कलस्‍सी 1:9 - जिरेल

⁹ ख्‍योकोन बात थोबा छोमुमेई ङ्योकोनगी ख्‍योकोन लाईदु परमेश्‍वरला प्रार्थना खिता ताङा मेत। परमेश्‍वरगी ख्‍योकोनला थे खोरोङ आत्‍मे छ्य्‌वापेई बुद्धि बिन्‍ला खोबा फाप्‍च्‍येते बात गाङे लेमु खाला खो च्‍युत्‍ला थे खोरोङगी च्‍यि च्‍यि खि सिते सिन ख्‍योकोनगी लेमु खाला छ्या स्‍येस्‍यीत सिन ङ्योकोन प्रार्थना खिओ।

कलस्‍सी 1:9 Iomraidhean Croise

यूहन्‍ना 7:17

परमेश्‍वरगी खि साबाते ङेन्‍दा छोल्‍कान्‍ते मिकीकामा ङे लोप्‍च्‍येते बात ङाराङगी जोला लोप्‍च्‍येते ईन्‍दाना परमेश्‍वरगीराङ लोप च्‍युताते ईन्‍दे सिन लेमु खाला छ्या स्‍येक्‍यो।

शक्ति काम 12:5

थोक खाईन थेला जेलदु लुक्‍नामेई येशू ख्रीष्‍ट मिओनचेन गाङेराङ रूला थे लाईदु परमेश्‍वरला आउदी खाला प्रार्थना खिन ओतान।

रोमी 12:2

था ख्‍योकोनगी परमेश्‍वरला माने मिक्‍किकान्‍ते दि सा लुङबे मिओनते च्‍योक्‍ते चालचलनताङ बानी बिवारा गाङे थोङ। खेराङ सेम परमेश्‍वरला खुदुक जोला नाङ साला ख्‍योकोन सेम लेमु ओताते मि ओङा फाप्‍क्‍यो। दोक ओङनामेई परमेश्‍वरगी खेराङला च्‍यि च्‍यि खि सिरच्‍या ईन्‍दाका सिन ख्‍योकोनगी लेमु खाला छ्या स्‍येबा थुप्‍क्‍यो। दोक खाला ख्‍योकोनगी परमेश्‍वरला मन परे खित्‍च्‍येतेताङ लेमुते काम च्‍यि ईन्‍दाका सिन डेला थुप्‍क्‍यो।

१ कोरिन्‍थी 1:5

थेकी खित्‍सादुराङ परमेश्‍वरगी ख्‍योकोनला तेरासम्‍म आशी बिन्‍दा ओत। च्‍यि सासीन येशू ख्रीष्‍ट बात ज्‍येनला लेमु खाला लोप्‍च्‍येते सीपताङ शक्ति ख्‍योकोनगी ङेता ओत थेमे परमेश्‍वरगी छ्या स्‍ये ज्‍युत्‍च्‍येते गाङे बात लेमु खाला छ्या स्‍येकान गाला ओत।

एफिसी 1:8

थेकी ङुरूङला थोक अचम्‍ब खाईन पापदुकी टालाते ईन। दि काम चुक आउदी बुद्धि पुरे खाईन खाबाते ईन्‍दे सिन थेकी ङुरूङला लेमु खाईन खो च्‍युत्‍सुङ।

एफिसी 5:10

थेमे जहिलेङ ख्‍योकोनगी खित्‍च्‍येते कामताङ बात प्रभु ख्रीष्‍टला मन परे खित्‍च्‍येते ईन्‍दाना मेन्‍दे सिन छ्या स्‍येलाकामा खि।

एफिसी 5:17

थोगी छ्याःङ मोखोकान्‍ते मि च्‍योक मिक्‍किता खाला प्रभु ख्रीष्‍टकी च्‍यि खि सिरच्‍या ईन्‍दाका सिन ख्‍योकोनगी छ्या स्‍येबा खि।

एफिसी 6:6

थेबेकी खेराङला आउदी लेमु खाला काम खित्‍कान्‍ते दुका सिरस्‍यीत सिन थेबे मिगी दोन्‍दुकामा स्‍याप स्‍याप खाला काम खित्‍जुम माकेत। ख्रीष्‍ट खेराङ मालिक ईन सिन टोक मेज्‍येता खाला परमेश्‍वरगी खि साबाते लेमु खाईन ङेन्‍दा च्‍योकराङ खाला खेराङ काम लेमु खाला खि।

