कलस्‍सी 1:13 - जिरेल

¹³ थेकीराङ ङुरूङला मुन्‍दाक राज्‍य गेल्‍बो शैतान लाःक्‍तुकी टाल्‍गीन थे खोरोङ ङिङज्‍येते फुज्‍युङ राज्‍यदु खुलाबा ओत।

कलस्‍सी 1:13 Iomraidhean Croise

मत्ती 17:5

थेकी बात खिन खिनलाराङ आउदी कार्मुज्‍यीक मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत। दिकी साबाते बात ङेन,” सिन सिरा थेबेकी थोसुङ।

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

मत्ती 3:17

थेमे स्‍वर्गनेईराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन परमेश्‍वरगी साबाते बातज्‍यीक ज्‍येनतेबेकीङ थोसुङ।

लूका 13:24

थेकी थोक सिरजीन येशूकी थेरू ओतातेबा गाङेला “परमेश्‍वर राज्‍यने स्‍यूक्‍च्‍येते गो टेक्‍टेज्‍यीक ओत। मि काल्‍बेईकी थेने स्‍यूक्‍पा चाल्‍सीनोङ गाङेराङ स्‍यूक्‍पा मुथुबो। थे टेक्‍टेते गोने स्‍यूक्‍पाला च्‍यि खिता फाप्‍च्‍या ईन्‍दाका ख्‍योकोनगी थे छ्य्‌वापाकामा स्‍येत खि।

लूका 22:53

ङीमे ठाङमा ङानी ख्‍योकोनताङराङ परमेश्‍वर मन्‍दिर नाङला देता ओतान। थेजीनराङ ख्‍योकोनगी ङाला जिन्‍दा थुप्‍च्‍या ओतान तर माजुम्‍सुङ। थाचेन ख्‍योकोनते ङाला जुम्‍ला दुक्‍पा तेरच्‍येते बेला लेप्‍सुङ। च्‍यिला सासीन मुन्‍दाक राज्‍य गेल्‍बो शैतानगी थे खोरोङते ओतातेबरी शक्ति चले खित्‍च्‍येते बेला दिराङ ईन,” सिन सिदुक।

यूहन्‍ना 17:24

आबा, खुई ङाला ङिङज्‍ये खित्‍च्‍येते ईन्‍देकी दि सा नाम ज्‍वा भन्‍दा गोमामेईराङ खुई ङाला छ्येज्‍यीक मान बिन्‍दा ओतान। था खुई ङे लाःक्‍तु जिम्‍मा बिन्‍दाते मि जतिङ ङा जहाँ देत्‍कीदुक, थेरूराङ देता ङेत्‍ला दिबाबरीकी ङा होथोक खाईन मान ङेत्‍कीन देताते थोङा ङेत्‍स्‍यीत सिरच्‍येते ङे सेम ओत।

यूहन्‍ना 3:35

आबातेकी थे खोरोङ फुज्‍युङला आउदी ङिङज्‍ये खिओ। थेमे थेकी ओताते जति गाङे थे लाःक्‍तुराङ जिम्‍मा बिन्‍दा ओत।

यूहन्‍ना 5:24

ङा ख्‍योकोनला दि बात सिओ। च्‍यि सासीन सुइँदेकी ङे साबाते बात ङेन्‍ला ङाला तोङकान्‍तेला विश्‍वास खिदुक सासीन थेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थोक्‍ते मिला दोषी ईन सिन सजाय मेतेरो। थोक्‍ते मि स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओङगो।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

रोमी 14:17

दि बातओन ङे च्‍यिला खाबाते ईन्‍दे सासीन परमेश्‍वर राज्‍यदु स्‍यूबाते मिओन नाङ दि सा थुङा ओङगो, थे सा थुङा मेङगो सिरच्‍येते बात छ्याःङ छ्येते बात मेन। छ्येते बातचेन परमेश्‍वर आत्‍मे छ्य्‌वापेई परमेश्‍वरगी खि साबा साबाच्‍योक खित्‍च्‍येते, दाक्‍पोन नाङ डिक्‍ला थुन्‍ला देत्‍च्‍येते थेमे गा खिन देत्‍च्‍येतेराङ ईन।

२ कोरिन्‍थी 11:14

ईन्‍दाका दि छ्याःङ अचम्‍बते बात मेन। शैतानोङ नाम्‍दाककी झिलिमिली गालाते परमेश्‍वर दूत च्‍योकराङ ओङा थुप्‍क्‍यो।

२ कोरिन्‍थी 4:4

येशूला विश्‍वास खाबा मेताते होदि मिओनगी ख्रीष्‍टताङ चुक छ्येज्‍यीक शक्ति ओते सिन छ्या स्‍येच्‍येते गा लाङच्‍येते बात छ्याःङ मोखोस्‍यीत सिन दि कलि जुगी गेल्‍बो शैतानगी थेबाला लेम्‍बा जोबा ओत। परमेश्‍वरताङ ख्रीष्‍टला छ्याःङ फरक मेत, परमेश्‍वर जस्‍तो ईन ख्रीष्‍टोङ थोजोराङ ईन।

