शक्ति काम 8:5 - जिरेल

⁵ थेबे नाङ फिलिपचेन सामरिये अञ्‍चलते सारज्‍यीक्‍तु गाल्‍गीन थेरू मिओनला परमेश्‍वरगी तोङगो साबाते ख्रीष्‍ट येशूराङ ईन सिन थे बातओन लोपाला स्‍यूसुङ।

शक्ति काम 8:5 Iomraidhean Croise

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

शक्ति काम 21:8

ङारो च्‍योक्‍ते ङ्योकोन थेबाताङ ठाल्‍गीन सिजरियापा गालाप। थेरू ङ्योकोन फिलिप खाम्‍बादु गाल्‍गीन देताप। थेचेन ठाउँ ठाउँला गाल्‍ला गा लाङच्‍येते बात लोप्‍कान्‍ते मि ओतान। गोमा यरूशलेमदु येशूला विश्‍वास खित्‍कान्‍तेबाला मद्धत तेराला छाने खाबातेबा मेरा दुईनगी नाङ थेङ दोक्‍पोई ओतान।

शक्ति काम 5:42

थे तिरीङ थेबेकी गा लाङच्‍येते बात लोपा ताङराङ माताङसुङ। ङीमे ठाङमा परमेश्‍वर मन्‍दिरदु थेमे मि खाम्‍बा खाम्‍बाला गाल्‍ला येशू परमेश्‍वरगी तोङगो साबाते ख्रीष्‍टराङ ईन सिन दि बात मिओनला लोप्‍कीनराङ देत्‍सुङ।

शक्ति काम 6:5

दि बात गाङेला सेमला गाल्‍सुङ। थेमे थेबेकी खोपरोङ नाङदुई मेराज्‍यीकचेन स्‍तिफनस सिरातेला छाने खासुङ। थेचेन येशूकी जेङ खिता थुप्‍क्‍यो सिन थेला आउदी खाला विश्‍वास खित्‍कानज्‍यीक थेमे परमेश्‍वर आत्‍मेकी खाङाते मि ओतान। थेबेकी छाने खाबाते ज्‍येन मेरा ठुकचेन फिलिप, प्रखरस, निकनोर, तीमोन, पर्मिनास थेमे निकोलाउस सिरातेन्‍दे ओतान। निकोलाउसचेन एन्‍टिओखिया सारगी मि ओतान। ज्‍येन जातकी मि ईन्‍सीनोङ थेकी यहूदी धर्म माने खिताला स्‍यूबा ओतान।

शक्ति काम 8:1

थेमे थे छोमुमेकीराङ छ्ये छ्ये मिकी यरूशलेमदु जम्‍मा ओङकान्‍ते येशू ख्रीष्‍ट मिओनला आउदी खाईन दुक्‍पा तेराला स्‍यूसुङ। थोगी थेबाबरी यरूशलेमदुकी फ्रोकीन छरपुट्ट गाल्‍गीन यहूदियाताङ सामरिये अञ्‍चल नाङपा गाल्‍गीन देत्‍सुङ। खालि येशू ख्रीष्‍टकी खटे खाबाते मिओनकामा थेरूराङ देत्‍सुङ।

शक्ति काम 8:26

थेमे फिलिपला प्रभु परमेश्‍वर दूतज्‍यीगी “लो खो था दक्षिण छ्य्‌वामा ग्‍युक। थेमा यरूशलेमदुकी गाजामा डोच्‍येते लामनापा खाला ग्‍युक। थे लामला खाम्‍बा युल खापाङ छ्याःङ मेत सिन खोल्‍ला छ्या ओत,” सिन बात खासुङ।

शक्ति काम 8:30

थोक सानामेकी थे छ्य्‌वाकीन गाल्‍गीन बग्‍गी खानापा लेप्‍सुङ। थेमे थेरू थे मिकी परमेश्‍वर बात खित्‍कान्‍ते यशैयेकी टिबाते बात पढे खिता थोकीन थेकी थेला “हजूर, च्‍यि खुई थाल्‍ला पढे खिन ओताते बातकी अर्थ खोकीदुक?” सिन ठिसुङ।

शक्ति काम 8:40

फिलिपकीचेन थे खोरोङ अश्‍दोद सिरसादु ख्‍योलातेकामा थाहा छ्येत्‍सुङ। थेमे थे थेरूकी सिजरिये सारनापा डोजीन लामला फाप्‍च्‍येते सार सारला गा लाङच्‍येते बात लोप्‍कीन गाल्‍सुङ।

शक्ति काम 8:6

थेकी साबाते बातताङ खाबाते अचम्‍बते कामओन थोङगीन मि गाङेकी थेकी लोप्‍कीन ओताते बाततेबा आउदी लेमु खाईन ङेन्‍दाला स्‍यूसुङ।

शक्ति काम 9:20

येशूला विश्‍वास खिताला स्‍यूक्‍पाईताङ शावल थेरू ओताते यहूदीओनते मिटिङ खित्‍च्‍येते खाम्‍बे नाङपा गाल्‍गीन थेरू जम्‍मा ओङाते मिओनला येशू परमेश्‍वर फुज्‍युङराङ ईन सिन लोपाला स्‍यूसुङ।

१ कोरिन्‍थी 1:23

दोक ईन्‍सीनोङ ङ्योकोनचेन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिन मिओनला लोप्‍क्‍यो। दि बात लोप्‍जीन यहूदीओनचेन दिनी परमेश्‍वर विरोध खाबाते ईन सिन स्‍येदाङ खिदुक। थेमे ग्रीकओनचेन दि लेम्‍बे बात ईन सिन ङेनराङ मेङेन्‍दुक।

१ कोरिन्‍थी 2:2

बरू ङेनी येशू ख्रीष्‍ट सु ईन्‍दे सिरच्‍येतेताङ थेला स्‍यिङगी थामला टाँए खाईन सेताते बातकामा लोप्‍च्‍ये टुङ्गो खाईन थे बातकामा ख्‍योकोनला लापाप।

१ कोरिन्‍थी 3:11

थेमे ङुरूङते तिङाते जगचेन येशू ख्रीष्‍टकामा ईन। सुङगीङ था ज्‍येन जग दिङा मुथुबो।