शक्ति काम 8:12 - जिरेल

¹² तर थेरू फिलिप वाकीन मिओनला परमेश्‍वर राज्‍यते गा लाङच्‍येते बात लोप्‍कीन येशू ख्रीष्‍ट बात लाप्‍नामेई मि गाङेकी फिलिप बात ङेन्‍दाला स्‍यूबा ओतान। थेमे फिलिप बात ङेन्‍कान्‍ते ख्‍योओ मि, फेम्‍मे मि गाङेकी बप्‍तिस्‍मा लासुङ।

शक्ति काम 8:12 Iomraidhean Croise

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

लूका 9:2

थेमे थेकी थेबाला “ठाउँ ठाउँला गाल्‍ला परमेश्‍वर राज्‍य सिराते च्‍यिन्‍दे, थेकी चुक खाला राज्‍य खिते सिन लोप थेमे नाबाते मिओनला ठाक्‍पा खि,” सिन सिदुक।

लूका 9:60

थेमे येशूकी थेला “रो दिक्‍च्‍येतेनी परमेश्‍वरगी खि साबाते माङेन्‍गीन थे लाईदु स्‍याप छेतराङ गालाते मिओनगीङ खिता थुप्‍क्‍यो। खुईचेन गाल्‍ला परमेश्‍वर राज्‍य बात मिओनला लोप,” सिन सिदुक।

शक्ति काम 1:3

थे खोरोङगी भोगे खिता फाप्‍च्‍येते दुक्‍पातेबा भोगे खाईन स्‍यिइन सिन्‍नामेई थे खोरोङ साँच्‍चीराङ सोम्‍बो लोक्‍पाते दुका सिन थे खोरोङगी खटे खाबाते मिओनगी लेमु खाला छ्या स्‍येस्‍यीत सिन थेकी याङ याङ थेबाताङ ठेता खाबा ओतान। थोक खाला ङीमा खाल ङिसाक थेबाताङ ठेत्‍जीन थेकी थेबाला परमेश्‍वर राज्‍य बादोङ लाप्‍कीन बिन्‍सुङ।

शक्ति काम 11:20

थोक ईन्‍सीनोङ कोई कोईकीचेन एन्‍टिओखियापा गाल्‍गीन ग्रीकओनलाङ प्रभु येशू बात लाप्‍सुङ। थोक खित्‍कान्‍तेबाचेन साइप्रस लुङबाताङ साइरेनी सारगी मिओन ओतान।

शक्ति काम 18:8

पावलगी लापाते बात ङेन्‍गीन क्रिस्‍पसताङ थे खाम्‍बे मि गाङेकी प्रभु येशूला विश्‍वास खिताला स्‍यूसुङ। क्रिस्‍पसचेन होथे मिटिङ खित्‍च्‍येते खाम्‍बेते छ्येते मि ओतान। पावलगी लोप्‍कीन ओताते बात ङेन्‍गीन कोरिन्‍थदु ज्‍येनोङ मि काल्‍बेईकी प्रभु येशूला विश्‍वास खाईन बप्‍तिस्‍मा लासुङ।

शक्ति काम 19:5

पावलगी दि बाततेबा लाप्‍कीन बिन्‍नामेकी थे मिओनला प्रभु येशू मिनगी छ्य्‌वापेई बप्‍तिस्‍मा बिन्‍सुङ।

शक्ति काम 2:38

ठिजीन पत्रुसकी “था ख्‍योकोन गाङेकी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे येशू ख्रीष्‍ट मिनगी छ्य्‌वापेई बप्‍तिस्‍मा लोङ। थेमे परमेश्‍वरगी ख्‍योकोन पापतेबा माफ तेरग्‍यो। थेमे ख्‍योकोनगी परमेश्‍वर आत्‍मा ङेत्‍क्‍यो।