फिलिप्‍पी 1:4

ख्‍योकोन गाङे लाईदु ङा आउदी गा खिनकामा परमेश्‍वरला प्रार्थना खिओ।

कलस्‍सी 1:6

ख्‍योकोनला दि बात लाप्‍कीन बिन्‍दा ओत। सा लुङबा खाङराङ दि बात फैले खिन डुइन ओत। थेमे दि बात ङेन्‍गीन झन झन मि काल्‍बेईकी लेमु काम खिन दुक। गा लाङच्‍येते बात थोबा छोमुमेई थेमे परमेश्‍वरगी दया खिओ सिन लेमु खाईन छ्या स्‍येनामेई ज्‍येन ज्‍येनगी च्‍योकराङ खाईन ख्‍योकोनगीङ लेमु काम खिताला स्‍यूबाते ईन।

कलस्‍सी 3:16

थेमे खेराङगी ख्रीष्‍टकी बात झन झन लेमु खाला छ्या स्‍येबा थुप्‍स्‍यीत सिन थे बात ख्‍योकोनगी सेमगी नाङ गुने खिनराङ देत। चुक सासीन परमेश्‍वरगी बिन्‍दाते बुद्धिकी ख्‍योकोनगी थे बात खेराङ नाङ लोप्‍कीन देत, थेरू साबा च्‍योकराङ खिन देता फाप्‍क्‍यो सिन दोक्‍पोईकी ज्‍येनज्‍यीकला सिनराङ देत। थेमे परमेश्‍वरगी खेराङला चुक दया खासुङा सिन गा खिन थेला धन्‍यवाद सिनकामा खेराङ नाङ भजन लिन्‍च्‍येते, परमेश्‍वरला छ्ये जोच्‍येते लु लिन्‍च्‍येते थेमे परमेश्‍वर आत्‍मेकी लिन च्‍युताते ज्‍येनोङ लु लिन्‍च्‍येते खि।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

कलस्‍सी 4:5

येशू ख्रीष्‍ट मि मेन्‍दाते मिओनताङ चुक खाला बात खिता फाप्‍कीते, थेबे दोन्‍दु च्‍यि काम खिता लेमु ईन्‍दे सिन लेमु खाला विचार खाला खि। दोक्‍ते काम खिता ङेत्‍च्‍येते समय था काल्‍बा मेत सिन छ्या स्‍येला टोले मिक्‍किता खाला दोक खिन देत।

१ थिस्‍सलोनिकी 1:3

धन्‍यवाद सिरजीनराङ ख्‍योकोनगी येशू ख्रीष्‍टला विश्‍वास खाईन लेमु काम खिताला स्‍यूबाते थेमे ज्‍येनला ङिङज्‍ये खिन झन झन लेमु खाबाते बातकी लाईदु ङुरूङ आबा परमेश्‍वरला धन्‍यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्‍ट ग्‍युरला ओङगो सिन आश खाईन गुकीन देता ओतेकी जस्‍तो दुक्‍पा ओङसीनोङ ख्‍योकोन सेम मेसेता खाईन देता ओताते बातकी लाईदुङ ङ्योकोन थेला धन्‍यवाद सिओ।

१ थिस्‍सलोनिकी 5:17

परमेश्‍वरला प्रार्थना खित्‍च्‍येते नोमुङ मातोङ,

२ थिस्‍सलोनिकी 1:11

होदि बाततेबा टोक मेज्‍येता खाला ङ्योकोन ख्‍योकोन लाईदु जहिलेङ ङुरूङ परमेश्‍वरला दोक सिन प्रार्थना खिओ। चुक सासीन थेकी ख्‍योकोनला थे खोरोङ दोन्‍दु स्‍योक सिन काताङाते ईन्‍देकी ख्‍योकोन चुक ओङा फाप्‍च्‍येते ईन्‍दे थोकराङ ओङ ज्‍युत्‍स्‍यीत। दोक खाला ख्‍योकोनगी खिता चालाते लेमुते कामताङ बात थेमे प्रभु येशूला विश्‍वास खाईन खिताला स्‍यूबाते कामतेबा गाङे परमेश्‍वरगी ख्‍योकोनला थे खोरोङ शक्ति बिन्‍ला पूरो खित ज्‍युत्‍स्‍यीत सिन प्रार्थना खिओ।

फिलेमोन 1:4

ङे माने खिन ओताते परमेश्‍वरला प्रार्थना खित्‍जीन खोल्‍ला सम्‍झे खिन खुई लाईदु ङा जहिलेङ थेला धन्‍यवाद तेरग्‍यो।

