कलस्‍सी 2:16 - जिरेल

¹⁶ बात दोक दोक ईन्‍देकी सुइँदेकी ख्‍योकोनला च्‍यिला दि सेइते, दि थुङगीते, च्‍यिला दि दि चाड माने मिक्‍किते, च्‍यिला औंसी माने मिक्‍किते, सन्‍चारी छोमु दि दि खि, दि दि माकेत सिरजीन ख्‍योकोनगी थोक्‍ते मि बातला नामज्‍योकराङ मासेत।

कलस्‍सी 2:16 Iomraidhean Croise

मत्ती 15:11

च्‍यि सासीन ङुरूङगी दि सा ओङच्‍येते, थे सा मेङच्‍येते थेमे लाक्‍पा चोके खालाकामा सा ओङगो सिरच्‍येते छ्याःङ मेत। साप सोला पा मोफोगो। मि खानामेकी थेन्‍च्‍येते बातकीका मिला पा फोइओ,” सिन सिदुक।

मर्कूस 7:19

साप सोनामेई सुबे नाङमा गाल्‍ला तिरी थेरूकीङ थेन्‍ला डुइओ। साप मि सेमगी नाङ मुस्‍यूगो,” सिन सिदुक। थोक सिरजीन थेकी साच्‍येते जे सोसीनोङ ओङगो, खइँदा साप सोला मिला पा फोक्‍च्‍येते मेन सिन साबा ओतान।

शक्ति काम 15:20

बरू ङुरूङगी थेबाला चुक खिइसे सासीन ल्‍हाला पूजा खाबाते छ्याःङ मासा। थोक्‍ते सोसीन ल्‍हा लु माने खाबा च्‍योकराङ ईन। थेमे रन्‍डीबाजी थेमे होदि च्‍योक्‍ते खिता मेङच्‍येते काम माकेत। थोकराङ खाला ठाक मेदेन्‍दा खाईन सेताते छ्याःङगीतेङ स्‍या मासा, ठागोङ मासा सिन चिट्ठीज्‍यीक टिला तोङगी।

रोमी 14:10

बात दोक ईन्‍देकी था ख्‍योकोन स्‍या मास्‍साकान्‍तेबेकी स्‍या साकान्‍ते खेराङ आज्‍यो न्‍वाला खुई दि सोबाते, दोक दोक पाप खाबाते ईन सिन सिरा थोङ। थोकराङ खाला स्‍या साकान्‍तेबेकीङ स्‍या मास्‍साकान्‍ते खेराङ आज्‍यो न्‍वाला थेकी दि मास्‍सादुक, दोक दोक मिक्‍किदुक, थे चुक लेम्‍बा ईन्‍दाका सिराच्‍योक खाला छ्ये खिता थोङ। च्‍यिला सासीन परमेश्‍वरगी न्‍याय खिते छोमु ङुरूङ गाङेराङ थे दोन्‍दु ड्वा फाप्‍क्‍यो सिरच्‍येते बात टोक माज्‍येत।

गलाती 4:10

चुक सासीन ख्‍योकोनचेन दि दिनगी छोमु दोक खिता फाप्‍क्‍यो थोक खिता मेङगो सिरच्‍येते, औंसी पूर्णे माने खित्‍च्‍येते, खुदुक खुदुक चाडबाड माने खित्‍च्‍येते थेमे दि लोला दोक खिता ओङगो, थोक खिता मेङगो सिन सिरच्‍येते खिदुक।

कलस्‍सी 2:20

ख्‍योकोन ख्रीष्‍टताङ स्‍याप्‍ते मि ईन, मेनरो? थोक ईन्‍सीनोङ ख्‍योकोन च्‍यिला दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति माने खिता फाप्‍क्‍यो सिराच्‍योक खिते? दोक्‍ते रीतिथिति था छ्याःङ माने खिता माफाबो।

हिब्रू 13:9

बात दोक ईन्‍देकी परमेश्‍वर बात ईन सिन थे बातताङ डिकराङ मिडिक्‍च्‍येते खुदुक खुदुकते बात ङेन्‍ला छक्‍के माकेत। परमेश्‍वरगी दया खाबा ओतेकी खित्‍सादु होथोक्‍ते बातला नामज्‍योक मेसेता खाला छ्याःङ शंका मिक्‍किता खाला थेला विश्‍वास खिन देता लेमु ईन। दि सा ओङगो, थे सा मेङगो सिरच्‍येते नियम ङेन्‍ला सुङलाङ छ्याःङ फाइदा मेत।

हिब्रू 9:10

च्‍यिला सासीन थे नियमलाचेन खालि दि सो थे मासा, दि थुङ थे माथुङ सिरच्‍येते बातताङ ठु खाला चोके खित्‍च्‍येते बातओनकामा ओतान। थे खोरोङगी खिता चालाच्‍योक खित्‍च्‍येते समय मालेपथुपकामा परमेश्‍वरगी थे नियम चले खित्‍च्‍या खाबा ओतान।

याकूब 4:11

आज्‍यो न्‍वावे, ख्‍योकोनगी फलाना दोक्‍तेताङ थोक्‍ते सिन दोक्‍पोईकी ज्‍येनज्‍यीक बात माकेत। दाक्‍पोन आज्‍यो न्‍वाकी बात खिन ख्‍याम्‍कान्‍ते कि खो दोषी ईन सिन सिरकान्‍ते मिकीचेन परमेश्‍वर नियमला साबाते दि दि बात लेमु मेन सिन थे नियमराङ ठीक मेन साबाते ईन। थोक खित्‍कान्‍ते मिकीनी थे नियम ङेन्‍दा साटोला थे लेमु मेन सिनका साबाते ईन।