कलस्‍सी 3:1 - जिरेल

¹ परमेश्‍वरगी ख्‍योकोनला ख्रीष्‍टताङराङ सोम्‍बो लोगीन साम्‍बाते जुनी बिन्‍दा ओत। थोगी था ख्‍योकोनगी स्‍वर्गने सु ओते, चुक चुक ओङगीते सिन थेने बात विचार खि। स्‍वर्गनेचेन ख्रीष्‍ट ओत, थे थेने परमेश्‍वर सामे छ्य्‌वापा देता ओत सिन टोक माज्‍येत।

कलस्‍सी 3:1 Iomraidhean Croise

मत्ती 22:44

च्‍यिला सासीन दाऊद खोरोङगीराङ दोक सिन साबा ओत। चुक सासीन ‘प्रभु परमेश्‍वरगी ङे प्रभुला ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,’ सिन साबाते बात टिबा ओत।

मत्ती 26:64

थेमे येशूकी “ईन, ङा खुई साबाच्‍योक थेराङ ईन। था ङा ख्‍योकोन गाङेला च्‍यि सिते सासीन थानामेकीचेन ख्‍योकोनगी परमेश्‍वर ओत्‍सादुई वाबाते मि ङाला छ्येज्‍यीक शक्ति ओताते परमेश्‍वर सामे छ्य्‌वापा देताते थेमे था तिरी स्‍वर्गनेकी मुक्‍पे लाक्‍तु देत्‍ला दुरू ग्‍युरगीन वाबातेङ थोङगो,” सिन सिदुक।

मत्ती 6:20

दुरू सम्‍पत्ति सोक्‍पा साटोला बरू ख्‍योकोनगी स्‍वर्गने दाक्‍पोन मिनला सम्‍पत्ति सोक्‍च्‍येते खि। स्‍वर्गे सम्‍पत्तिचेन दुरूते च्‍योक बुईकी मास्‍साओ, चा माछ्याओ, खिये खाला मोन्‍डोओ थेमे चोरगीङ क्‍वा मुथुबो।

मत्ती 6:33

थोगी ख्‍योकोनगी पीर खिते साटोला खेराङ सेम पूरो खाला परमेश्‍वर राज्‍य छ्य्‌वापा लै खि। थेमे थेकी साबा साबाच्‍योक खि। थोक खासीनराङ ख्‍योकोनला गोच्‍येते जति गाङे परमेश्‍वरगी तेरग्‍यो।

मर्कूस 12:36

च्‍यिला सासीन ख्रीष्‍टकी विषयला बात खित्‍जीन परमेश्‍वर आत्‍मे छ्य्‌वापेई गेल्‍बो दाऊद खोरोङगीराङ दोक सिन टिबा ओत। चुक सासीन ‘प्रभु परमेश्‍वरगी ङे प्रभुला ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,’ सिन साबाते बात टिबा ओत।

मर्कूस 14:62

थेमे येशूकी “ईन, ङा थेराङ ईन। थानामेकीचेन ख्‍योकोनगी परमेश्‍वर ओत्‍सादुई वाबाते मि ङाला छ्येज्‍यीक शक्ति ओताते परमेश्‍वर सामे छ्य्‌वापा देताते थेमे था तिरी स्‍वर्गनेकी मुक्‍पे लाक्‍तु देत्‍ला दुरू ग्‍युरगीन वाबातेङ थोङगो,” सिन सिदुक।

मर्कूस 16:19

थोक खाईन चेलातेबाताङ बात खाईन सिन्‍नामेकी प्रभु येशूला परमेश्‍वरगी स्‍वर्गने खेरसुङ। थेचेन परमेश्‍वर सामे छ्य्‌वापा देता ओत।

लूका 12:33

खेराङताङ ओताते सम्‍पत्ति च्‍वाला दुक्‍पा ङेताते मिओनला गोला बिन। दुरू सम्‍पत्ति सोक्‍पा साटोला ख्‍योकोनगी स्‍वर्गने दाक्‍पोन मिनला सम्‍पत्ति स्‍वा। स्‍वर्गे सम्‍पत्तिचेन दुरूते च्‍योक घटेङ मिक्‍किओ, चोरगीङ क्‍वा मुथुबो थेमे बुईकीङ मास्‍साओ।

लूका 20:42

च्‍यिला सासीन ख्रीष्‍टकी विषयला बात खित्‍जीन भजन किताबला गेल्‍बो दाऊद खोरोङगीराङ दोक सिन टिबा ओत। चुक सासीन ‘प्रभु परमेश्‍वरगी ङे प्रभुला ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,’ सिन साबाते बात टिबा ओत।

लूका 22:69

ङा ख्‍योकोनला च्‍यि सिते सासीन थानामेकीचेन परमेश्‍वर ओत्‍सादुई वाबाते मि ङा छ्येज्‍यीक शक्ति ओताते परमेश्‍वर सामे छ्य्‌वापा देत्‍क्‍यो,” सिन सिदुक।

शक्ति काम 2:34

दाऊद गेल्‍बो खोरोङचेन येशू च्‍योकराङ स्‍यिसादुकी सोम्‍बो लोगीन स्‍वर्गने गालाते मेन। थेकीनी येशूला ओङच्‍येते बातका गोमाकाराङ दोक सिन साबा ओतान। चुक सासीन ‘प्रभु परमेश्‍वरगी ङे प्रभुला ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,’ सिन साबा ओतान।

