कलस्सी 1:5 - जिरेल5 परमेश्वरगी था तिरी खेराङला स्वर्गने तेरग्यो सिन साबातेबा ङेत्क्यो सिन खेराङगी आश खाईन देताते पक्काराङ ङेत्क्यो सिन छ्या स्येबेकीराङ ख्योकोनगी थोक लेमु खिन ओताते ईन। परमेश्वरगी खेराङला तेरग्यो साबाते ङेत्क्यो सिनचेन ख्योकोनगी सत्यते बात थोनामेई छ्या स्येबा ओत। सत्यते बातचेन गा लाङच्येते बात ईन। Faic an caibideil |
कलस्सी 1:5
33 Iomraidhean Croise
थेरू जम्मा ओङाते यहूदीओन छ्ये छ्ये मि नाङ कोई सदुकी पाटी मि, कोईचेन फरिसी पाटी मि ओतान। थेरू पाटी ङि मि ओताते बात छ्या स्येकीन पावलगी गाङेकी थोच्या खाईन “आज्यो न्वावे, ङाङ फरिसी पाटी मि ईन। ङे आबाबा गोप्पोबाङ फरिसी पाटी मिराङ ओतान। ङा परमेश्वरगी स्याप्ते मिला तिरी सोम्बो लोइओ सिन पत्ते खित्कान्ते मि ईन्देकीराङ ङाला मुद्धा चले खाईन दोक खाईन थरिङ ख्योकोन गाङे दोन्दु खुलाबाते ईन,” सिन सिदुक।
ज्येनतोक गाङे ङीमा लेनज्यीक छ्याःङ काम लै मिक्किच्या गाल्सीनोङ परमेश्वरला विश्वास खित्च्येते, थेकी ङुरूङला तेरग्यो साबाते ङेत्क्यो सिन खित्च्येते आश थेमे ज्येनला ङिङज्ये खित्च्येते दि बात सुमचेन नोमुङ छ्याःङ काम लै मिक्किच्या मोन्डोओ। दि बात सुमगी नाङदुङ छ्येते बातचेन ज्येनला ङिङज्ये खित्च्येतेराङ ईन।
च्यि सासीन ख्रीष्टकी खाबाते कामगी खित्सादु परमेश्वरगी दि सा लुङबे मिओनला थेबेकी खाबाते मेलेबाते कामताङ बातकीते छ्याःङ हर हिसाब मिलिन्दा खाईन थे खोरोङताङ डिक्पा खित्च्येते काम खासुङ। थेमे मिओनला थे खोरोङताङ डिक ज्युत्क्यो सिरच्येते बात ज्येनला लोप्च्येते कामगी जिम्मा थेकी ङ्योकोनला बिन्सुङ।
थेबेकी थोक खाबाते काम गा लाङच्येते बातताङ डिकराङ मिडिक्च्येते ईन्देकी थेरू गाङे ङोन्दुराङ ङे पत्रुसला चुक साबे सासीन “खोरोङ यहूदी ईन्सीनोङ परमेश्वरगी ङुरूङ यहूदीओनला बिन्दाते नियम ङेन्दा ताङगीन ज्येन ज्येन जातकी मित्ताङ डिक्पा ओतान सासीन था खो याङराङ चुक खाला ज्येन ज्येन जातकी मिकीङ होथे नियम ङेन्दा फाप्क्यो सिराच्योक खिते?
