शक्ति काम 6:8 - जिरेल

⁸ थे छाने खाबाते मेन्‍दा दुईनगी नाङ स्‍तिफनसलाचेन परमेश्‍वरगी आउदी खाईन आशी बिन्‍दा ओतान। थेला अचम्‍बते काम खित्‍च्‍येते शक्तिङ बिन्‍दा ओतान। थोगी थेकी मिओन नाङ छ्ये छ्येताङ अचम्‍बतेन्‍दे काम खिन ओतान।

शक्ति काम 6:8 Iomraidhean Croise

यूहन्‍ना 4:48

थे मिकी थोक खित्‍जीन येशूकी थेला “अचम्‍ब अचम्‍बतेन्‍दे काम माथोङथुपचेन ख्‍योकोनगी ङाला विश्‍वासराङ मिक्‍किदुक,” सिन सिदुक।

शक्ति काम 6:10

तर परमेश्‍वर आत्‍मेकी स्‍तिफनसला आउदी बुद्धि बिन्‍दा ओतेकी थेबेकी जतिराङ टेकाटेउरी खासीनोङ थेकी खाबाते बातला मेन सिन नोमुङ थेला ग्‍याला माथुप्‍सुङ।

शक्ति काम 6:15

थेबेकी थोक थोक सानामेई थेरू जम्‍मा ओङाते छ्ये छ्ये मि गाङेकी स्‍तिफनसला तासुङ। ताजीन थेबेकी थे छ्येत परमेश्‍वर दूतकीते च्‍योकराङ खाला टल्‍के खिन ओता थोङसुङ।

शक्ति काम 6:3

थोगी आज्‍यो न्‍वावे, ङुरूङगी च्‍यि खिइसे सासीन ख्‍योकोनगी खेराङ नाङ गाङेकी लेमु मि ईन सिन मन परे खाबाते मेन्‍दा दुईन मि छाने खि। थेबाचेन परमेश्‍वर आत्‍मेकी खाङाते मि ओङा फाप्‍क्‍यो। थेबा आउदी बुद्धि ओतातेन्‍दे ओङा फाप्‍क्‍यो। थेमे दि साच्‍या थुङच्‍या ताच्‍येते काम ङ्योकोन थेबाला जिम्‍मा तेरग्‍यो।

शक्ति काम 6:5

दि बात गाङेला सेमला गाल्‍सुङ। थेमे थेबेकी खोपरोङ नाङदुई मेराज्‍यीकचेन स्‍तिफनस सिरातेला छाने खासुङ। थेचेन येशूकी जेङ खिता थुप्‍क्‍यो सिन थेला आउदी खाला विश्‍वास खित्‍कानज्‍यीक थेमे परमेश्‍वर आत्‍मेकी खाङाते मि ओतान। थेबेकी छाने खाबाते ज्‍येन मेरा ठुकचेन फिलिप, प्रखरस, निकनोर, तीमोन, पर्मिनास थेमे निकोलाउस सिरातेन्‍दे ओतान। निकोलाउसचेन एन्‍टिओखिया सारगी मि ओतान। ज्‍येन जातकी मि ईन्‍सीनोङ थेकी यहूदी धर्म माने खिताला स्‍यूबा ओतान।

शक्ति काम 7:55

स्‍तिफनसचेन परमेश्‍वर आत्‍मेकी खाङा ओतेकी नामने ताजीन थेकी स्‍वर्गने परमेश्‍वर फेरोला मिगी ताराङ मुथुप्‍च्‍या झिलिमिली नाम्‍दाक थोङसुङ। येशूङ परमेश्‍वर सामे छ्य्‌वापा लाकीन देता ओता थोङसुङ।

शक्ति काम 8:6

थेकी साबाते बातताङ खाबाते अचम्‍बते कामओन थोङगीन मि गाङेकी थेकी लोप्‍कीन ओताते बाततेबा आउदी लेमु खाईन ङेन्‍दाला स्‍यूसुङ।

एफिसी 4:11

थेकीराङ मिओनला खुदुक खुदुकते काम खित्‍च्‍येते सीपताङ शक्ति बिन्‍गीन कोईला थे खोरोङगी खटे खाबाते मि थेमे कोईला परमेश्‍वर बात खित्‍कान्‍ते मि जोसुङ। थोकराङ खाईन कोईला ठाउँ ठाउँला गाल्‍ला गा लाङच्‍येते बात लोप्‍कान्‍ते मि थेमे कोईला परमेश्‍वर सन्‍तानओनला ताकान्‍ते थेमे परमेश्‍वर बात लोप्‍कान्‍ते मि जोसुङ।

१ तिमोथी 3:13

थेबेकी खोपरोङ काम लेमु खाईन खासीन ज्‍येनगी थेबाला लेमु मि ईन साला मान खिओ। थेमे खोपरोङगी येशू ख्रीष्‍टला विश्‍वास खाईन ङेन्‍दाते बात झन छ्याःङ ज्‍यीबा मिक्‍किता खाला लोपा थुप्‍क्‍यो।