कलस्‍सी 1:7 - जिरेल

⁷ गा लाङच्‍येते बात ख्‍योकोनला इपाफ्रासकी लापाते ईन सिन ङ्योकोनगी सिरा माफाप्‍तासीन। इपाफ्रासला ङ्योकोन ङिङज्‍ये खिओ। दिङ ङ्योकोन च्‍योकराङ ख्रीष्‍टकी काम खित्‍कान्‍ते मि ईन। ङ्योकोन साटोला दिकी खिता फापा च्‍योकराङ खाला ख्‍योकोन नाङ ख्रीष्‍टकी काम खिन दुक।

कलस्‍सी 1:7 Iomraidhean Croise

मत्ती 18:29

थोक खित्‍जीन र्‍वातेकी थेला काम्‍बा तेक्‍ला से खिनकामा ‘टिक्‍पी दिन गु ओर्च्‍ये। थेमे ङा खुई पैसा गाङे ज्‍येल्‍ग्‍यो,’ सिन सादुक्‍लो।

मत्ती 24:45

थेजीनसाक ख्‍योकोन चुक खिन देता फाप्‍कीते सासीन मालिकतेकी कोत्‍कीन ज्‍याक्‍पाते ङेन्‍ला लेमु खाला काम खित्‍कान्‍ते मि च्‍योकराङ ओङा फाप्‍क्‍यो। थोक्‍ते मिलाचेन मालिकतेकी थे खोरोङ खइँसापा डोजीन थे खाम्‍बादुराङ काम खित्‍कान्‍ते ज्‍येनतेबाला लेमु खाला साप थुङा बिना सिन खाम्‍बे कामओन जिम्‍मा बिन्‍ला डुइओ।

मत्ती 25:21

थोक सिरजीन मालिकतेकी थेला ‘खुई आउदी लेमु खाईन काम खादुक। खो मालिककी साबा च्‍योकराङ खित्‍कान्‍ते मि दुका। ङे खोल्‍ला चाँदी डबल थोस्‍यिककामा बिन्‍गीन ज्‍याक्‍सीनोङ खुई थे लेमु खाईन चले खाबेकी था ङा खोल्‍ला झन थे भन्‍दाङ काल्‍बेई पैसे जिम्‍मा तेरग्‍यो। था खो ङा च्‍योकराङ गा खिन ङात्ताङ ङ्योम्‍बुराङ देता ङेत्‍क्‍यो,’ सिन सादुक्‍लो।

१ कोरिन्‍थी 4:17

ङे खाबा च्‍योकराङ खित्‍च्‍येते ख्‍योकोनला लाप्‍ला तेरस्‍यीत सिनराङ तिमोथीला ङा ख्‍योकोन ओत्‍सापा तोङगीन ओत। दि प्रभु येशूकी खि साबा च्‍योकराङ खाला काम खित्‍कान्‍ते मि ईन। दिला ङा ङिङज्‍ये खिओ। दि ङेते ङाराङ फुज्‍युङ च्‍योकराङ ईन। ङा येशू ख्रीष्‍टताङ जीउज्‍यीकराङ ओङाते मि ईन्‍देकी ङे चुक खिका, च्‍यि खिका सिरच्‍येते गाङे बात था दिकी ख्‍योकोनला लोप्‍क्‍यो। ङे तिमोथीला ख्‍योकोनला लोप ताङाते बातराङ ङा गाङेपा ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लोप्‍कीन ओत।

१ कोरिन्‍थी 4:2

तर दाक्‍पोनला जिम्‍मा बिन्‍दाते काम खित्‍कान्‍ते मिकी थे काम जिम्‍मा तेरकान्‍तेकी खि साबा च्‍योकराङ खाला खिता फाप्‍क्‍यो।

१ कोरिन्‍थी 7:25

थेमे ख्‍योकोनगी कर्नेते मिओनगीचेन चुक खिता लेमु ईन्‍ताका सिन ङाला ठिबा ओताक्‍वा। थोक्‍ते मिओनगी च्‍यि खित्‍च्‍ये, चुक खिता फाप्‍कीते सिरच्‍येते बातनी प्रभु येशूकी ङाला कोता मेत। ईन्‍सीनोङ कर्नेते मिओनगी चुक खिता लेमु ईन्‍दे सिन सल्‍लाह तेरामीन। प्रभु येशूकी ङाला दया खाबा ओतेकी ख्‍योकोनगी ङे सल्‍लाह ठीक ईन सिरा थुप्‍क्‍यो।

२ कोरिन्‍थी 11:23

थेबेकी खोपरोङ येशू ख्रीष्‍ट काम खित्‍कान्‍तेबा ईन खिदुक। ङाङ येशू ख्रीष्‍ट काम खित्‍कान्‍तेराङ ईन। ईन्‍दानी दोक्‍ते बात खित्‍च्‍येते लेम्‍बे बात च्‍योक्‍ते ईन सिन ङाला छ्या ओत। ईन्‍सीनोङ ङा च्‍यि सिते सासीन थेबेकी भन्‍दा ङे खापान खापान ल्‍हाक्‍पा काम खाबा ओत। ङा पालो थोई जेलदु देते सिन टुङ्गो मेत। मिओनगी ङाला दुबाते बात खाला छ्याःङ साँधी मेत। पालोताङ पालो ङा कालगी खादुकी थाराते ईन।