थेमे सत्यते बात थोनामेई ख्योकोनोङ ख्रीष्टताङ जीउज्यीकराङ ओङसुङ। पापकी सजायदुकी थारच्येते होथे गा लाङच्येते बात ङेन्गीन ख्रीष्टला विश्वास खानामेकी गोमा थे खोरोङगी ख्रीष्टकी छ्य्वापेकी तेरग्यो साबाते परमेश्वर आत्मा परमेश्वरगी ख्योकोनलाङ बिन्सुङ। दोक खाईन थेकी थे खोरोङ आत्मा बिन्दातेचेन ख्योकोनोङ थे खोरोङ मिराङ ईन सिराला छाप ग्यापाते च्योकराङ ओङसुङ।
थोगी था ख्योकोनगी येशूला विश्वास खाईन ङेन्दाते बात ङेन्दा नोमुङ तोङा मेङगो, थे बातला खि साबा च्योकराङ खिन देता फाप्क्यो थेमे होथे गा लाङच्येते बात थोनामेई तिरी खेराङगी परमेश्वरगी तेरग्यो साबाते जति ङेत्क्यो सिन आश खाईन गुकीन देताते बातला ज्येनगी जे सासीनोङ छ्याःङ शंका मिक्किता खाला देत। होथे बात ख्योकोनलाकामा मेन, सा लुङबा खाङगी मिला लाप्कीन बिन्दा ओत। थेमे ङा पावललाचेन मिओनला होथे बात लोप्च्येते जिम्मा बिन्दा ओत।
ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो।
थेमे खेराङगी ख्रीष्टकी बात झन झन लेमु खाला छ्या स्येबा थुप्स्यीत सिन थे बात ख्योकोनगी सेमगी नाङ गुने खिनराङ देत। चुक सासीन परमेश्वरगी बिन्दाते बुद्धिकी ख्योकोनगी थे बात खेराङ नाङ लोप्कीन देत, थेरू साबा च्योकराङ खिन देता फाप्क्यो सिन दोक्पोईकी ज्येनज्यीकला सिनराङ देत। थेमे परमेश्वरगी खेराङला चुक दया खासुङा सिन गा खिन थेला धन्यवाद सिनकामा खेराङ नाङ भजन लिन्च्येते, परमेश्वरला छ्ये जोच्येते लु लिन्च्येते थेमे परमेश्वर आत्मेकी लिन च्युताते ज्येनोङ लु लिन्च्येते खि।
थेमे ङ्योकोन जहिलेङ दि बातकी लाईदुङ परमेश्वरला धन्यवाद सिओ। च्यि सासीन ङ्योकोनगी परमेश्वर बात लोप्जीन थे बात मिकी जोबाते मेन्दाक्वा, परमेश्वर बातराङ दुका सिन ख्योकोनगी ङेन्सुङ। ईन्दाबोङ थे बातचेन परमेश्वर बातराङ ईन। येशूला विश्वास खित्कान ख्योकोन नाङ परमेश्वरगी होथे बातकी छ्य्वापेईराङ काम खिन ओत।
ङुरूङ आबा परमेश्वरगी ङुरूङला ङिङज्ये खाईन थे खोरोङ दयेकी जहिलेङ आँट तेरगीन देत्ला तिरी तेरग्यो सिन साबातेबा गाङे पक्काराङ ङेत्क्यो सिन आश खाला देत ज्युत्क्यो। दोक खित्कान्ते परमेश्वरताङ ङुरूङ प्रभु येशू ख्रीष्ट थे खोरोङगीराङ ख्योकोनला आँट बिन्ला ख्योकोनगी खिन ओताते लेमुते कामताङ बात गाङे खिनराङ देत ज्युत्स्यीत सिन ङ्योकोन प्रार्थना खिओ।
थोगी ङा परमेश्वरगी खि साबा साबा च्योकराङ खित्कान्ते मि ईन सिन था ङे इनाम ङेत्क्यो। थे इनामचेन सुङलाङ काका पाका मिक्किता खाला न्याय खित्कान्ते प्रभु येशू ख्रीष्टकी थे खोरोङ ग्युरला ओङे छोमु ङाला तेरग्यो। थे इनाम थेकी ङालाकामा मेन, थे स्वर्गनेकी ग्युरला ओङगो सिन गा खिन गुला देत्कान्तेबा गाङेला तेरग्यो।
बरू येशू ख्रीष्टराङ खेराङ मालिक ईन सिन टोक माज्येत, थेला मान खि। थेमे परमेश्वरगी तिरी तेरग्यो साबातेबा ङेत्क्यो सिन खेराङगी आश खाबाते पक्काराङ ङेत्क्यो सिन ख्योकोन चुक खाला सिते सिन ठिकान गाङेला ख्योकोनगी जहिलेङ लाःप्ला बिन। थेबे सेमला फोक्च्येते बात छ्याःङ मिक्किता खाला थोक्ते मिओनताङ ख्योकोनगी खा छ्येत लेमु खाला बात खि।
Sanasan