शक्ति काम 7:55

स्‍तिफनसचेन परमेश्‍वर आत्‍मेकी खाङा ओतेकी नामने ताजीन थेकी स्‍वर्गने परमेश्‍वर फेरोला मिगी ताराङ मुथुप्‍च्‍या झिलिमिली नाम्‍दाक थोङसुङ। येशूङ परमेश्‍वर सामे छ्य्‌वापा लाकीन देता ओता थोङसुङ।

रोमी 8:34

थोकराङ खाला था सुङगीङ थेबाला सजाय मेतेरो। च्‍यिला सासीन येशू ख्रीष्‍ट थेबे लाईदु स्‍यिइन सिन्‍दा ओत। थे थोक खाईन स्‍याप्‍तेकामा मेन, स्‍यिसादुकी समेदोङ सोम्‍बो लोगीन थानी परमेश्‍वर सामे छ्य्‌वापा देता ओत। थेमे थेरू देत्‍ला थेकी ङुरूङ लाईदु थेत्ताङ बात खाला तेरग्‍यो।

रोमी 8:6

दाक्‍पोन खुशीला ख्‍याम्‍कान्‍ते मिचेन थोक खाबेकी खित्‍सादु सजाय ङेत्‍ला स्‍यिइओ। परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो। थेमे सेमला ढुक्‍क लोङगो।

२ कोरिन्‍थी 4:18

थोगी ङ्योकोनचेन थरिङोला ओङगीन ओताते होदोक्‍ते बातला मेन, था तिरी ओङच्‍येते होथोक्‍ते लेमुते बातकी विचारकामा खाला देत्‍क्‍यो। च्‍यिला सासीन थरिङोला ओङगीन ओताते मिकी थोङा थुप्‍च्‍येते होदोक्‍ते पीरताङ दुक्‍पा ङीमाई गाङे सिन्‍ला तोरला डुइओ। तर थोरूमसाक सुङगीङ थोङा मेताते तिरी परमेश्‍वरगी तेरच्‍येतेचेन नोमुङ सिन्‍ला तोरला मोन्‍डोओ।

एफिसी 4:10

थे स्‍वर्गनेकी देमा वाकीन थेनेराङ ग्‍युरगीन स्‍वर्ग भन्‍दाङ तेङने गाल्‍गीन सा नाम खाङ खापा चुक ओङा फाप्‍च्‍येते ईन्‍दे थोकराङ ओङ च्‍युत्‍ला गाङेपा गाङेला राज्‍य खिन ओत।

एफिसी 5:22

थेमे फेम्‍मे मिवे, प्रभु ख्रीष्‍टला मान खिन थेकी साबाते ङेन्‍दा च्‍योकराङ खाला ख्‍योकोनगी दाक्‍पोन ख्‍योबोलाङ मान खिन थेबे अधीनला देत।

कलस्‍सी 2:20

ख्‍योकोन ख्रीष्‍टताङ स्‍याप्‍ते मि ईन, मेनरो? थोक ईन्‍सीनोङ ख्‍योकोन च्‍यिला दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति माने खिता फाप्‍क्‍यो सिराच्‍योक खिते? दोक्‍ते रीतिथिति था छ्याःङ माने खिता माफाबो।

कलस्‍सी 3:2

ख्‍योकोनगी दि सा लुङबे मिओनगी खिताच्‍योक खिता माछोल। बरू स्‍वर्गने देत्‍कानताङ थेने चुक चुक ओङगीते सिन विचार खाला थेने खित्‍च्‍येते च्‍योक्‍ते कामताङ बात खित्‍च्‍ये छ्य्‌वापा सेम लै खि।

हिब्रू 1:13

थे खोरोङ दूतओन नाङ परमेश्‍वरगी सुङलाङ नोमुङ “ङे खुई शत्रुओनला ग्‍याल्‍गीन खुई तिङबे ओक्‍तु माज्‍याकथुप खो दुरू स्‍योक, ङे सामे छ्य्‌वापा देत,” सिन साबा मेत।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

हिब्रू 10:12

तर येशू ख्रीष्‍टकीचेन मि पाप गाङे पूरो खाला माफ तेराला बाजिईकामा थे खोरोङ ज्‍यान बिन्‍गीन स्‍यिसुङ। था थेकी लोक्‍ला दि काम नोमुङ खिता माफाबो। दोक खाईन स्‍यिइन थेचेन परमेश्‍वर सामे छ्य्‌वापा गाल्‍गीन देता ओत।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 8:1

था छ्येते बातचेन दिराङ ईन। च्‍यि सासीन ङुरूङते गाङे भन्‍दा छ्येते पूजारी चुक छ्ये ईन्‍दे सासीन थेनी स्‍वर्गने छ्येज्‍यीक शक्ति ओताते परमेश्‍वर देत्‍च्‍येते सिंहासन सामे छ्य्‌वापा देता ओत।

१ पत्रुस 3:22

थेचेन थरिङोला स्‍वर्गने गाल्‍गीन परमेश्‍वर सामे छ्य्‌वापा देता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे थे अधीनलाराङ ओत।