कलस्‍सी 2:5 - जिरेल

⁵ ङा ख्‍योकोनताङ ङ्योम्‍बु मेत्‍सीनोङ ख्‍योकोनला चुक ओताका, च्‍यि खिन ओताका सिन आउदी खाला सम्‍झे खिओ। ख्‍योकोन डिगीन थुन्‍गीन देताते थेमे ख्रीष्‍टला विश्‍वास खिन देता ओताते बात सम्‍झे खित्‍जीनचेन ङाला गा लाङगीदुक।

कलस्‍सी 2:5 Iomraidhean Croise

शक्ति काम 2:42

येशूला विश्‍वास खित्‍कान्‍तेबेकी येशू ख्रीष्‍टकी खटे खाबाते मिओनगी लापाते बातओन लेमु खाला ङेन्‍गीन ओतान। थेबा ङ्योम्‍बुराङ डिक्‍ला देत्‍च्‍येते, प्रभु भोज साच्‍येते थेमे परमेश्‍वरला प्रार्थना खित्‍च्‍येते खिन ओतान।

शक्ति काम 20:21

यहूदी ईन्‍स्‍यीत, ग्रीक ईन्‍स्‍यीत ङे गाङेला ओर्च्‍ये ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि थेमे प्रभु येशूला विश्‍वास खि सिन साबा ओत। ङे दोक दोक खाबा ओतान सिन ख्‍योकोन गाङेला छ्याराङ ओत।

१ कोरिन्‍थी 11:34

थेमे सुइँदाला त्‍वाबा लाङगीदुक सासीन बरू थेकी खाम्‍बादुराङ साप सोला ग्‍युक। प्रभु भोज साप्‍ला जम्‍मा ओङे बेलालाचेन ख्‍योकोनगी खेराङ गोःनामा परमेश्‍वर सजाय माफाप्‍स्‍यीत सिन लेमु खाला विचार खाला थे भोज सो। थेमे थरिङ ङे माटिबाते बातओनचेन था ङाराङ थेपा लेप्‍नामेकीराङ ख्‍योकोनला सिरामीन।

१ कोरिन्‍थी 14:40

ख्‍योकोनगी जे खासीनोङ च्‍यि काम चुक खाला खिता फाप्‍कीते सिन छ्या स्‍येला ठीक ठीक खाला खि।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

१ कोरिन्‍थी 16:13

खेराङला छक्‍के खिता छोल्‍कानताङ च्‍याङबो खाला देत, प्रभु येशूला लेमु खाला विश्‍वास खिन देत, फिजा च्‍योक ज्‍यीबा माकेत बरू पाकोते मिकी च्‍योक खाला काम खि।

कलस्‍सी 2:1

ङा ख्‍योकोन लाईदु दोक खाला स्‍याप स्‍याप खाला काम खिन ओताते बात ख्‍योकोनगी छ्या स्‍येबा फाप्‍क्‍यो। ईन्‍दाका ख्‍योकोन लाईदुकामा मेन, लाओडिसिये सारदु ओताते थेमे थातासाक नोमुङ माठेताते ज्‍येनोङ येशू ख्रीष्‍ट मि गाङे लाईदु ङा दोक खाला दुक्‍पा खिन ओत।

१ थिस्‍सलोनिकी 2:17

आज्‍यो न्‍वावे, टिक्‍पी दिन ख्‍योकोनताङ ठाला फाप्‍जीन ङ्योकोनला आउदी पीर लासुङ। ईन्‍दाका ङ्योकोन थारीला ओत्‍सीनोङ ङ्योकोनगी ख्‍योकोनला टोक ज्‍येता मेत। ख्‍योकोनला ठेताप सिन ङ्योकोनगी टिक्‍पी टिक्‍पीराङ माक्‍या। नामराङ ख्‍योकोन छ्येत ता ङेदोङा सिराच्‍योक लाकीन थुपासम्‍म ङ्योकोन थेपा ओङा चालाप।

१ थिस्‍सलोनिकी 3:8

ख्‍योकोनगी थोक खाईन प्रभु येशूला विश्‍वास खिनराङ दुक सिन छ्या स्‍येनामेईचेन ख्‍योकोनगी चुक खाबाना सिन गोमा थोक ज्‍यीबा लाबा ओत्‍सीनोङ था ङ्योकोनला ढुक्‍क लासुङ।

हिब्रू 3:14

च्‍यिला सासीन स्‍याप छोमुसाकराङ ङुरूङगी परमेश्‍वरगी खिओ साबाच्‍योक पक्‍काराङ खिओ सिरच्‍येते बातला गोमा खाबा च्‍योकराङ छ्याःङ शंका मिक्‍किता खाला देता फाप्‍क्‍यो। दोक खाईन देत्‍सीन ख्रीष्‍टताङ डिक्‍ला ङुरूङगी थेकी ङेत्‍च्‍येते आशी ङेत्‍क्‍यो।

हिब्रू 6:19

दाक्‍पोनगी आश खाईन देताच्‍योक पक्‍काराङ ओङगो सिन छ्या ओतेकी दोक ओङगीता मेङता सिन ङुरूङ नोमुङ छ्याःङ ज्‍यीबा मिक्‍किता खाला देता थुप्‍क्‍यो। ङुरूङगी आश खाईन देता च्‍योकराङ खाला ङुरूङला परमेश्‍वर दोन्‍दु खेराला येशू गाङे भन्‍दा छ्येते पूजारी ओङगीन ङुरूङ भन्‍दा गोमाका पर्दे ल्‍हाकनापा परमेश्‍वर दोन्‍दु गाङे भन्‍दा छ्येते पूजारीकामा ड्वा ङेत्‍च्‍येते ठाउँदु गाल्‍गीन देता ओत। येशू मल्‍कीसेदेक च्‍योकराङ गाङे भन्‍दा छ्येते पूजारी ओङा ओत। थे सधैँभरि गाङे भन्‍दा छ्येते पूजारी ओङला देत्‍क्‍यो।

१ पत्रुस 5:9

शैतानगी जे सासीनोङ थे बात ङेनराङ माङेन, जति दुक्‍पा बिन्‍सीनोङ सेम मेसेता खाला देत थेमे येशू ख्रीष्‍टला विश्‍वास खिनराङ देत। दि सा लुङबा खाङ ओताते खेराङ आज्‍यो न्‍वाकीङ ख्‍योकोनगी च्‍योकराङ दुक्‍पा भोगे खिन देता ओत सिरच्‍येते बात टोक माज्‍येत।