कलस्‍सी 1:12 - जिरेल

¹² थेमे ख्‍योकोनगी आबा परमेश्‍वरला धन्‍यवाद सिरा थुप्‍स्‍यीत सिनोङ प्रार्थना खिओ। थेकी थे खोरोङ सन्‍तानओनगी स्‍वर्गे राज्‍यने ङेत्‍च्‍येते गाङे ङुरूङगीङ ङेत्‍क्‍यो सिन साबा ओत।

कलस्‍सी 1:12 Iomraidhean Croise

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

यूहन्‍ना 4:23

थेमे था समयज्‍यीक ओङगो। सिइ सासीन थे समय वाकीन सिन्‍दा ओत। आबा परमेश्‍वरला चुक खाला माने खिता फाप्‍कीते सिन था परमेश्‍वर आत्‍मेकी मिओनला छ्या स्‍ये च्‍युत्‍ला थेला जस्‍तो खाला माने खिता फाप्‍च्‍येते ईन होथोकराङ खाला माने खित ज्‍युत्‍क्‍यो। आबा परमेश्‍वरगीङ थे खोरोङला होदोक खाला माने खित्‍कान्‍ते मिओनराङ छोल्‍ग्‍यो।

शक्ति काम 20:32

था ङा ख्‍योकोन गाङेला परमेश्‍वर लाःक्‍तुराङ सोम्‍पे खिओ। थेमे थेकी दया खिओ सिन छ्या स्‍येच्‍येते गा लाङच्‍येते बात ङेन्‍गीन देत सिनोङ सिओ। दोक खिन देत्‍सीन ख्‍योकोनगी प्रभु येशूला झन लेमु खाला विश्‍वास खिता थुप्‍क्‍यो। थेमे परमेश्‍वरगी सेम खुदुक जोबाते मि गाङेला तिरी तेरग्‍यो साबाते जति गाङे ख्‍योकोनलाङ तेरग्‍यो।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

रोमी 11:17

तर परमेश्‍वरगी लेमुते जैतुन दोङबो हाँगे नाङ जैतुन मोगोन्‍च्‍येते हाँगाओनचेन दुम्‍गीन क्‍युरसुङ। थेमे दुम्‍गीन क्‍युराते ठाउँदुचेन छ्याङमे नाङला थाराङ केबाते जैतुन दोङबो हाँगा खुलाकीन जोरे खासुङ। थे खोरोङगी साबाते मेङेन्‍कान्‍ते इस्राएलीओनला ताङगीन थेबे साटोला परमेश्‍वरगी ख्‍योकोन ज्‍येन ज्‍येन जातकी मिला थे खोरोङ मि ईन साबाते ईन सिराला ङे दि दोङबो बात खाबाते ईन। थोक खाईन जोरे खाबाते हाँगाओनगी गोच्‍येते जेसुकै चाप्रेनमेकी ङेता च्‍योकराङ खाईन परमेश्‍वरगी थेबे ज्‍युज्‍यु पुर्खाला बिन्‍दाते आशी ख्‍योकोनलाङ तेरगीन ओत।

रोमी 15:27

खोपरोङ खुशीकीराङ थेबेकी थोक खाबा ओतान। ईन्‍दाका थेबेकी दोक खिता फाप्‍च्‍येतेराङ ईन। च्‍यिला सासीन परमेश्‍वरगी खोपरोङला आशी बिन्‍गीन लेमु खानामेई यहूदी परमेश्‍वर सन्‍तानओनगी ज्‍येन ज्‍येन जातकी मिलाङ थे बात लाप्‍कीन बिन्‍देकी थेबेकीङ परमेश्‍वरगी तेरच्‍येते आशी ङेत्‍च्‍या ओङाते ईन। दोक खाईन थेबेकी यहूदीओनला परमेश्‍वरगी बिन्‍दाते आशी ङेत्‍नामेई थेबेकीङ खोपरोङताङ ओताते सम्‍पत्ति यहूदीओनताङ गोला साच्‍येते ठीकराङ ईन।

रोमी 8:17

थे फुज्‍युङ फुमु ओङनामेई थे खोरोङ फुज्‍युङ फुमुला तेरग्‍यो साबाते जेसुकै परमेश्‍वरगी ङुरूङला तेरग्‍यो। थोक खाला येशू ख्रीष्‍टकी ङेत्‍च्‍येते ङुरूङगीङ ङेत्‍क्‍यो। ईन्‍दालाचेन येशू ख्रीष्‍टकी खाबा च्‍योकराङ ङुरूङगीङ थरिङोला दुक्‍पा भोगे खिता फाप्‍क्‍यो। थेमे थेला छ्येज्‍यीक मान बिन्‍दा च्‍योकराङ परमेश्‍वरगी ङुरूङलाङ मान बिन्‍ला थे खोरोङगी ज्‍वा चाला च्‍योकराङ लेमु जोइओ।

