कलस्सी 1:23 - जिरेल23 थोगी था ख्योकोनगी येशूला विश्वास खाईन ङेन्दाते बात ङेन्दा नोमुङ तोङा मेङगो, थे बातला खि साबा च्योकराङ खिन देता फाप्क्यो थेमे होथे गा लाङच्येते बात थोनामेई तिरी खेराङगी परमेश्वरगी तेरग्यो साबाते जति ङेत्क्यो सिन आश खाईन गुकीन देताते बातला ज्येनगी जे सासीनोङ छ्याःङ शंका मिक्किता खाला देत। होथे बात ख्योकोनलाकामा मेन, सा लुङबा खाङगी मिला लाप्कीन बिन्दा ओत। थेमे ङा पावललाचेन मिओनला होथे बात लोप्च्येते जिम्मा बिन्दा ओत। Faic an caibideil |
कलस्सी 1:23
72 Iomraidhean Croise
ज्येन ज्येन जातकी मि नाङ काम खिताला थेकीराङ ङाला येशू ख्रीष्ट काम खित्कान्ते मि सिन खटे खाबाते ईन। थोगी ङा ज्येन ज्येन जातकी मिला परमेश्वर गा लाङच्येते बात लोप्क्यो। परमेश्वर आत्मेकी थेबे सेम खुदुक जोला थेबा परमेश्वरला चढे खाबाते थेला मन परे खित्च्येते भोग च्योकराङ ओङस्यीत सिन ङा दोक खाला लोप्च्येते काम खिओ।
थेमे ज्येन बात कोई कोईकी ङा ख्योकोन दोन्दु ओत्जीनचेन बात खितालाङ ज्यीबा खिन ओतान, थारीला गाल्नामेईचेन ङाराङ ईन सिराच्योक खाला बात खित्च्याक्वा सिन ङे बात खिदुक्लो। था ङा पावल ख्रीष्टकी खाबा च्योकराङ ङाराङ ईन सिराच्योक मिक्किता खाला थेमे स्येदाङ मिक्किता खाला ख्योकोनताङ बात खितामीन।
थेबेकी खोपरोङ येशू ख्रीष्ट काम खित्कान्तेबा ईन खिदुक। ङाङ येशू ख्रीष्ट काम खित्कान्तेराङ ईन। ईन्दानी दोक्ते बात खित्च्येते लेम्बे बात च्योक्ते ईन सिन ङाला छ्या ओत। ईन्सीनोङ ङा च्यि सिते सासीन थेबेकी भन्दा ङे खापान खापान ल्हाक्पा काम खाबा ओत। ङा पालो थोई जेलदु देते सिन टुङ्गो मेत। मिओनगी ङाला दुबाते बात खाला छ्याःङ साँधी मेत। पालोताङ पालो ङा कालगी खादुकी थाराते ईन।
थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्येनला लोप सिन जिम्मा बिन्सुङ। ङ्योकोनगी लोप्च्येते होदि जमान बातचेन थाङबो मोशे पालोला दोई पाटीला टिबाते परमेश्वर नियम च्योक्ते मेन, परमेश्वर आत्मे बात ईन। होथे दोई पाटीला टिबाते नियमला खि साबाच्योक मिक्किकान्ते मिओनचेन पापकी सजाय ङेत्ला स्यिइओ। परमेश्वर आत्मेकीचेन मिओनला नोमुङ मिसिन्च्येते जुनी तेरग्यो।
ङा ज्येनोङ च्यि सिन प्रार्थना खिते सासीन परमेश्वरगी ख्योकोनला थे खोरोङ दोन्दु स्योक सिन कातोङजीन तिरी ख्योकोनते च्यि आश ओते सिन साबाते बात थेमे थे खोरोङ सन्तान ज्येनतेबाताङराङ तिरी ख्योकोनगी ङेत्च्येते जति चुक लेमु ईन्दे सिरच्येते बात थेकी ख्योकोनला लेमु खाला खो ज्युत्स्यीत सिन प्रार्थना खिओ।
थेमे ख्रीष्टकी थे खोरोङ मि गाङेला डिक च्युत्ला सेमज्यीकराङ खाला काम खित्कान जोला दोक्पोईकी ज्येनज्यीकला लेमु खित्स्यीत सिन थेबाला गोच्येते जति गाङे तेरग्यो। दोक ओङनामेई थेबा खोपरोङ नाङ ङिङज्ये खिन मि जीउ छारगीन ड्वापच्योक खाला ख्रीष्टकी थेबाला जस्तो ज्वा चाला ओतान थोकराङ डुइन डुइओ। दोक ओङाला थेबेकीङ दाक्पोन दाक्पोनगी खिता फाप्च्येते काम खिता फाप्क्यो।
च्यि सासीन येशू ख्रीष्ट सु ईन्दे, चुक्ते ईन्दे सिन खेराङगी छ्या स्येबाते बात ङेन्दा नोमुङ मातोङ, झन झन लेमु खाला थे बातला खि साबा च्योकराङ खिन येशू ख्रीष्टला विश्वास खिन देत, ज्येनगी जे सासीनोङ खेराङला लाप्कीन बिन्दाते येशू ख्रीष्ट बातला छ्याःङ शंका माकेत थेमे परमेश्वरगी खेराङला चुक लेमु खासुङा सिन थेला धन्यवाद सिरा नोमुङ मातोङ।