एफिसी 5:21

प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिन ङा ङाराङ ईन सिराच्‍योक मिक्‍किता खाला ख्‍योकोन दोक्‍पोईकी ज्‍येनज्‍यीक बात ङेन्‍च्‍येते खि।

फिलिप्‍पी 2:25

थेमे ङाला ङाराङ न्‍वा इपाफ्रोडिटसला ख्‍योकोन ओत्‍सापा ग्‍युरला तोङा लेमु ईन सिराच्‍योक लाबेकी ङे दिला थेपा ताङा ओत। दि ङात्ताङ डिक्‍ला गा लाङच्‍येते बात लोप्‍कान्‍ते थेमे ङाराङ च्‍योकराङ दुक्‍पा खाला ज्‍येनला दि बात लोप्‍च्‍येते काम खित्‍कान्‍ते मि ईन। ङाला मद्धत खित्‍स्‍यीत सिन ख्‍योकोनगी दिला ङा ओत्‍सापा ताङा ओतान।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

कलस्‍सी 4:7

ज्‍येन बात च्‍यि सासीन ङिङज्‍येते न्‍वा टाइकिकसकी थेपा लेप्‍नामेई ख्‍योकोनला ङे बात गाङे लाःप्‍क्‍यो। दिकी खिता फापा च्‍योकराङ खाला प्रभु येशू काम खिन ओत। दिङ ङा च्‍योकराङ प्रभु येशू काम खित्‍कान्‍ते मि ईन।

कलस्‍सी 4:9

ङे दित्ताङराङ खेराङ युलगी मि ओनेसिमसलाङ ताङा ओत। दिङ दोक्‍पोई येशू ख्रीष्‍टला लेमु खाला विश्‍वास खित्‍कान्‍ते ङुरूङ ङिङज्‍येते न्‍वाराङ ईन। दुरू च्‍यि च्‍यि ओङसुङा, बात चुक दुका सिन दिबा ङिबोकी ख्‍योकोनला गाङे लेमु खाला लाःप्‍क्‍यो।

१ तिमोथी 4:6

दि बातओन खुई ज्‍येन आज्‍यो न्‍वालाङ लेमु खाला लाप्‍ला बिन। थोक खासीन खो येशू ख्रीष्‍टकी खि साबाते काम लेमु खाला खित्‍कान्‍ते मि ओङगो। येशू ख्रीष्‍टला विश्‍वास खित्‍जीन ङेन्‍दाते बात खुई झन लेमु खाला खोकीन डुइओ। थेमे थरिङसाक ङेन्‍गीन वाबाते सत्‍यते बाततेबा झन लेमु खाला ङेन्‍गीन देता थुप्‍क्‍यो।

२ तिमोथी 2:2

थेमे मि काल्‍बेई ङोन्‍दु च्‍यि बात चुक ईन्‍दे सिन ङे खोरोङला लाप्‍कीन बिन्‍दाते बातओन मिओनला लोप सिन ज्‍येन मिलाङ जिम्‍मा बिन। दोक्‍ते मिओनचेन ज्‍येनला लेमु खाला लोपा थुप्‍कान थेमे भर परे खिता थुप्‍च्‍येतेन्‍दे ओङा फाप्‍क्‍यो।

फिलेमोन 1:23

येशू ख्रीष्‍टकी खि साबाते काम खिन ओतेकी ङात्ताङराङ जेलदु ओताते इपाफ्रासते ख्‍योकोनला नमस्‍ते ओत्‍लो।

हिब्रू 2:17

थोगीराङ थेला थे खोरोङ न्‍वाओन च्‍योकराङ ओङा फाप्‍सुङ। थोक खाईन मि पाप माफ ओङस्‍यीत सिन थेचेन परमेश्‍वर दोन्‍दु मिओनगी खाबाते पाप माफ नाङ सिरकान्‍ते गाङे भन्‍दा छ्येते पूजारी ओङा ओत। थेकी मिओनला दया खिओ। थे थे खोरोङगी खिओ साबा च्‍योकराङ खित्‍कान्‍ते ईन।

हिब्रू 3:2

परमेश्‍वरगी थे खोरोङ मि ईन सिन साबाते इस्राएलीओन नाङ काम खित्‍जीन थे खोरोङला खि साबाते काम मोशेकी लेमु खाईन खाबा ओतान। थेकी च्‍योकराङ येशूकीङ थे खोरोङला छाने खाला तोङकान्‍ते परमेश्‍वरगी खि साबा साबा च्‍योकराङ खासुङ।