शक्ति काम 7:8 - जिरेल

⁸ अब्राहामताङ थे सन्‍तानओनला खाबाते जमान पक्‍काराङ ईन सिन छ्या स्‍येस्‍यीत सिन परमेश्‍वरगी अब्राहामला जीउला खतकी चिनु जोर च्‍युत्‍सुङ। तिरी अब्राहामते फुज्‍युङज्‍यीक केसुङ। केबाते ङीमा गेतकी छोमु थेकी थे खोरोङ फुज्‍युङ इसहाकलाङ खतकी चिनु जोकीन बिन्‍सुङ। तिरी इसहाककीङ थे खोरोङ फुज्‍युङ याकूबला खतकी चिनु जोकीन बिन्‍सुङ। थोकराङ खाईन याकूबकीङ थे खोरोङ फुज्‍युङ च्‍युन्‍ङीला थे चिनु जोकीन बिन्‍दा ओतान। याकूब फुज्‍युङ च्‍युन्‍ङी छ्य्‌वापेकीराङ ङुरूङ थर च्‍युन्‍ङी ज्‍युज्‍यु पुर्खा ओङाते ईन सिन ख्‍योकोनलाङ छ्याराङ ओत।

शक्ति काम 7:8 Iomraidhean Croise

मत्ती 1:2

चुक सासीन अब्राहाम फुज्‍युङ इसहाक ओतान। थेमे इसहाक फुज्‍युङ याकूब ओतान। याकूब फुज्‍युङबाचेन यहूदा थेमे थे आज्‍यो न्‍वाओन ओतान।

यूहन्‍ना 7:22

मोशेकी ख्‍योकोनला जीउला खतकी चिनु जोच्‍येते नियम बिन्‍दा ओतान। ईन्‍दानी दि चलन ख्‍योकोन ज्‍युज्‍यु पुर्खे पालोमेईराङ चले खिन वाबाते ईन। खेराङ फुज्‍युङला दि चिनु जोच्‍येते दिन सन्‍चारी छोमु फाप्‍सीन ख्‍योकोन थे छोमुराङ थे चिनु जोइदुक।

शक्ति काम 2:29

थेमे आज्‍यो न्‍वावे, होदि बात खित्‍कान्‍ते ङुरूङ पुर्खा दाऊद गेल्‍बो बातनी ङुरूङ गाङेला लेमु खाला छ्याराङ ओत। थेनी स्‍यिइन दाक रूल्‍गीनोङ गाल्‍सुङ। थेला दिबाते थुर्सा थोरूमसाकोङ ङुरूङ दोन्‍दु ओत्‍कीन ओत।

रोमी 4:10

परमेश्‍वरगी थेला नाम दोक साबा ओताने? थेकी जीउला खतकी चिनु जोनामेईना माजोबालाराङ सिन ङुरूङगी छ्या स्‍येबा फाप्‍क्‍यो। थे थोक्‍ते मि ईन सिननी परमेश्‍वरगी थे चिनु माजोबालाराङ साबा ओतान।

गलाती 3:15

आज्‍यो न्‍वावे, था ङुरूङ दि बातज्‍यीक विचार खाला तेइ। सुइँदा मिकी था थे खोरोङ बात नोमुङ खुदुक मोजोओ सिन सही छाप खाईन सुइँदाला खइँदा च्‍वासुङ सासीन तिरी थेकी थोक खाबाते मेन सिन नोमुङ सिरा मेङेदो।

गलाती 3:17

बात च्‍यि सासीन परमेश्‍वरगी अब्राहामताङ जमान खानामेई लो सय स्‍यीताङ खालज्‍यीकताङ च्‍युताम्‍बा तिरीकामा यहूदीओनला थे खोरोङ नियम बिन्‍दा ओतान। थे नियम बिन्‍दा ईन्‍सीनोङ थेकी गोमाका जस्‍तो खिओ सिन जमान खाबा ओतान थोकराङ खिओ। थेकी जमान खाबा च्‍योकराङ मिक्‍किच्‍या ईन्‍दा ईन्‍सीन थेकी आशी तेरग्‍यो सिन साबाते बात बातकामा ओङच्‍या ओतान।

हिब्रू 7:4

ङुरूङ ज्‍युज्‍यु अब्राहामगी थे खोरोङगी लडाइँला ग्‍याल्‍गीन ठ्वाकीन खुलाबाते जेसुकै नाङ बो च्‍युताम्‍बेते बोज्‍यीक टाल्‍गीन थेला बिन्‍दा ओतान। थोगी थे अब्राहाम भन्‍दाङ छ्ये ईन सिन लेमु खाला छ्या स्‍येकीदुक।