थोक थोक दुक्पा ओङ च्युत्कीन मिला पाप खित ज्युता छोल्कान्ते शैतानगी ना ख्योकोनला प्रभु येशू छ्य्वापेकी टाला ईन्दा सिन ङाला आउदी ज्यीबा लाबा ओतान। शैतानगी थोक खाबा ईन्सीन ङ्योकोनगी ख्योकोन नाङ खाबाते काम थाराङ खेरोला डोच्या ओतान। थोगी ख्योकोन थोरूमोङ प्रभु येशूला विश्वास खिनराङ दुकाना मिन्दुका सिन ताप्ला तिमोथीला ख्योकोन ओत्सापा ताङाते ईन।
ङुरूङचेन परमेश्वर नाम्दाकला देत्कान्ते मि ईन्देकी होस तोराते मि च्योक ओङा मेङगो। बरू च्याङबो खाला देत्ला प्रभु येशूला विश्वास खिन थेमे ज्येनला ङिङज्ये खिन देता फाप्क्यो। दोक खिन देत्च्येतेचेन लडाइँ बेलाला मिल्टेरीओनगी ठाङला खोन्च्येते च्याकी पाता खोन्दा च्योकराङ ईन। थेमे ङुरूङगी आश खाईन देता च्योकराङ था तिरी पापकी सजाय भोगे खिता माफाबो सिनोङ टोक ज्येता मेङगो। थोक खित्च्येतेचेन मिल्टेरीओनगी गोःला च्याकी टोप खोन्दा च्योकराङ ईन।
ङुरूङ आबा परमेश्वरगी ङुरूङला ङिङज्ये खाईन थे खोरोङ दयेकी जहिलेङ आँट तेरगीन देत्ला तिरी तेरग्यो सिन साबातेबा गाङे पक्काराङ ङेत्क्यो सिन आश खाला देत ज्युत्क्यो। दोक खित्कान्ते परमेश्वरताङ ङुरूङ प्रभु येशू ख्रीष्ट थे खोरोङगीराङ ख्योकोनला आँट बिन्ला ख्योकोनगी खिन ओताते लेमुते कामताङ बात गाङे खिनराङ देत ज्युत्स्यीत सिन ङ्योकोन प्रार्थना खिओ।
परमेश्वरगी मिओनला थोक खिता छोल्ग्यो सिराला ङा येशू ख्रीष्टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्वास खिता फाप्कीते थेमे ङेन्दा फाप्च्येते सत्यते बात च्यि ईन्दे सिन ज्येन ज्येन जातकी मिला लोप्कान्ते मि ईन।
परमेश्वरगी गोमा सुङलाङ छ्या स्ये च्युता मेताते थे खोरोङला चुक खाला माने खिता फाप्कीते सिरच्येते बात आउदी अचम्ब लाङच्याज्यीक दुक। दि बात मेन सिन सुङगीङ सिरा मुथुबो। दि बात च्यि ईन्दे सासीन ख्रीष्टचेन मि जुनी लाकीन पृथ्वीदु केसुङ। थे छ्याःङ गल्ती मेताते ईन सिन परमेश्वर आत्मेकी छ्या स्ये च्युता ओत। थेला परमेश्वर दूतओनगी थोङा ओत। जात जातकी मिला थे बात लाप्कीन बिन्दा ओत। सा लुङबा खाङ मिओनगी थेला विश्वास खाबा ओत। थेला परमेश्वरगी छ्येज्यीक मान बिन्गीन स्वर्गने खेरा ओत।
ख्रीष्टकीङ थे खोरोङ काम लेमु खाईन खाबा ओतान। तर थेचेन मोशा च्योक्ते मेन। मोशा सुइँदे खाम्बादु काम खित्कान्ते मि च्योक ओतान सासीन ख्रीष्टचेन होथे खाम्बे धनी फुज्युङ च्योकराङ ईन। थेमे ङुरूङचेन थे खाम्बे मि ईन। थोक ईन्सीनोङ जस्तो ओङजीनोङ ज्यीबा मिक्किता खाईन थेमे सेम मेसेता खाईन परमेश्वरगी था तिरी दाक्पोनला तेरग्यो साबाते गाङे ङेत्क्यो सिन थेला विश्वास खिन देत्सीनकामा ङुरूङ थे खाम्बे मि ईन।
दाक्पोनगी आश खाईन देताच्योक पक्काराङ ओङगो सिन छ्या ओतेकी दोक ओङगीता मेङता सिन ङुरूङ नोमुङ छ्याःङ ज्यीबा मिक्किता खाला देता थुप्क्यो। ङुरूङगी आश खाईन देता च्योकराङ खाला ङुरूङला परमेश्वर दोन्दु खेराला येशू गाङे भन्दा छ्येते पूजारी ओङगीन ङुरूङ भन्दा गोमाका पर्दे ल्हाकनापा परमेश्वर दोन्दु गाङे भन्दा छ्येते पूजारीकामा ड्वा ङेत्च्येते ठाउँदु गाल्गीन देता ओत। येशू मल्कीसेदेक च्योकराङ गाङे भन्दा छ्येते पूजारी ओङा ओत। थे सधैँभरि गाङे भन्दा छ्येते पूजारी ओङला देत्क्यो।
ख्योकोनला आइ परे खिता खाबाते दुक्पा थोङला ख्योकोन ज्यीबा माकेत। ना ख्योकोनगी ङाला विश्वास खिता तोङगीता सिन ताप्ला शैतानगी ख्योकोन नाङ दोक्पोई ङिला जेलला लु ज्युत्क्यो। थोक खासीनोङ ङीमा च्युताम्बाकामा ख्योकोनला दुक्पा ओङगो। स्यापराङ फाप्सीनोङ ख्योकोनगी ङाला विश्वास खिता मातोङ। थेमे ङा ख्योकोनला इनाम तेरग्यो, थेचेन नोमुङ मिसिन्च्येते जुनी ईन।
Sanasan