्ति काम 15:17

थेमे बाँकी ओताते मिओनताङ ङे ङाराङ मि ईन सिन साबाते ज्‍येन ज्‍येन जातकी मिङ ङे छ्य्‌वापा लै खित्‍च्‍येते लाम चाल्‍ला ओङगो।

शक्ति काम 28:2

थे बेलाला छ्यार्बा देइन ओतान। थेमे आउदी खेबा ओतान। थेरू मिओनगी मे फुकीन ङ्योकोनला मे दाप्‍ला काताङगीन आउदी लेमु खासुङ।

शक्ति काम 28:4

थेला थोक खाईन रूलगी त्‍वाकीन रूल लाःक्‍तुराङ खाल्‍गीन देता थोङगीन थेरू मिओनगी खोपरोङ नाङ “ला दि मि साँच्‍चीराङ ज्‍यानमारा ईन्‍दा च्‍यिन्‍दा। आनाङका समुन्‍द्रदुई थारगीन वासीनोङ सजायदुकी दि थारच्‍या मायाङसुङ,” सिन बात खासुङ।

रोमी 1:14

ग्रीक ईन्‍स्‍यीत, थेबा छेत काल्‍बा बात छ्या मेस्‍येकान्‍ते मि ईन्‍स्‍यीत, पढे खाबाते मि ईन्‍स्‍यीत, पढे माक्‍याबाते ईन्‍स्‍यीत छ्ये टेक्‍टे गाङेला ङे गा लाङच्‍येते बात लोपाराङ फाप्‍क्‍यो।

रोमी 10:12

होदि बातओन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत मि गाङे लाईदु ईन। परमेश्‍वर दोन्‍दु मि गाङे थोजोराङ ईन। थेमे थेबा गाङेते मालिकचेन प्रभु येशू ख्रीष्‍टराङ ईन। थे खोरोङ छ्य्‌वापा लै खाला थेला मद्धत नाङ सिरकान गाङेला थेकी आउदी खाला आशी बिन्‍ला लेमु खिओ।

रोमी 3:22

थाचेन जोराङ ईन्‍सीनोङ येशू ख्रीष्‍टला विश्‍वास खित्‍कान्‍ते मि गाङेला परमेश्‍वरगी दोषी मेन सिओ। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वर दोन्‍दु गाङे थोजोराङ ईन।

रोमी 3:29

च्‍यिला सासीन परमेश्‍वर यहूदीतेकामा मेन्‍देकी ज्‍येन ज्‍येन जातकी मितेङ ईन।

१ कोरिन्‍थी 12:13

यहूदी ईन्‍सीनोङ, ग्रीक ईन्‍सीनोङ, योक्‍पो योङमु ईन्‍सीनोङ, ज्‍येन ईन्‍सीनोङ बप्‍तिस्‍मा लानामेई ङुरूङ गाङेराङ जीउज्‍यीकराङ ओङा ओत। थेमे ङुरूङ गाङेकी परमेश्‍वर आत्‍माज्‍यीकराङ ङेता ओत।

१ कोरिन्‍थी 14:11

सुइँदेकी ङात्ताङ बात खित्‍जीन थेकी खाबाते बात ङे माखोसुङ सासीन थेकी ङात्ताङ बात खिता मुथुबो, ङेङ थेत्ताङ बात खिता मुथुबो।

१ कोरिन्‍थी 7:19

जीउला खतकी चिनु जोच्‍येतेताङ मोजोच्‍येते छ्येते बात छ्याःङ मेन। छ्येते बातनी परमेश्‍वरगी खि साबा साबा खित्‍च्‍येतेराङ ईन।

गलाती 2:20

चुक खाईन सासीन ख्रीष्‍टला स्‍यिङगी थामला टाँए खाला सेत्‍जीन ङाङ थेत्ताङराङ थे थामला टाँए खाईन स्‍याप्‍ते ईन। ङा थोक खाईन स्‍याप ईन्‍सीनोङ थोरूमसाक सोम्‍बोराङ ओत। ङाराङ सोम्‍बो ओत्‍सीनोङ थरिङोला ङे जे खिदुक थे ङे खित्‍च्‍येते मेन, ख्रीष्‍ट ङे सेमगी नाङ ओतेकी ङे च्‍यि च्‍यि खिका गाङे थेकीराङ खित ज्‍युत्‍च्‍येते ईन। मास्‍यिथुप था ङा परमेश्‍वर फुज्‍युङला विश्‍वास खिन देत्‍ला थेकी खित ज्‍युता चाला च्‍योककामा खिन देत्‍क्‍यो। थेकी ङाला ङिङज्‍ये खाईन ङे लाईदु थे खोरोङ ज्‍यानराङ बिन्‍गीन स्‍या ओतान।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

