शक्ति काम 6:9 - जिरेल9 तर कोई कोई यहूदीला थेकी खाबाते कामताङ बात लेमु मालाकीन थेबा थेत्ताङ माडिक्सुङ। थेबेते मिटिङ खित्च्येते खाम्बाङ खोपरोङते खुदुकराङ ओतान। थेबाला योक्पो योङमु खित्सादुई ताङाते मि ईन सिन सिरच्येते खिन ओतान। साइरेनीताङ अलेक्जेन्ड्रिया सार थेमे सिलिसियाताङ एशिये अञ्चल नाङपेकी वाकीन देताते ज्येन ज्येन यहूदीङ दिबाताङ डिक्पा ओतान। होदिबा गाङेराङ डिगीन स्तिफनसकी खाबाते बात ङेन्दा ओङच्येते मेन सिन थेत्ताङ टेकाटेउरी खासुङ। Faic an caibideil |
शक्ति काम 6:9
27 Iomraidhean Croise
च्यिला सासीन था ङा ख्योकोन नाङ परमेश्वर बात खित्कान्ते मिओन, आउदी बुद्धि ओताते मिओन थेमे परमेश्वर बात लोप्कान्तेबाला तोङगो। थेबे नाङ ख्योकोनगी कोईला सेत्क्यो, कोईला स्यिङगी थामला टाँए खाला सेत्क्यो, कोईला खेराङ मिटिङ खित्च्येते खाम्बे नाङला खेरला कोर्रा लै खिओ थेमे कोईलाचेन थेबा जुन जुन सारदु डुइदुक थेरू थेरूराङ गाल्ला थेङलेकी उरला तोङगो।
दि बातओन छ्या स्येला ख्योकोन च्याङबो खाला देत। थेजीन ज्येनगी ख्योकोनला जुम्ला मिटिङ खित्च्येते खाम्बादु ओताते अड्डे छ्ये छ्ये मि दोन्दु केल्ग्यो। थेरू क्याल्ला ख्योकोनला दुङगो। दोस्यिककामा मेन, ख्योकोनला रोमी गेल्बो हाकिमओन थेमे गेल्बोओन दोन्दुङ केल्ग्यो। ङे मि ईन्देकीराङ ख्योकोनला दोक दोक खिओ। थेजीन ख्योकोनगी थेबाला खेराङ च्यिला ङाला विश्वास खिते सिन लाःपा ङेत्क्यो।
थोक थोक ओङा भन्दा गोमा मिओनगी ख्योकोनला जुम्ला आउदी दुक्पा तेरग्यो। थेबेकी ख्योकोनला मिटिङ खित्च्येते खाम्बादु ओताते अड्डे मि दोन्दु केल्ग्यो। थेमे जेलदुङ लु ज्युत्क्यो। दोस्यिककामा मेन, ख्योकोनला गेल्बोओनताङ रोमी गेल्बो हाकिमओन दोन्दुङ केल्ग्यो। ङे मि ईन्देकीराङ ख्योकोनला दोक दोक खिओ।
थेमे थेबेकी दोक सिन चिट्ठीज्यीक टिकीन थेबे लाःक्तु बिन्गीन ताङसुङ। थे चिट्ठीला च्यि सिन टिबा ओताने सासीन “दि चिट्ठीचेन एन्टिओखियादु थेमे सिरियाताङ सिलिसियादु ओताते ख्योकोन ज्येन ज्येन जातकी आज्यो न्वाबा गाङे लाईदु टिबाते ईन। ख्योकोन गाङेला येशू ख्रीष्टकी खटे खाबाते मिओन थेमे दुरू ओताते येशू ख्रीष्ट मिओनला ताकान्ते मि ङ्योकोन गाङेते नमस्ते ओत।
थेकी थेबाला “ङाङ यहूदीराङ ईन। ङा सिलिसिये अञ्चलते टार्सस सारदु केबाते ईन्सीनोङ दुरू यरूशलेमदुराङ हुर्के खाबाते ईन। गमलिएलचेन ङे गुरू ओतान। ङुरूङ ज्युज्यु पुर्खाला बिन्दाते परमेश्वर नियम चुक खाला ङेन्दा फाप्कीते सिन थेकी ङाला गाङे आउदी लेमु खाईन लाप्कीन बिन्दा ओतान। थेमे थे नियम बातओन ङे गाङे लेमु खाईन ङेन्दाप। परमेश्वरला माने खिते लाईदु थरिङ ख्योकोनगी ङाला दुक्पा बिन्दा च्योकराङ ङेङ ज्येनला दुक्पा बिन्दा ओतान।
थेमे ङा चोके खाईन गाल्गीन मन्दिरदु परमेश्वरला चढे खिता फाप्च्येतेबा चढे खाईन सिन्दे बेलाला एशिये अञ्चलदुकी वाबाते कोई कोई यहूदीकी ङाला थेरू थोङाते ईन। थे बेलाला ङात्ताङ थेरू काल्बेई मिङ मेतान। थेमे थेरू छ्याःङ हूलदङ्गाङ ओङा मेतान। थेरू ङे खइँदा मेलेबा कामताङ बात खाबा ईन्सीन ङाला थोङकान्ते होथे मिओनका दुरू बयान तेराला ओङा फाप्च्या ओतान।
थेमे बाजिताङ बाजि यहूदीओनते मिटिङ खित्च्येते खाम्बा खाम्बाला गाल्गीन थेबेकी येशूला विश्वास खिता ताङला थे विरोध खित्स्यीत सिन ङे थेबाला आउदी खाईन दुक्पा बिन्दाप। थेबाला थोङजीन ङाला टिक्पीई स्येदाङनी लाङगीन मेतान। यरूशलेमदुकामा मेन्देकी मि लुङबाला सार सारला समेदोङ गाल्गीन ङे थेला विश्वास खित्कान्तेबाला तेरासम्म दुक्पा बिन्दाप।
परमेश्वरगी थोक साबेकी च्यि था आउदी बुद्धि ओताते मिओन बुद्धि काम लै खित्च्या ओङसुङ? थेमे च्यि काल्बेई पढे खित्कान्तेबेकी था खइँदा खिता थुप्च्या ओङसुङरो? थोकराङ खाला च्यि थरिङोला बात खिताला आउदी सिपालु ओत्कान्तेबेकीङ था खइँदा खिता थुप्क्योतरो? दि सा लुङबे मिओनगी आउदी बुद्धिताङ सीप ओताते मि साबाते मिओन बुद्धि परमेश्वरगी छ्याःङ काम लै मिक्किच्या जोबा ओत।
Sanasan