रोमी 9:23

थोकराङ खाईन थे खोरोङगी ङिङज्‍ये खाबाते ज्‍येन मिओनलाचेन थेकी थे खोरोङ चुक छ्ये ईन्‍दे थेमे चुक आशी तेरकान्‍ते ईन्‍दे सिनोङ तेन्‍गीन बिन्‍दा ओत। थेबालाचेन मान बिन्‍ला थे खोरोङगी ज्‍वा चाला च्‍योकराङ लेमु जोइओ सिन थेकी गोमामेकीराङ टुङ्गो खाबा ओतान।

१ कोरिन्‍थी 8:6

ईन्‍सीनोङ ङुरूङ लाईदुनी परमेश्‍वर खालि दोक्‍पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्‍वर मि ईन्‍देकी ङुरूङ थेकी साबाते ङेन्‍ला थेला छ्ये जोइओ। थोकराङ खाला येशू ख्रीष्‍टकामा ङुरूङ मालिक ईन। दि सा नाम थेमे ओताते जति गाङे परमेश्‍वरगी थे छ्य्‌वापेकीराङ जोबाते ईन। थेमे ङुरूङला जुनी तेरकान्‍तेङ येशू ख्रीष्‍टराङ ईन।

१ कोरिन्‍थी 9:23

गा लाङच्‍येते बात मिओनगी लेमु खाला ङेन्‍स्‍यीत थेमे दि बातला ङेत्‍क्‍यो साबाते आशी ङेङ ङेत्‍स्‍यीत सिनराङ ङा दोक खिओ।

२ कोरिन्‍थी 11:14

ईन्‍दाका दि छ्याःङ अचम्‍बते बात मेन। शैतानोङ नाम्‍दाककी झिलिमिली गालाते परमेश्‍वर दूत च्‍योकराङ ओङा थुप्‍क्‍यो।

२ कोरिन्‍थी 5:5

ङुरूङला दोक खाला थे नोमुङ स्‍यिला रूल्‍ला मोन्‍डोच्‍येते जीउ तेरकान्‍ते परमेश्‍वरराङ ईन। थोक्‍ते जीउ तेरग्‍यो सिन पक्‍का खिताला थेकी ङुरूङला थे खोरोङ आत्‍मा बिन्‍दा ओत।

एफिसी 1:11

परमेश्‍वरचेन गोमा थे खोरोङगी खिओ सिन टुङ्गो खाबाते गाङे काम खिता चाला च्‍योकराङ खाला खित्‍कान्‍ते ईन। थे दोक खित्‍कान्‍ते ईन्‍देकी थेकी ङ्योकोनला गोमामेईराङ ख्रीष्‍टकी छ्य्‌वापेकी छाने खिओ सिन साबा ओतेकी साबा च्‍योकराङ खाईन छाने खासुङ।

एफिसी 1:18

ङा ज्‍येनोङ च्‍यि सिन प्रार्थना खिते सासीन परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन तिरी ख्‍योकोनते च्‍यि आश ओते सिन साबाते बात थेमे थे खोरोङ सन्‍तान ज्‍येनतेबाताङराङ तिरी ख्‍योकोनगी ङेत्‍च्‍येते जति चुक लेमु ईन्‍दे सिरच्‍येते बात थेकी ख्‍योकोनला लेमु खाला खो ज्‍युत्‍स्‍यीत सिन प्रार्थना खिओ।

एफिसी 2:18

थेकी खाबाते कामगी खित्‍सादु थाचेन ख्‍योकोन ज्‍येन ज्‍येन जातकी मि ईन्‍सीनोङ ङ्योकोन इस्राएली ईन्‍सीनोङ ङुरूङ गाङेकी ङेताते परमेश्‍वर आत्‍मे छ्य्‌वापेईराङ आबा परमेश्‍वर दोन्‍दु ड्वा थुप्‍क्‍यो।

एफिसी 3:6

थे बातचेन दिराङ ईन। च्‍यि सासीन येशू ख्रीष्‍टकी खाबाते कामगी खित्‍सादु थाचेन परमेश्‍वरगी ज्‍येन ज्‍येन जातकी मिलाङ थे खोरोङगी छाने खाबाते इस्राएलीओनला तेरच्‍येते जति गाङे तेरच्‍या ओङा ओत, थेबालाङ ज्‍येन गाङेताङ डिक्‍पा खाईन जीउज्‍यीकराङ जोबा ओत थेमे गोमा थेकी थे खोरोङ मिओनताङ लेमु खिओ सिन जमान खाबा ओताते जति गाङे थेबे लाईदुङ खाला तेरच्‍या ओङा ओत। दि बाततेबा थेबाला लोप्‍च्‍येते गा लाङच्‍येते बातला साबा ओत।

