शक्ति काम 8:1 - जिरेल

¹ थेमे थे छोमुमेकीराङ छ्ये छ्ये मिकी यरूशलेमदु जम्‍मा ओङकान्‍ते येशू ख्रीष्‍ट मिओनला आउदी खाईन दुक्‍पा तेराला स्‍यूसुङ। थोगी थेबाबरी यरूशलेमदुकी फ्रोकीन छरपुट्ट गाल्‍गीन यहूदियाताङ सामरिये अञ्‍चल नाङपा गाल्‍गीन देत्‍सुङ। खालि येशू ख्रीष्‍टकी खटे खाबाते मिओनकामा थेरूराङ देत्‍सुङ।

शक्ति काम 8:1 Iomraidhean Croise

मत्ती 22:6

झन ज्‍येनतेबेकीचेन थे गेल्‍बो मिओनला जुम्‍गीन दुकीन सेत्‍तुक्‍लो।

मत्ती 23:34

च्‍यिला सासीन था ङा ख्‍योकोन नाङ परमेश्‍वर बात खित्‍कान्‍ते मिओन, आउदी बुद्धि ओताते मिओन थेमे परमेश्‍वर बात लोप्‍कान्‍तेबाला तोङगो। थेबे नाङ ख्‍योकोनगी कोईला सेत्‍क्‍यो, कोईला स्‍यिङगी थामला टाँए खाला सेत्‍क्‍यो, कोईला खेराङ मिटिङ खित्‍च्‍येते खाम्‍बे नाङला खेरला कोर्रा लै खिओ थेमे कोईलाचेन थेबा जुन जुन सारदु डुइदुक थेरू थेरूराङ गाल्‍ला थेङलेकी उरला तोङगो।

मत्ती 5:13

थेमे दि सा लुङबे मि दोन्‍दु ख्‍योकोनचेन छा च्‍योक्‍ते ईन। तर दि बात टोक माज्‍येत। छेते छाप्‍टो तोरसीन थे छेते च्‍यि काम, याङराङ च्‍यिकी थे छा छाप्‍टो जोच्‍ये? दोक्‍ते छानी छ्याःङ काम लै मिक्‍किओ सिन क्‍युरग्‍यो। थेमे क्‍युरसादु गाङेकी ङेन्‍ला झन छ्याःङ काम लै मिक्‍किच्‍या जोइओ।

यूहन्‍ना 15:20

‘सुइँदे काम खित्‍कान्‍ते मि मालिकते भन्‍दा छ्ये मेन,’ सिन ङे ख्‍योकोनला गोमाका साबाते बात ठेम्‍बा खि। च्‍यि सासीन ङाला च्‍योकराङ मिओनगी ख्‍योकोनलाङ खेदापानी खिओ। थेमे ङे साबाते ङेन्‍दा च्‍योकराङ मिओनगी ख्‍योकोनगी साबाते बादोङ ङेन्‍ग्‍यो।

यूहन्‍ना 16:2

था खेराङ छ्ये छ्ये मिकी ख्‍योकोनला मिटिङ खित्‍च्‍येते खाम्‍बादु ओङा मेङेत्‍च्‍या खाला तेन्‍ला तोङगो। सिइ सासीन दोक्‍ते बेलाङ ओङगो। चुक सासीन ख्‍योकोनला सेत्‍कान्‍ते मिकीनी परमेश्‍वरला मन परे खित्‍च्‍येते कामका खिन ओत सिन विचार खिओ।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

शक्ति काम 13:1

एन्‍टिओखियादु जम्‍मा ओङकान्‍ते येशू ख्रीष्‍ट मिओन नाङ कोई परमेश्‍वर बात खित्‍कान थेमे कोईचेन परमेश्‍वर बात लोप्‍कान ओतान। थेबाचेन बारनाबास, काला सिराते शिमियोन, साइरेनीपे लुसियस थेमे मनेनताङ शावल ओतान। मनेनचेन हेरोद गेल्‍बोताङराङ हुर्के खाबा ओतान।

शक्ति काम 13:36

गेल्‍बो दाऊदकीचेन थे खोरोङ पालो मिओनला परमेश्‍वरगी थे खोरोङला खित च्‍युता च्‍योकराङ खाला राज्‍य खिन ओतान। उमेर छाङनामेकी थे स्‍यिसुङ। थेमे थेला थे खोरोङ पुर्खाओन दिसे खादुराङ दिसुङ। थेमे थे दाक रूल्‍गीनोङ गाल्‍सुङ।