फिलेमोन 1:6

प्रभु येशूला खुई दोक लेमु खाला विश्‍वास खिन ओतेकी थेमे परमेश्‍वरगी ङुरूङला आशी बिन्‍गीन लेमु खाबाते बात गाङे खुई लेमु खाईन छ्या स्‍येबा ओतेकी परमेश्‍वर सन्‍तान गाङेकी ख्रीष्‍टला झन छ्ये जोरस्‍यीत सिन खुई थोरूमसाक खिन ओता च्‍योकराङ खिन देता थुप्‍स्‍यीत सिन ङा प्रार्थना खिओ।

हिब्रू 10:36

परमेश्‍वरगी खित ज्‍युता चाला च्‍योकराङ खिता थुप्‍स्‍यीत सिन जस्‍तो दुक्‍पा ओङसीनोङ ख्‍योकोन सेम मेसेता खाला देता फाप्‍क्‍यो। दोक खिन देत्‍सीनकामा थेकी तेरग्‍यो सिन साबाते जति ख्‍योकोनगी ङेत्‍क्‍यो।

हिब्रू 13:21

होदोक खित्‍कान्‍ते परमेश्‍वरगी ख्‍योकोनगी थेकी खिता चालाच्‍योक खिताला ख्‍योकोनला गोच्‍येते स्‍येतताङ बुद्धि तेरस्‍यीत। दोक खाला थेकी ख्‍योकोनला येशू ख्रीष्‍ट छ्य्‌वापेई थे खोरोङला मन परे खित्‍च्‍येते काम खित्‍च्‍येते सेम तेरस्‍यीत। थेते सधैँभरि जय जय ओङस्‍यीत। आमेन।

याकूब 1:5

थेमे ख्‍योकोन सुइँदाला च्‍यि खित्‍च्‍ये, चुक खित्‍च्‍ये सिन छ्या मेते बेलाला चुक खित्‍च्‍ये सिन बुद्धि नाङ सिन परमेश्‍वरताङ प्रार्थना खि। दोक खानामेई मिओनला लेमु खित्‍कान्‍ते ईन्‍देकी थेकी छ्याःङ दुक्‍स्‍यी मिक्‍किता खाला खेराङला गोबाते बुद्धि तेरग्‍यो।

याकूब 3:17

तर परमेश्‍वरगी बिन्‍दाते बुद्धि ङेता ओताते मिओनगीचेन काम बात जे खित्‍जीनोङ लेमुतेकामा खिओ, थेबा ज्‍येनताङ डिक्‍ला थुन्‍ला देता छोल्‍ग्‍यो, गाङेताङ खा छ्येत लेमु खिओ, दाक्‍पोन भन्‍दा छ्येकी साबाते ङेन्‍ग्‍यो, ज्‍येनला ङिङज्‍ये खाला लेमु लेमु काम खिओ, सुङलाङ काका पाका मिक्‍किओ थेमे सेमला मेलेबा विचार मोज्‍योओ।

१ पत्रुस 2:15

छ्याःङ विचार मिक्‍किता खाला ख्‍योकोनला मेन्‍दा मेन्‍दे दोष लै खित्‍कान्‍ते मिओनगी थोक्‍ते मेन्‍दे बात खिता तोङस्‍यीत सिन ख्‍योकोनगी लेमु काम खि। ख्‍योकोनगी दोकराङ खित्‍स्‍यीत सिरच्‍येते परमेश्‍वर सेम ओत।

१ पत्रुस 4:2

ख्रीष्‍टला ताला थेकी च्‍योकराङ खानामेई था ख्‍योकोनगी दाक्‍पोन खुशी खिन जे खिता सेम लाङगीदुक थेराङ खिन देता माफाबो, बरू सोन सोनसाकराङ परमेश्‍वरगी च्‍यि खि सिका थे छ्या स्‍येला थेकी खि साबा च्‍योकराङ खिन देता थुप्‍क्‍यो।

१ यूहन्‍ना 2:17

होथोक थोक खित्‍कान्‍ते मिओन स्‍यिला डुइओ थेमे दि सा लुङबाङ था पालोई नाश गाल्‍ला तोरला डुइओ। परमेश्‍वरगी साबा च्‍योकराङ खित्‍कान्‍ते मिचेन सधैँभरि थेत्ताङराङ देता ङेत्‍क्‍यो।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।