शक्ति काम 2:41

पत्रुस बात ङेन्‍कान्‍तेबाला पत्रुसबेकी छ्युला लुगीन बप्‍तिस्‍मा बिन्‍सुङ। थेबा मेन्‍दा हजार सुमजो ओतान। थोक खाईन थे छोमु थेबाङ येशूला विश्‍वास खित्‍कान्‍ते मिओनताङ थपे खासुङ।

शक्ति काम 20:21

यहूदी ईन्‍स्‍यीत, ग्रीक ईन्‍स्‍यीत ङे गाङेला ओर्च्‍ये ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि थेमे प्रभु येशूला विश्‍वास खि सिन साबा ओत। ङे दोक दोक खाबा ओतान सिन ख्‍योकोन गाङेला छ्याराङ ओत।

शक्ति काम 20:25

था ङुरूङ ठेत्‍च्‍येते दोस्‍यिकराङ ईन्‍दासीन। ङे परमेश्‍वर राज्‍य बात लापाते थोकान्‍तेबा ख्‍योकोन सुङगीङ था लोक्‍ला ङाला नोमुङ मेठेदो।

शक्ति काम 28:31

थेमे थेकी ज्‍यीबाराङ मिक्‍किता खाला परमेश्‍वर राज्‍य बात च्‍यि ईन्‍दे सिन प्रभु येशू ख्रीष्‍ट बात लोप्‍कीन ओतान। थोक माकेत सिन सुङगीङ थेला छ्याःङ सिन मेतान।

शक्ति काम 5:14

खोले खोले होथेबे नाङदुईराङ ख्‍योओ मि, फेम्‍मे मि काल्‍बेईकी प्रभु येशूला विश्‍वास खिताला स्‍यूसुङ। थेमे थेबाङ येशूला विश्‍वास खित्‍कान्‍ते मिओनताङराङ डिगीन ख्‍याम्‍बाला स्‍यूसुङ।

शक्ति काम 8:4

यरूशलेमदुई छरपुट्ट गाल्‍गीन गालाते मिओनगी खोपरोङ गाल्‍सा गाल्‍साला मि गाङेला गा लाङच्‍येते बात लोपाला स्‍यूसुङ।

रोमी 10:10

च्‍यिला सासीन थेला पक्‍काराङ विश्‍वास खित्‍कान्‍ते मिओनला थेकी दोषी मेन सिओ। थेमे ज्‍येनगी दोन्‍दु प्रभु येशूराङ छ्ये ईन सिन सिरकान्‍तेबाला परमेश्‍वरगी पापकी सजाय मेतेरो।

१ कोरिन्‍थी 11:11

बात दोक ईन्‍सीनोङ प्रभु येशूताङ जीउज्‍यीकराङ ओङाते मिओन बातराङ खिइ सासीन फेम्‍मे मि मेताला ख्‍योओ मिङ मेङगो, ख्‍योओ मि मेताला फेम्‍मे मिङ मेङगो।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

१ पत्रुस 3:21

थे भलदुकी थोक खाईन नूहताङ थे मिओन सोन्‍दाते बातचेन थरिङोला परमेश्‍वरगी मिला पापदुकी डेल्‍च्‍येते बप्‍तिस्‍मा तेरच्‍येते बातताङ डिइओ। चुक खाला सासीन छ्युला लुक्‍ला बप्‍तिस्‍मा तेरच्‍येते काम ठु खाला जीउकी ङेक्‍च्‍युक क्‍युरच्‍येते च्‍योक मेन। बप्‍तिस्‍मा लिन्‍कान्‍ते मिकीनी परमेश्‍वरगी ङाला पापदुकी टाल्‍ला ङे सेम लेमु जोरस्‍यीत सिन बप्‍तिस्‍मा लिन्‍च्‍येते ईन। परमेश्‍वरगी थोक्‍ते मिला पापदुकी डेल्‍च्‍येतेचेन येशू ख्रीष्‍ट सोम्‍बो लोक्‍पा ओतेकीराङ ईन।