शक्ति काम 2:47

थोक खाला छ्वाला रूला थेबाचेन जहिलेङ परमेश्‍वरते जय जय खिन ओतान। ज्‍येन ज्‍येनगीङ थेबाला लेमु मि ईन सिन मान खिन ओतान। थेमे प्रभु येशूकी थे खोरोङ छ्य्‌वापा लै खित्‍कान्‍ते मिओनला पापदुकी टाल्‍ला थे खोरोङला विश्‍वास खित्‍कान्‍ते मिओन ङीमे ठाङमा फेल ज्‍युत्‍कीन ओतान।

शक्ति काम 22:20

थेमे खुई बात लोप्‍कान्‍ते स्‍तिफनसला दोईकी ग्‍याप्‍ला सेत्‍जीन ङाङ थोक खित्‍कान्‍तेबाताङ खुशी ओतान। थेला थोक खाला सेत्‍कान्‍ते मिओनते लाक्‍तु खोन्‍दाते खोलाकतेबा ङेराङ स्‍युबाप। गोमा ङे थोक थोक खाबाते दुरू मिओनला गाङे छ्याराङ ओत,’ सिन साबाप।

शक्ति काम 26:10

चुक सासीन छ्ये छ्ये पूजारी अधिकार ङेत्‍कीन ङे यरूशलेमदु ओताते परमेश्‍वर सन्‍तान काल्‍बेईला जेलला लुक्‍पाप। थेमे होथोक्‍ते मिला सेता फाप्‍क्‍यो सिरकान्‍तेबाताङराङ डिगीन ङेङ होथेबाला सेत च्‍युताप।

शक्ति काम 5:18

थेमे थेबेकी थाचेन दिबाला खइँदाज्‍यीक माक्‍याबाला मायाङसुङ सिन थेबाला जुम्‍गीन खेरगीन जेलला लुक्‍सुङ।

शक्ति काम 5:20

“लो ग्‍युक, था ख्‍योकोनगी परमेश्‍वर मन्‍दिरपा गाल्‍ला येशूकी नोमुङ मिसिन्‍च्‍येते जुनी तेरग्‍यो सिरच्‍येते बात मिओनला लेमु खाला लोप,” सिन ताङसुङ।

शक्ति काम 5:33

थेबेकी दोक सिरजीन थेरू ओताते छ्ये छ्ये मि गाङेला स्‍येदाङगी मे बारसुङ। थोगी थेबेकी थेबाला सेत्‍च्‍ये ठो खासुङ।

शक्ति काम 5:40

थेकी साबाते बात थेरू ओताते छ्ये छ्ये मि गाङेला सेमला गाल्‍सुङ। थेमे थेबेकी येशू ख्रीष्‍टकी खटे खाबाते मिओनला लोईन नाङने काताङगीन पुलिसओनला दुङ च्‍युत्‍कीन च्‍याकीन “लो थरिङमेकी लोक्‍ला नोमुङ येशू बात छ्याःङ सुङलाङ मालोप। दि बात लोपा मेङगो,” साकीन थेरूकी ताङसुङ।

शक्ति काम 7:38

थेमे ङुरूङ पुर्खाओन थोक खाला ठाःकताङ बालुवा बाई छ्याःङ मेत्‍सादु सीनै बोमगी चावादु जम्‍मा ओङला देते बेलाला मोशाङ थेरू ओतान। थेमे मोशा सीनै बोमने गाल्‍नामेकी परमेश्‍वर दूतज्‍यीगी थेत्ताङ ठेत्‍कीन बात खाबा ओतान। थेजीनराङ परमेश्‍वर दूतकी थेला नोमुङ फरक परे मिक्‍किच्‍येते बात ओताते नियम बिन्‍दा ओतान। थे नियम ङुरूङ पुर्खाओन लाईदुकामा मेन्‍देकी ङुरूङ लाईदुङ बिन्‍दा ओतान।