एफिसी 4:6

ङुरूङ गाङेते परमेश्‍वर दोक्‍पोईराङ ईन, थेराङ ङुरूङ आबा ईन। ङुरूङ गाङेला राज्‍य खित्‍कान्‍ते, गाङे नाङ काम खित्‍कान्‍ते थेमे गाङे नाङ देत्‍कान्‍ते थेराङ ईन।

एफिसी 5:11

मुन्‍दाकला देत्‍कान्‍ते मिओनगी खित्‍च्‍येते मिला ङ्ये ज्‍युत्‍च्‍येते मेलेबाताङ ङोचा लाङच्‍येते काम सिराते ख्‍योकोनगी खितराङ माकेत। बरू दोक्‍ते काम खित्‍कान्‍ते मिओनला थोक खिता लेमु मेन सिन लाप्‍ला बिन।

एफिसी 5:20

थेमे जस्‍तो ओङसीनोङ जहिलेङ आबा परमेश्‍वरगी खाबाते कामगी लाईदु प्रभु येशू ख्रीष्‍ट छ्य्‌वापेई थेला धन्‍यवाद सि।

एफिसी 5:4

थोकराङ खाला ङोचा लाङच्‍येते फोर बात खित्‍च्‍येते, बिनसित्ति बात खित्‍च्‍येते थेमे ङोचा लाङच्‍येते बात खाला गुट्टी खित्‍च्‍येतेङ ख्‍योकोनगी खिता मेङगो। दोक खिता साटोला बरू ख्‍योकोनगी खेराङला लेमु खाबाते कामगी लाईदु परमेश्‍वरला धन्‍यवाद बिन।

एफिसी 5:8

मुन्‍दाकला देत्‍कीन ख्‍योकोन गोमा मेलेबा कामताङ बात खिन ओतान। प्रभु ख्रीष्‍टताङ जीउज्‍यीकराङ ओङेकी थाचेन ख्‍योकोन नाम्‍दाकला देत्‍कान्‍ते मि ईन। थोगी नाम्‍दाकला देत्‍कान्‍ते मिकी चुक चुक खिता फाप्‍च्‍येते ईन्‍दे ख्‍योकोनगी थोकराङ खि।

कलस्‍सी 2:2

ख्‍योकोन थेमे होथेबा ज्‍येन गाङेकी आँट ङेत्‍ला दोक्‍पोईकी ज्‍येनज्‍यीकला ङिङज्‍ये खिन गाङेराङ सेमज्‍यीकराङ खाला डिक्‍ला देत्‍स्‍यीत थेमे परमेश्‍वरगी गोमा सुङलाङ छ्या स्‍ये च्‍युता मेताते बात च्‍यि ईन्‍दाका सिन ख्‍योकोन गाङेकी लेमु खाला छ्या स्‍येला पूरो खाला खोबा थुप्‍स्‍यीत सिनराङ ङा दोक दुक्‍पा खाला खाला काम खिन ओत। होथे बात लेमु खाला छ्या स्‍येच्‍या साबातेचेन ख्रीष्‍टला छ्या स्‍येच्‍येतेराङ ईन।

कलस्‍सी 3:15

ख्रीष्‍टकी ख्‍योकोनला सेम ढुक्‍क खाला देत ज्‍युत्‍च्‍येते ईन्‍देकी ख्‍योकोन सेमज्‍यीकराङ खाला डिक्‍ला थुन्‍ला देत। ख्‍योकोन जीउज्‍यीकराङ ओङाते गाङेराङ डिक्‍ला थुन्‍ला देत्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। परमेश्‍वरगी खाबाते गाङे कामगी लाईदु ख्‍योकोनगी थेला धन्‍यवाद बिन।

कलस्‍सी 3:17

ख्‍योकोनगी काम बात जे खासीनोङ प्रभु येशू मिओनगी खिता फापा च्‍योकराङ खाला खि। थेमे प्रभु येशू छ्य्‌वापेई आबा परमेश्‍वरला धन्‍यवाद तेरगीन देत।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

हिब्रू 12:23

येशू ख्रीष्‍ट मिओन ओङेकी छ्येते फुज्‍युङगी ङेत्‍च्‍येते हक ङेत्‍कान्‍ते मिओनोङ थेरूराङ ओत। स्‍वर्गदु थेबा गाङे मिन टिबा ओत। मि गाङेते न्‍याय खित्‍कान्‍ते परमेश्‍वर थेरूराङ ओत। परमेश्‍वरगी पूरो खाईन पापदुकी टाल्‍गीन थेकी खि साबा च्‍योकराङ खित्‍कान्‍ते स्‍यिइन सिन्‍दाते मिओनोङ थेरूराङ ओत।

