शक्ति काम 9:6 - जिरेल

⁶ लो था खो लाला सारनापा ग्‍युक। खुई च्‍यि च्‍यि खिता फाप्‍कीते सिन था ङा खोल्‍ला थेपाराङ लाप्‍ला तेर ज्‍युत्‍क्‍यो,” सिनोङ सिरा थोसुङ।

शक्ति काम 9:6 Iomraidhean Croise

मत्ती 19:30

थेमे दि बादोङ ङेन। थरिङोला ज्‍येनगी दिङ सु ईन्‍देरो सिराच्‍योक ठाने खाबाते मिओन तिरी छ्ये ओङगो। थरिङोला छ्ये ओतातेबाचेन तिरी छ्ये मेङगो,” सिन सिदुक।

लूका 3:10

थेकी थोक सानामेई थे मिओनगी “थोक ईन्‍सीन था ङ्योकोनगी च्‍यि खिता फाबोङा ओना?” सिन ठिजीन

शक्ति काम 10:22

थेमे थेबा सुमबोकी “मिल्‍टेरी क्‍याप्‍टेन कर्नेलियसकी खोल्‍ला लाला खोरच्‍योक सिन ङ्योकोनला देपा ताङसुङ। थे परमेश्‍वरला आउदी खाला माने खित्‍कान्‍ते लेमु मि ईन। थेला यहूदीओनगीङ गाङेकी मन परे खाला दुक। खोल्‍ला थे खाम्‍बापा लाला खुलाला च्‍याला खुई साबाते बाततेबा ङेन सिन थेला परमेश्‍वर दूतज्‍यीगी सिदुक्‍लो। थोगी ङ्योकोन खोल्‍ला लिन्‍दाला देपा वाबाते ईन,” सिन सिदुक।

शक्ति काम 10:32

था योप्‍पादु ओताते शिमोन सिराते मिला कातोङ थोङ। थेला मिओनगी पत्रुस सिनोङ सिओ। थेचेन समुन्‍द्रे छेउदु शिमोन सिराते सर्की खाम्‍बादु डोम्‍बो ओङगीन देता ओत,’ सिन सिदुक।

शक्ति काम 10:6

थेचेन शिमोन सिराते सर्की खाम्‍बादु देता ओत। शिमोन खाम्‍बाचेन समुन्‍द्रे छेउदुराङ ओत,” सिन सानामेई

शक्ति काम 2:37

थेरू जम्‍मा ओङाते मिओनगी पत्रुसकी खाबाते दि बात थोकीन खोपरोङगी चुक छ्येज्‍यीक गल्‍ती खाबा ओता ईन्‍दाका सिन छ्या स्‍येकीन पत्रुस थेमे येशू ख्रीष्‍टकी खटे खाबाते ज्‍येनतेबा गाङेला “आज्‍यो न्‍वावे, थोक ईन्‍सीन था ङ्योकोनगी च्‍यि खिसे ओना?” सिन ठिसुङ।

शक्ति काम 22:10

थेरूकी ङे ‘था ङा च्‍यि खिसे प्रभु?’ सिन साबाप। थोक सिरजीन प्रभु येशूकी ङाला ‘लो था खो लाला दमस्‍कसपा ग्‍युक। खुई च्‍यि च्‍यि खिता फाप्‍कीते सिन खोल्‍ला था थेपाराङ लाप्‍ला तेर ज्‍युत्‍क्‍यो,’ सिन सिदुक।

शक्ति काम 26:16

लो था खो ल्‍वा। खोल्‍ला ङे ङाराङ काम खिताला खटे खाबा ओत। खुई थरिङ थोङातेताङ थोबाते बातओन थेमे तिरीङ ङे खोल्‍ला छ्या स्‍येबा खाला तेरच्‍येते बाततेबा ज्‍येनला लोपालाराङ ङे थरिङ खोल्‍ला ठेता खाबाते ईन।