शक्ति काम 7:54

स्‍तिफनसकी दोक दोक सानामेई थेरू ओताते छ्ये छ्ये पूजारी, धर्मे गुरूओन थेमे इस्राएल छ्ये छ्ये मि गाङेला स्‍येदाङगी मे बारसुङ। थेमे था दिला खइँदा माक्‍याबाला मायाङसुङ सिन थेबा स्‍येदाङगी सा थाक्‍पाला स्‍यूसुङ।

शक्ति काम 7:58

थेला जुम्‍गीन ठुत्‍कीनकामा सारदुकी तेन्‍गीन खेरगीन दोईकी देक्‍पाला स्‍यूसुङ। स्‍तिफनसकी चुक चुक खासुङा सिन गोमा साक्षी बके खित्‍कान्‍तेबेकी खोपरोङगी लाक्‍तु खोन्‍दाते खोलाकतेबा शावल सिराते स्‍याराते मिज्‍यीकला तो सिन बिन्‍गीन ज्‍याक्‍सुङ।

शक्ति काम 8:14

थेमे यरूशलेमदु ओताते येशू ख्रीष्‍टकी खटे खाबाते मिओनगी सामरियादु ओताते मिओनगीङ परमेश्‍वर बात ङेन्‍दुक्‍लो सिरा थोसुङ। थोगी थेबेकी खोपरोङ नाङदुई पत्रुसताङ यूहन्‍नाला सामरियापा तार ताङसुङ।

शक्ति काम 8:2

स्‍तिफनस रोचेन परमेश्‍वरला माने खित्‍कान्‍ते मिओनगी खेरगीन दिबा ओतान। थेमे थेबा आउदी खाईन पीर खाबा ओतान।

शक्ति काम 8:4

यरूशलेमदुई छरपुट्ट गाल्‍गीन गालाते मिओनगी खोपरोङ गाल्‍सा गाल्‍साला मि गाङेला गा लाङच्‍येते बात लोपाला स्‍यूसुङ।

शक्ति काम 8:5

थेबे नाङ फिलिपचेन सामरिये अञ्‍चलते सारज्‍यीक्‍तु गाल्‍गीन थेरू मिओनला परमेश्‍वरगी तोङगो साबाते ख्रीष्‍ट येशूराङ ईन सिन थे बातओन लोपाला स्‍यूसुङ।

शक्ति काम 9:31

थे तिरी यहूदिया, गालील थेमे सामरिये अञ्‍चल नाङला ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लेमु ओङसुङ। था थेबाला सुङगीङ दुक्‍पा तेरगीन मेतान। प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेबेकी झन झन लेमु खाईन थेला विश्‍वास खिताला स्‍यूसुङ। परमेश्‍वर आत्‍मेकी थेबाला आँट बिन्‍सुङ। दोक खाईन थेबा झन झन फेल्‍गीन ड्वाप्‍ला स्‍यूसुङ।

रोमी 1:32

होथोक्‍ते मेलेबा काम खित्‍कान्‍ते गाङेकी सजाय ङेत्‍ला स्‍या फाप्‍क्‍यो सिन परमेश्‍वर नियमला साबाते बात छ्या ओत्‍कीन ओत्‍कीनोङ मिओनगीचेन खोपरोङकामा मेलेबाते काम खिन देत्‍च्‍येते मेनगी ज्‍येनगी थोक्‍ते काम खाबा थोङजीन थेबेकी चुक लेमु खासुङा सिन गाका खिओ।

फिलिप्‍पी 1:12

थेमे आज्‍यो न्‍वावे, ङाला जेलदु ज्‍याक्‍पातेनी लेमुका ओङसुङ। ङाला जेलदु ज्‍याक्‍नामेई झन काल्‍बेई मिकी गा लाङच्‍येते बात थोबा ओत।

हिब्रू 11:27

थे खोरोङला मिश्रे गेल्‍बो लाःक्‍तुकी जोए खिओ सिन परमेश्‍वरला विश्‍वास खाईन थे मिश्रे गेल्‍बोताङ छ्याःङ ज्‍यीबा मिक्‍किता खाईन मिश्रे लुङबादुई थेन्‍गीन ख्‍याम्‍सुङ। मि मिगी थोङा मुथुप्‍च्‍येते परमेश्‍वरला थेकी थे खोरोङ मिगी दोन्‍दुराङ थोङाच्‍योक खाईन थे लुङबादुई थेन्‍गीन ख्‍याम्‍सुङ।