शक्ति काम 9:18 - जिरेल

¹⁸ थोक सिरासात्तु शावल मिकदुकी मिकेक च्‍योक खइँदा ङील्‍गीन गाल्‍सुङ। थेमे थेकी लोईन थोङा थुप्‍सुङ। दोक ओङनामेई थे लासुङ। थेमे हननियेकी थेला छ्युला लुगीन बप्‍तिस्‍मा बिन्‍सुङ।

शक्ति काम 9:18 Iomraidhean Croise

शक्ति काम 2:38

ठिजीन पत्रुसकी “था ख्‍योकोन गाङेकी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे येशू ख्रीष्‍ट मिनगी छ्य्‌वापेई बप्‍तिस्‍मा लोङ। थेमे परमेश्‍वरगी ख्‍योकोन पापतेबा माफ तेरग्‍यो। थेमे ख्‍योकोनगी परमेश्‍वर आत्‍मा ङेत्‍क्‍यो।

शक्ति काम 2:41

पत्रुस बात ङेन्‍कान्‍तेबाला पत्रुसबेकी छ्युला लुगीन बप्‍तिस्‍मा बिन्‍सुङ। थेबा मेन्‍दा हजार सुमजो ओतान। थोक खाईन थे छोमु थेबाङ येशूला विश्‍वास खित्‍कान्‍ते मिओनताङ थपे खासुङ।

शक्ति काम 22:13

‘भाइ शावल, खो था याङराङ मिगी थोङा थुप्‍च्‍या डोरस्‍यीत,’ सिन सिदुक। थोक सिराईताङ ङे मिक थोङा थुप्‍च्‍या गाल्‍गीन ङे हननियाला थोङसुङ।

शक्ति काम 22:16

थोगी खुई था छ्याःङ अलमल मिक्‍किता खाला येशूला प्रभु सिन प्रार्थना खाला बप्‍तिस्‍मा लोङ। थेमे खोरोङगी थातासाक खाबाते पापतेबा गाङे परमेश्‍वरला माफ नाङ सि। दोक खानामेई थेकी खोल्‍ला माफ तेरग्‍यो,’ सिन सिदुक।

शक्ति काम 9:17

थेमे हननिया थे खोरोङला ग्‍युक साबाते मि खाम्‍बापा गाल्‍गीन शावलला ठेता खासुङ। थेमे थेकी थे लाक्‍तु लाक्‍पा ज्‍यागीन थेला “भाइ शावल, देपा ओङजीन खोरोङगी लामनापा ठेताते प्रभु येशूकीराङ था खुई मिगी थोङा थुप्‍स्‍यीत थेमे परमेश्‍वर आत्‍मा ङेत्‍ला खो परमेश्‍वर आत्‍मेकी खाङाते मि ओङस्‍यीत सिन ङाला दुरू ताङाते ईन,” सिन सासुङ।

शक्ति काम 9:19

थेमे शावलगी याङराङ साप थुङा सोसुङ। थेमे थे तङरेङ खासुङ। थेरूकी टिक्‍पी दिन शावल दमस्‍कसदु येशू चेलाओनताङराङ देत्‍सुङ।

शक्ति काम 9:8

थेमे शावलगी रिल्‍सादुकी लाकीन च्‍याकीन मिक पेत्‍कीन ता चाल्‍सुङ। तर थे मिक मोथोङच्‍या गाल्‍गीन सिन्‍दा ओतान। थोगी र्‍वातेबेकी थेला लाक्‍पाला जुम्‍गीन डोरे खाईन दमस्‍कसपा टीकीन खेरसुङ।

२ कोरिन्‍थी 3:14

थेजीन इस्राएलीओन छ्याःङ मोखोच्‍या गाला ओतान। थेबा थोरूमोङ थोकराङ ओतेकी मोशेकी टिबाते परमेश्‍वर नियम पढे खित्‍जीन थेबेकी छ्याःङ मोखोदुक। ख्रीष्‍टकी छ्य्‌वापेईकामा थे बात लेमु खाला खोबा थुप्‍क्‍यो।

२ कोरिन्‍थी 4:6

परमेश्‍वरगी सा नाम जोजीन “मुन्‍दाकते ठाउँदु नाम्‍दाक ओङस्‍यीत,” सिन साबा ओतान। होथोक सिरकान्‍ते परमेश्‍वरगीराङ मुन्‍दाकते ठाउँदु नाम्‍दाक ओङ च्‍युताच्‍योक खाईन थे खोरोङ सु ईन्‍दे थेमे थेत्ताङ चुक छ्येज्‍यीक शक्ति ओते सिन ङुरूङला छ्या स्‍ये च्‍युत्‍सुङ। दि बात ङुरूङगी ख्रीष्‍टला ताकीन छ्या स्‍येबाते ईन।