एफिसी 1:6

थे खोरोङ ङिङज्‍येते फुज्‍युङ येशू ख्रीष्‍टकी खित्‍सादु थेकी ङुरूङला खितासम्‍म दया खाबा ओत। थे खोरोङ चुक अचम्‍ब खाला दया खित्‍कान्‍ते ईन्‍दे सिन थेते जय जय खिता थुप्‍स्‍यीत सिन थेकी ङुरूङला गोमाका होथोक थोक खाबा ओतान।

एफिसी 4:18

खोबा थुप्‍च्‍या ओत्‍सीनोङ परमेश्‍वर सु ईन्‍दे, च्‍यि काम खिते सिरच्‍येते बात छ्याःङ खोबा माचालेकी थेबा छ्याःङ खोबा मुथुप्‍च्‍या गाल्‍सुङ। थेमे परमेश्‍वरगी तेरच्‍येते जुनी थेबेकी मेङेत्‍च्‍या ओङसुङ।

एफिसी 5:5

ख्‍योकोनगी दि बात छ्या स्‍येबा खि। च्‍यि सासीन रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खित्‍कान्‍ते थेमे लोभ खित्‍कान्‍ते मि सुङ था तिरी ख्रीष्‍टताङ परमेश्‍वर राज्‍यदु देताराङ मेङेदो। लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

एफिसी 5:8

मुन्‍दाकला देत्‍कीन ख्‍योकोन गोमा मेलेबा कामताङ बात खिन ओतान। प्रभु ख्रीष्‍टताङ जीउज्‍यीकराङ ओङेकी थाचेन ख्‍योकोन नाम्‍दाकला देत्‍कान्‍ते मि ईन। थोगी नाम्‍दाकला देत्‍कान्‍ते मिकी चुक चुक खिता फाप्‍च्‍येते ईन्‍दे ख्‍योकोनगी थोकराङ खि।

एफिसी 6:12

च्‍यि सासीन ङुरूङ जीङा फाप्‍च्‍येते मित्ताङ मेन। ङुरूङनी दि सा नाम खाङ ओताते ल्‍हा लु, ल्‍हन्‍डीक स्‍यिन्‍डीप थेमे होदिबा च्‍योकराङ शैतानताङ डिक्‍ला दि कलि जुगला राज्‍य खित्‍कान गाङेताङ जीङच्‍येते ईन।

१ थिस्‍सलोनिकी 2:12

थेमे परमेश्‍वर मिओनगी चुक चुक खिता फाप्‍कीते सिन लाप्‍कीन थोक खिन देत सिन लोप्‍कीन देताप। ख्‍योकोन थे खोरोङ राज्‍यदु देता ङेत्‍स्‍यीत थेमे थे खोरोङ चुक छ्ये ईन्‍दाका सिन लेमु खाला छ्या स्‍येस्‍यीत सिन थे खोरोङ दोन्‍दु स्‍योक सिन कातोङकान्‍ते परमेश्‍वरराङ ईन।

हिब्रू 2:14

थे खोरोङगी परमेश्‍वर फुज्‍युङ फुमु साबाते मिओन च्‍योकराङ खाईन येशूङ मि स्‍या ठाक खुराते जुनी लाकीन केसुङ। मिला स्‍यिर ज्‍युत्‍कान्‍तेला ग्‍यालालाराङ थे दोक खाईन मि जुनी लाकीन केकीन स्‍या फापाते ईन। मिला स्‍यिर ज्‍युत्‍कान्‍तेचेन शैतान ईन।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।

२ पत्रुस 1:11

थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी गा खिनकामा ख्‍योकोनला थे खोरोङ राज्‍यदु स्‍यूक ज्‍युत्‍क्‍यो। थे राज्‍यचेन नोमुङ तोरला मोन्‍डोओ।

१ यूहन्‍ना 2:8

ईन्‍सीनोङ ङा ख्‍योकोनला थेकी खि सिन कोताते ज्‍येन बातज्‍यीक टिगीन ओत। दोक चुक खाला खित्‍च्‍ये सिन थे खोरोङगी तेन्‍गीन बिन्‍दा ओतान। थेमे ख्‍योकोनगीङ थोकराङ खिन दुक। च्‍यिला सासीन मुन्‍दाक तोरला डुइन ओत। थेमे स्‍वर्गे नाम्‍दाक दुरू वाकीन सिन्‍दा ओत।

१ यूहन्‍ना 3:14

ङुरूङगी स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओत सिन ङुरूङला छ्या ओत। च्‍यिला सासीन ङुरूङ दाक्‍पोन आज्‍यो न्‍वाला ङिङज्‍ये खिओ। ज्‍येनला ङिङज्‍ये मिक्‍किकान्‍ते मिचेन स्‍यिला सजाय ङेत्‍सादुकी थोरूमोङ थारा मेङगो।

१ यूहन्‍ना 3:8

पाप खिनराङ देत्‍कान्‍ते मिचेन शैतानताङ डिक्‍कान्‍ते ईन। शैतानगीनी च्‍याक दि जुग शुरू ओङजीनमेईराङ पापकामा खिन ओत। शैतानगी खित्‍च्‍येते काम गाङे ङ्ये च्‍युत्‍ला खतम ज्‍वाप्‍लाराङ परमेश्‍वर फुज्‍युङ दुरू वाबाते ईन।