शक्ति काम 8:9 - जिरेल

⁹ थे सारदुराङ शिमोन सिराज्‍यीक मिङ ओतान। जादू तेन्‍गीन थेमे स्‍येबा खाबे काम खाईन थेकी थेरू सामरी गाङेला अचम्‍ब लाङा ओतान। थेचेन थे खोरोङताङ छ्येज्‍यीक शक्ति ओत सिराच्‍योक खाला आउदी छ्ये खिन ओतान।

शक्ति काम 8:9 Iomraidhean Croise

यूहन्‍ना 7:18

दाक्‍पोनगी जोबाते बात लोप्‍कान्‍ते मिकीचेन ज्‍येनगी थे खोरोङला मान खित्‍स्‍यीत सिन लोप्‍क्‍यो। तर थे खोरोङला तोङकान्‍तेला मिओनगी मान खित्‍स्‍यीत सिन काम खित्‍कान्‍ते मिकीचेन ईन्‍दाते बातकामा खिओ, मेन्‍दाते बात सिराते थेकी दोक्‍पोईओङ मिक्‍किओ।

शक्ति काम 13:6

थेबा सुमबो थे लुङबा खाङ युगीन पाफोस सारदु लेप्‍सुङ। थेरू थेबेकी बार-येशू सिराई यहूदीज्‍यीक ठेत्‍सुङ। थे जादू देन्‍कानताङ स्‍येबा खाबे काम खित्‍कान ओतान। थेकी थे खोरोङ परमेश्‍वर बात खित्‍कान्‍ते मि ईन सिन ज्‍येनला मेन्‍दे बात लोप्‍कीन ओतान।

शक्ति काम 13:8

थोक खाला थेबा ङिबोला परमेश्‍वर बात लोपाला कातोङजीन बार-येशूकी थुप थुपला थे हाकिमला शावलताङ बारनाबासकी खाबाते बात ईनराङ मेन्‍दे बात ईन सिन येशूला विश्‍वास खित मुज्‍युता चाल्‍सुङ। बार-येशूलाचेन मिओनगी एलुमास सिनोङ सिरच्‍येते खिन ओतान। एलुमास साबाते जादू देन्‍कानताङ स्‍येबा खाबे काम खित्‍कान्‍ते साबाते ईन।

शक्ति काम 5:36

गोमा गोमा ओङाते बादोङ ख्‍योकोनगी ठेम्‍बा खि। च्‍यि सासीन गोमा बाजिई थूदास सिरातेकी ङा ङाराङ ईन सिराच्‍योक खाईन मिओनला थे खोरोङ छ्य्‌वापा लै खित च्‍युता ओतान। झन्‍दै मेन्‍दा सय स्‍यीजो मि थेत्ताङ डिगीन ख्‍याम्‍बा ओतान। तर तिरी थेला सेत्‍नामेकी थेत्ताङ ख्‍याम्‍कान्‍ते मिओन जहाँसुकै छरपुट्ट गाल्‍गीन थाराङ तोरगीन गाला ओतान।

शक्ति काम 8:11

थोङलामेई थेकी जादू तेन्‍दाते थोङकान्‍ते मि गाङेराङ छक्‍के खाबा ओतेकी थे छ्य्‌वापाराङ लै खाबा ओतान।

२ थिस्‍सलोनिकी 2:4

परमेश्‍वर छ्येते शत्रुचेन होथे मिराङ ओङगो। था थेकी वाला चुक खिते सासीन गाङे भन्‍दा छ्येते थे खोरोङराङ ईन्‍दाच्‍योक खाला परमेश्‍वरला थेमे मिओनगी ल्‍हा लु सिन माने खिन वाबाते सुङलाङ थेमे छ्याःङलाङ माने खिता मेङगो सिन सिओ। दोस्‍यिककामा मेन, परमेश्‍वर मन्‍दिर नाङ स्‍यूला थेकी गाङेला थे खोरोङराङ परमेश्‍वर ईन साला थेरूराङ देत्‍क्‍यो।

२ तिमोथी 3:2

थेजीन मिओनगी खालि दाक्‍पोन विचारकामा खिओ, गाङेराङ पैसे लोभलाकामा स्‍यूइओ। थेबेकी ङा ङाराङ ईन सिन धाक लै खिओ थेमे छ्ये खिओ। थेजीन मिओनगी मेन्‍दे बातला ज्‍येनला दोष लै खिओ, आबा आमेकी लाःपा कोताते मेङेनो, खोपरोङला लेमु खित्‍कानला लेमु खासुङ सिराच्‍योक मिक्‍किओ थेमे परमेश्‍वरला मन परे मिक्‍किच्‍येते कामकामा खिओ।

२ तिमोथी 3:5

थेबा परमेश्‍वरला माने खित्‍कान्‍ते मि ईन सिरा च्‍योकराङ खाला ख्‍याम्‍ग्‍यो। तर लेमु खाईन तासीन थेबेकी परमेश्‍वरला खोपरोङ सेमदु काम खित माच्‍युत्‍ला थेला मन परे खित्‍च्‍येते सिराते कामज्‍यीगोङ मिक्‍किओ। थोक्‍ते मिओनताङ साङ माकेत।

२ पत्रुस 2:18

च्‍यिला सासीन थेबेकी काम लै खित्‍च्‍येते बात सिराते छ्याःङ मोलोबो। खोपरोङ जे बादोङ छ्या स्‍येकान ईन सिराच्‍योक खाला आउदी छ्ये छ्ये बात खिओ। दाक्‍पोन खुशी खिन दि सा लुङबे मिओनगी खित्‍च्‍येते च्‍योक्‍ते खिता मेङच्‍या ङोचा लाङच्‍येते काम खिता ताङगीन भर्खर भर्खर परमेश्‍वरला विश्‍वास खिताला स्‍यूबाते मिओनला दिबेकी होथोक्‍ते काम खासीन छ्याःङ मेङगो साला लोक्‍ला गोमा खाबाते होथोक्‍ते कामराङ खित ज्‍युत्‍कीदुक।

छ्या स्‍ये च्‍युताते बात 22:15

थे सारगी फिनामाचेन फेत्‍कान्‍ते कि च्‍योकराङ मेलेबा खित्‍कान्‍ते मिओन, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍ते मिओन, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍ते मिओन, मि सेत्‍कान्‍तेबा, ल्‍हा लुला माने खित्‍कान्‍तेबा थेमे ढाँर खिताला छ्याःङ च्‍योक मिक्‍किकान्‍ते मिओनकामा देत्‍क्‍यो।