कलस्सी 2:8 - जिरेल8 ख्योकोन च्याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्च्येते बातनी छ्याःङ काम लै मिक्किच्येते ईनराङ मेन्दे बात ईन। थोक्ते बातनी दि सा लुङबा खाङ मिओनगी खोपरोङ ज्युज्यु पुर्खे पालोमेई माने खिन वाबाते रीतिथिति बातकामा ईन। थोक्ते बात ख्रीष्ट सु ईन्दे, चुक्ते ईन्दे सिरच्येते बातताङ बान्दा मिडिगो। Faic an caibideil |
कलस्सी 2:8
38 Iomraidhean Croise
थे मि रूक्सादु इपिक्युरीताङ स्तोइकी सिरातेन्दे पाटी गुरूओनोङ ओतान। पावलगी लापाते येशू बात थेमे स्यिनामेकी याङराङ सोम्बो लोइओ सिरच्येते बात थोजीन थेत्ताङ छलफल खिन थेबे नाङ लालेकी “दि फतफते बादोङ च्यि ङेन्च्ये?” सिन सासुङ। लालेकीचेन “दिकी ज्येन लुङबे ल्हे बात खित्च्या ईन्दा च्यिन्दा,” सिन सासुङ।
आज्यो न्वावे, था थोरूम बातज्यीक च्यि सासीन ओर्च्ये ख्योकोनगी खेराङ नाङ फाटो ओङ ज्युत्कान्ते थेमे खेराङला गोमाका लाप्कीन बिन्दाते गा लाङच्येते बातताङ मिडिक्च्येते बात लाप्ला अलमल्ल लोङकान्ते मिओन सु सु ईन्दाका सिन छ्या स्येला थेबाताङ च्याङबो खि। थोक्ते मिओनताङचेन ख्योकोनगी साङराङ माकेत।
दोक खाला परमेश्वर सु ईन्दे, चुक्ते ईन्दे सिन मिओनला छ्या स्ये ज्युता फाप्च्येते बातताङ मिडिक्च्येते बात खित्कानताङ जे बादोङ छ्या स्येक्यो सिराच्योक खिन छ्ये खित्कान्ते मिओन बात मेन्दे बात ईन सिन ङ्योकोन थेबे विरोध खिओ। खालि मि विचारकामा ईन्दाते परमेश्वर सु ईन्दे, चुक्ते ईन्दे सिन होथोक्ते मिओनगी सिरच्येते थोक्ते बात गाङे ठीक मेन सिन तेन्ला बिन्ला होथोक्ते बात खित्कानला ख्रीष्टकी खि साबाते बात ङेन सिन सिओ।
थाचेन ख्योकोनगी परमेश्वर सु ईन्दे, चुक्ते ईन्दे सिन लेमु खाईन छ्या स्येबा ओत। ख्योकोनगी थेला छ्या स्येबाते ईन सिरा भन्दाङ बरू परमेश्वर थे खोरोङगीराङका ख्योकोनला थे खोरोङ सु ईन्दे, चुक्ते ईन्दे सिन छ्या स्ये च्युत्कीन बिन्दाते ईन सिरा डिगीतासीन। बात दोक ईन्गीन ईन्गीनोङ परमेश्वरला माने खिता ताङगीन ख्योकोनगी चुक खाईन थाङबोमेई चले खिन वाबाते रीतिथिति लोक्ला माने खिताला स्यूबे? थोक खाला छ्याःङ फाइदा मेत्सीनोङ ख्योकोन च्यिला याङराङ स्याप स्याप खाला थे रीतिथिति माने खिता छोल्गीते?
थेमे परमेश्वरला माने खिताला बर्त देत्च्येतेताङ दुक्पा खाला खाला होदोक्ते काम काल्बेई खिता फाप्क्यो, परमेश्वर दूतओनलाङ माने खिता फाप्क्यो सिन सिरकान्ते मि सुङगीङ बात माङेन। थोक्ते मि बात ङेन्सीन ख्योकोनगी परमेश्वरगी तेरच्येते इनाम मेङेदो। होथोक सिरकान्ते मिओनगीचेन परमेश्वरगी ङ्योकोनला मिलाम खित ज्युताच्योक खासुङ, थेजीन ङ्योकोनगी दोक दोक थोङसुङ सिन सिओ। थेबे सेम लेमु मेतेकी थेबा होदोक्ते बात खिन छ्ये खिन ख्याम्ग्यो।
परमेश्वरला माने खित्जीन खोपरोङगी खि साबा च्योकराङ खाला माने खिता फाप्क्यो, बर्त देत्च्येतेताङ दुक्पा खाला खाला होदोक्ते काम काल्बेई खाला दाक्पोन जीउला दुक्पा तेरा फाप्क्यो सिन मिओनगी लोप्च्येते रीतिथिति बात पक्काराङ ईन्दाते माने खिता फाप्च्येते च्योक थोङगो। लेमु खाईन तासुङ सासीनचेन थोक्ते रीतिथिति माने खाला मि खुदुक मोन्डोओ, खिता मेङच्येते काम खित्च्येते बानी तोङा मुथुबो बरू झन छ्ये खाला दाक्पोन खुशी खिन ख्याम्ग्यो।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
बात दोक दोक ईन्देकी ङिङज्येते आज्यो न्वावे, होदोक्ते मेन्दे बात लोप्कान्ते मिओन ओङगो सिन ख्योकोनला छ्याराङ ओतेकी ख्योकोन च्याङबो खाला देत। दोक माक्यासीन खिता मेङच्या ङोचा लाङच्येते काम खित्कान्ते मिओनगी लोप्च्येते मेन्दा मेन्दे बात ङेन्ला ख्योकोनगी खेराङगी ङेन्गीन ओताते सत्यते बात ङेन्दा तोङगो।
Sanasan