शक्ति काम 9:5

थोक सिरा थोकीन शावलगी “खो सु ईन्‍दे प्रभु?” सिन ठिजीन लोईन थेकी “ङा येशू ईन। खुई खेदा खाबाते ङालाराङ ईन।

रोमी 10:20

परमेश्‍वरगी साबाते बात खिन यशैयेकीङ ज्‍यीबाराङ मिक्‍किता खाईन “ङा चुक्‍ते ईन्‍दे सिन छ्याराङ स्‍येबा मोछोल्‍कान्‍ते मिओनगी ङाला छ्या स्‍येसुङ। थेमे ङे खोजीराङ मिक्‍किकान्‍ते मिओनला ङे ङाराङ चुक्‍ते परमेश्‍वर ईन्‍दे सिन छ्या स्‍ये च्‍युत्‍कीन बिन्‍दा ओत,” सिन साबा ओत।

रोमी 10:3

च्‍यिला सासीन मिओनला दोषी मेन सिरच्‍येते काम परमेश्‍वरते ईन सिन माखोकीन थेबेकी परमेश्‍वरगी खोपरोङला थोक्‍ते मि सिओ सिन थेला विश्‍वास माक्‍यासुङ। बरू थेबेकी खोपरोङगी खाबाते काम तालाका परमेश्‍वरगी थेबाला दोषी मेन सिओ सिन परमेश्‍वर नियमला खि साबा साबा ङेन्‍दा चाल्‍सुङ।

रोमी 5:20

थोक ईन्‍सीन परमेश्‍वरगी मिओनला च्‍यिला थे खोरोङ नियम बिन्‍सुङा सिनोङ बात थेन्‍ग्‍यो मेन? नियम ओत्‍सीनोङ थेरू खिता मेङगो साबा साबाराङ खाला झन झन पाप खित्‍च्‍याक्‍वा सिन मिओनगी छ्या स्‍येस्‍यीत सिनराङ परमेश्‍वरगी थे नियम बिन्‍दा ओतान। दोक खाईन मिओन झन पाप खित्‍कान गाल्‍सीनोङ थेबे पाप माफ तेराला परमेश्‍वरगी थेबाला झन आउदी दया खाबाते ईन।

रोमी 7:9

थे नियम छ्या मेत्‍जीन गोमा ङा ङाराङगी छ्याःङ पाप खाबा मेत सिन ढुक्‍क खाईन देता ओतान। तिरी परमेश्‍वर नियम छ्या स्‍येनामेई थेरू दोक माकेत, थोक माकेत साबा साबाराङ खिता सेम लाकीन थेरू माकेत साबातेराङ खाईन ङे दाक पाप खाबाप। थोक खानामेई ङा सजाय ङेत्‍कीन स्‍या फाप्‍च्‍या ओङा ओतान।

फिलिप्‍पी 2:12

ङिङज्‍येते आज्‍यो न्‍वावे, थातासाक ख्‍योकोनगी ङे लाःपा कोता च्‍योकराङ खिन वाबा ओत। ङा ङ्योम्‍बु ओत्‍जीन खाबा च्‍योकराङ खाला ङ्योम्‍बु मेदेत्‍जीनोङ ङे लाःपा कोताते झन लेमु खाला ङेन्‍गीन देत। चुक सासीन खेराङ पापदुकी टालाते मि ईन सिराला ख्‍योकोनगी काम बात जे खासीनोङ परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खाला लेमुते कामताङ बातकामा खिन देत।

याकूब 4:6

परमेश्‍वरलाकामा माने खित्‍कान्‍ते मिओनला परमेश्‍वरगी झन झन दया खिओ। दोक खिओ सिन परमेश्‍वर बातला “ङा ङाराङ ईन सिराच्‍योक खित्‍कान्‍ते मिला परमेश्‍वरगी मनराङ परे मिक्‍किओ। छ्ये मिक्‍किकान्‍ते मिलाचेन थेकी दया खिओ,” सिन साबा ओत।