शक्ति काम 8:22 - जिरेल

²² खुई दोक मेलेबा विचार खाबेकी प्रभु परमेश्‍वरला प्रार्थना खाला माफ नाङ खि। थोक खासीन ना थेकी खुई पाप माफ तेरगीता।

शक्ति काम 8:22 Iomraidhean Croise

शक्ति काम 17:30

ईन्‍दानी मिओनगी थे सु ईन्‍दे, चुक्‍ते ईन्‍दे सिन लेमु खाईन छ्या मास्‍येकीन मूर्तितेबा जोकीन थेला माने खासीनोङ थातासाक थेकी सजाय माबिन्‍सुङ। थाचेन थेकी गाङेपा मि गाङेला खोपरोङ पापी दुका सिन छ्या स्‍येला थे छ्य्‌वापा लै खि सिन साबा ओत।

शक्ति काम 2:38

ठिजीन पत्रुसकी “था ख्‍योकोन गाङेकी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे येशू ख्रीष्‍ट मिनगी छ्य्‌वापेई बप्‍तिस्‍मा लोङ। थेमे परमेश्‍वरगी ख्‍योकोन पापतेबा माफ तेरग्‍यो। थेमे ख्‍योकोनगी परमेश्‍वर आत्‍मा ङेत्‍क्‍यो।

शक्ति काम 3:19

थाचेन ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक खासीन प्रभु परमेश्‍वरगी ख्‍योकोन पाप माफ तेरग्‍यो। थेमे थेकी ख्‍योकोनला आशी बिन्‍ला ढुक्‍क खाला देत ज्‍युत्‍क्‍यो।

शक्ति काम 8:20

थेकी थोक खित्‍जीन पत्रुसकी थेला “परमेश्‍वरगी मिओनला छ्याःङ मिलिन्‍दा खाला तेरच्‍येते परमेश्‍वर आत्‍मा पैसा च्‍याल्‍ला ङेत्‍कीतासीन सिन साबाप? खो चुकस्‍यिक ओता ईन्‍दाका। खुई पैसा खोत्ताङराङ स्‍योक। खोनी स्‍यिला नरककुण्‍डमा डोरस्‍यीत।

शक्ति काम 9:11

प्रभु येशूकी “लो खो दुरूकी सीधा सिराते लामनापा ग्‍युक। थेमे थेरू यहूदे खाम्‍बादु गाल्‍ला टार्ससपे शावल सिराते मिला ठेता खिता नाङ सि। शावलचेन थेरू देत्‍ला परमेश्‍वरला प्रार्थना खिन दुक।

रोमी 2:4

ख्‍योकोनलाचेन खेराङ लेमु मि ईन्‍गीनका परमेश्‍वरगी आउदी दया खाला लेमु खिन ओताते ईन सिराच्‍योक लाङगीतासीन। तर बात दोक मेन। ख्‍योकोनगी खेराङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनका परमेश्‍वरगी थरिङसाक छ्याःङ मिक्‍किता खाईन देताते ईन सिन ख्‍योकोनगी छ्या स्‍येबा खि।

हिब्रू 4:12

च्‍यिला सासीन परमेश्‍वर बातकी छ्य्‌वापेई मिओनगी जुनी ङेत्‍क्‍यो। दि बातकी छ्य्‌वापेकी परमेश्‍वरगी मि नाङ काम खिओ। ठाउँ ङिकारपा धार खाबाते आउदी नोम्‍बोते तरवारगी मिला रोपे खासीन दोन्‍नापेई ल्‍हाकनापासाकराङ फोत तोला थुप्‍क्‍यो थेमे रूबाताङ जोर्नीतेबा टाल्‍ला नाङदु ओताते काङ समेत देन्‍दा थुप्‍क्‍यो। होदोक्‍ते तरवार भन्‍दाङ परमेश्‍वर बातकी छ्य्‌वापेई परमेश्‍वरगी खित्‍च्‍येते काम खापान खापान छ्ये ईन। दि बातकी छ्य्‌वापेईराङ सुइँदेकी खाबाते कामताङ बात मिकी दाक्‍पोनगी खाबाते ईन्‍दाना परमेश्‍वर आत्‍मेकी खित च्‍युताते ईन्‍दे सिन डेला थुप्‍क्‍यो थेमे सुई च्‍यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्‍क्‍यो।

छ्या स्‍ये च्‍युताते बात 2:21

ङे थेला थोक माकेत साकीन थोक खिता थोङ सिन याङ याङ मौकाङ बिन्‍दाप। तर थेकी माङेन्‍सुङ।