एफिसी 1:23

थेमे थे मिओनचेन थे जीउ च्‍योक ओङसुङ। थे खोरोङ मिओनला गोच्‍येते जति तेरकान्‍ते थेमे सा नाम खाङ खापा चुक ओङा फाप्‍च्‍येते ईन्‍दे थोकराङ ओङ च्‍युत्‍ला गाङेपा गाङेला राज्‍य खित्‍कान्‍तेङ ख्रीष्‍टराङ ईन।

एफिसी 2:14

च्‍यिला सासीन ङुरूङ गाङेला डिक्‍पा खाला तेरकान्‍ते ख्रीष्‍टराङ ईन। ख्‍योकोन ज्‍येन ज्‍येन जातकी मित्ताङ ङ्योकोन इस्राएली फारदु ओताते मिडिक्‍च्‍येते बात तोर च्‍युत्‍कीन थेकी ङुरूङ गाङेला डिक्‍पा खाईन बिन्‍गीन जातज्‍यीगी मिराङ जोसुङ।

एफिसी 2:15

चुक खाईन सासीन ख्रीष्‍टकी थे खोरोङ ज्‍यान बिन्‍गीन स्‍यिइन ङ्योकोन इस्राएलीला दोक खि, थोक माकेत सिन बिन्‍दाते परमेश्‍वर नियम काम लै मिक्‍किच्‍या जोसुङ। थे नियमचेन ङुरूङ फारदु मिडिक्‍च्‍येते बात ओतान। दोक खाईन थेकी गोमा खुदुक खुदुक जात ओताते मि ङुरूङला थे खोरोङताङराङ डिक्‍पा खाईन जातज्‍यीगी मिराङ जोसुङ।

एफिसी 3:17

थेमे थेला विश्‍वास खाबेकी खित्‍सादु ख्‍योकोन सेमगी नाङ ख्रीष्‍ट देत्‍स्‍यीत सिन प्रार्थना खिओ। थेमे ख्रीष्‍ट ङुरूङला थोई ङिङज्‍ये खित्‍कान्‍ते ईन्‍दे सिन नोमुङ टोक मेज्‍येता खाला जहिलेङ ख्‍योकोनगी ज्‍येनला ङिङज्‍ये खिन देता थुप्‍स्‍यीत।

एफिसी 3:6

थे बातचेन दिराङ ईन। च्‍यि सासीन येशू ख्रीष्‍टकी खाबाते कामगी खित्‍सादु थाचेन परमेश्‍वरगी ज्‍येन ज्‍येन जातकी मिलाङ थे खोरोङगी छाने खाबाते इस्राएलीओनला तेरच्‍येते जति गाङे तेरच्‍या ओङा ओत, थेबालाङ ज्‍येन गाङेताङ डिक्‍पा खाईन जीउज्‍यीकराङ जोबा ओत थेमे गोमा थेकी थे खोरोङ मिओनताङ लेमु खिओ सिन जमान खाबा ओताते जति गाङे थेबे लाईदुङ खाला तेरच्‍या ओङा ओत। दि बाततेबा थेबाला लोप्‍च्‍येते गा लाङच्‍येते बातला साबा ओत।

एफिसी 6:8

योक्‍पो योङमु ईन्‍स्‍यीत, मालिक ईन्‍स्‍यीत जोराङ ईन्‍सीनोङ लेमु काम खित्‍कानलाचेन तिरी प्रभु ख्रीष्‍टकी इनाम तेरग्‍यो सिन ख्‍योकोनला छ्याराङ ओत।

कलस्‍सी 2:10

थेमे ख्रीष्‍टकी खित्‍सादुराङ ख्‍योकोनगी परमेश्‍वरगी तेरच्‍येते साम्‍बाते जुनी ङेत्‍कीन खेराङला गोच्‍येते जति गाङे ङेता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे ख्रीष्‍टकी अधीनला ओत। होदिबा गाङे भन्‍दा छ्येतेचेन थेराङ ईन।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।

२ यूहन्‍ना 1:9

ख्रीष्‍टकी लापाते बातकी लाक्‍तुङ ज्‍येन बात ङेन्‍दा छोल्‍कानगीचेन थेकी लापाते बात ङेन्‍दा तोङगो थेमे होथोक्‍ते मित्ताङचेन परमेश्‍वर ङ्योम्‍बु मेदेदो। ख्रीष्‍टकी लापाते बात ङेन्‍गीन देत्‍कान्‍ते मित्ताङचेन आबा परमेश्‍वर थेमे थे फुज्‍युङ ङ्योम्‍बुराङ देत्‍क्‍यो।