हिब्रू 3:1

बात दोक दोक ईन्‍देकी आज्‍यो न्‍वावे, ख्‍योकोनचेन स्‍वर्गने देताला परमेश्‍वरगी थे खोरोङ दोन्‍दु स्‍योक सिन काताङाते मि ईन्‍देकी येशू चुक छ्ये ईन्‍दे सिरच्‍येते बातकीतेकामा ध्‍यान खिन देत। थेचेन परमेश्‍वरगीराङ खटे खाईन ताङाते थेमे गाङे भन्‍दा छ्येते पूजारी ईन। थे पक्‍काराङ होदोक छ्ये ईन सिन ङुरूङ थेला विश्‍वास खिओ।

हिब्रू 3:14

च्‍यिला सासीन स्‍याप छोमुसाकराङ ङुरूङगी परमेश्‍वरगी खिओ साबाच्‍योक पक्‍काराङ खिओ सिरच्‍येते बातला गोमा खाबा च्‍योकराङ छ्याःङ शंका मिक्‍किता खाला देता फाप्‍क्‍यो। दोक खाईन देत्‍सीन ख्रीष्‍टताङ डिक्‍ला ङुरूङगी थेकी ङेत्‍च्‍येते आशी ङेत्‍क्‍यो।

याकूब 3:9

ङुरूङचेन आबा परमेश्‍वरला मान खिन थेते जय जय ओङस्‍यीत सिन सिओ। थेचेन ङुरूङ प्रभु ईन। लोक्‍ला परमेश्‍वरगी थे खोरोङ च्‍योकराङ ओङच्‍या खाईन जोबाते मिओनला ङुरूङ मोता सराप खिओ।

१ पत्रुस 5:1

थाचेन ङा ख्‍योकोन नाङ येशू ख्रीष्‍ट मिओनला ताकान्‍ते मिओनला बातज्‍यीक बात ङि सिरामीन। ङा ङाराङोङ ख्‍योकोन च्‍योकराङ येशू ख्रीष्‍ट मिओनला ताकान्‍ते मिज्‍यीक ईन। ख्रीष्‍टकी भोगे खाबाते दुक्‍पातेबा ङे गाङे ङाराङ मिगीराङ थोङाते ईन। था थे छ्येज्‍यीक शक्ति ङेत्‍ला ग्‍युरला ओङजीन ङाङ मान ङेत्‍ला थेत्ताङ देता ङेत्‍क्‍यो सिनोङ ङाला छ्या ओत। येशू ख्रीष्‍ट मिओनला ताकान्‍ते मिओन ख्‍योकोनगी ओर्च्‍ये दोक खि।

१ यूहन्‍ना 1:3

ख्‍योकोनोङ ङ्योकोनताङ ङ्योम्‍बुराङ डिक्‍ला देता थुप्‍स्‍यीत सिनराङ ङेराङगी थोङाते थेमे थोबाते दि बाततेबा ख्‍योकोनलाङ सिओ। ङुरूङचेन आबा परमेश्‍वर थेमे थे फुज्‍युङ येशू ख्रीष्‍टताङ ङ्योम्‍बुराङ डिक्‍ला देत्‍क्‍यो।

छ्या स्‍ये च्‍युताते बात 21:23

नाम्‍दाक ओङाला थेरू दागार ङीमा गोकीन मेतान। मिगी ताराङ मुथुप्‍च्‍या झिलिमिली नाम्‍दाकला देत्‍कान्‍ते परमेश्‍वर थेरू ओतेकी थे सारला नाम्‍दाक छ्याङे जोच्‍याक्‍वा। लुई रीउराङ थे सारदु नाम्‍दाक तेरकान्‍ते बत्ती दुका।

छ्या स्‍ये च्‍युताते बात 22:14

दाक्‍पोन खोलाक टुला सफा जोला ज्‍य्‌वाकान्‍ते मिओन भाग्‍यमानी ईन। थोक खानामेई थेबेकी नोमुङ मिसिन्‍च्‍येते जुनी ङेत्‍च्‍येते दोङबो फलफूल सा ङेत्‍क्‍यो। थेबा थे सारगी गोनेकी खाला थे नाङ स्‍यूक्‍पा ङेत्‍क्‍यो।

छ्या स्‍ये च्‍युताते बात 22:5

थेरू था नुप सिराते नोमुङ मेङगो। नाम्‍दाक ओङे लाईदु थेरू बत्तीङ पोरा माफाबो, ङीमे नाम्‍दाकोङ मोगोओ। प्रभु परमेश्‍वरराङ थेबाताङ देतेकी थेराङ थेबे नाम्‍दाक ईन। था थेबेकी सधैँभरि राज्‍य खिनराङ देत्‍क्‍यो।