शक्ति काम 6:6 - जिरेल

⁶ थेमे थेबेकी खोपरोङगी छाने खाबाते मेन्‍दा दुईनला येशू ख्रीष्‍टकी खटे खाबाते मिओन ओत्‍सादु खुला लिच्‍युङ। थेमे येशू ख्रीष्‍टकी खटे खाबाते मिओनगी थेबा मेन्‍दा दुईनबो लाक लाक्‍पा ज्‍यागीन प्रार्थना खाईन बिन्‍सुङ।

शक्ति काम 6:6 Iomraidhean Croise

मर्कूस 5:23

थेकी “गुरू, ङे फुमु स्‍यिमेसोमे गाल्‍गीन खाला बाक देता ओत। ओर्च्‍ये रकस्‍यिक गाल्‍ला खुई लाक्‍पा थे लाक ज्‍याक्‍ला नाङ। दोक खानामेई थे ठाक्‍ला सोन्‍ग्‍यो,” सिन सासुङ।

शक्ति काम 1:24

थेबा ङिबोला छाने खानामेई थेरू ओताते मिबरी गाङेकी “प्रभु, खो मि गाङे सेमगी बात छ्या स्‍येकान्‍ते ईन। थोगी था यहूदे साटोला खुई खटे खाबाते मिकी खित्‍च्‍येते काम खिताला ङ्योकोनगी छाने खाबाते दिबा ङिबो नाङ खाङला ज्‍य्‌वाच्‍ये ङ्योकोनला तेन्‍ला नाङ। यहूदाचेन थे खोरोङगी खिता फाप्‍च्‍येते काम माक्‍याकीन नरककुण्‍डमा गालाते बात खोल्‍ला छ्याराङ ओत,” सिन प्रार्थना खासुङ।

शक्ति काम 13:3

परमेश्‍वर आत्‍मेकी थोक सानामेई थेबेकी थोरूमोङ बर्त देत्‍कीन परमेश्‍वरला प्रार्थना खासुङ। थोक खाईन सिन्‍नामेकी थेबेकी बारनाबासताङ शावल लाक्‍तु लाक्‍पा ज्‍यागीन प्रार्थना खासुङ। थेमे परमेश्‍वर आत्‍मेकी थेबाला खि साबाते काम खिताला थेरूकी ताङसुङ।

शक्ति काम 19:6

थेमे थेकी थेबे लाक्‍तु लाक्‍पा ज्‍यागीन प्रार्थना खानामेई थेबेकी परमेश्‍वर आत्‍मा ङेत्‍सुङ। परमेश्‍वर आत्‍मा ङेत्‍नामेई थेबेकी खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ, परमेश्‍वरगी सिर च्‍युताते बादोङ खासुङ।

शक्ति काम 8:17

थोक खाईन थेबा ङिबोकी थेबे लाक्‍तु लाक्‍पा ज्‍यागीन प्रार्थना खानामेई थेबेकी परमेश्‍वर आत्‍मा ङेत्‍सुङ।

शक्ति काम 9:12

थेला ङे हननिया सिराते मि वाला खुई लाक्‍तु लाक्‍पा ज्‍याक्‍ला खुई मिक लोक्‍ला थोङा थुप्‍च्‍या जोला तेरग्‍यो सिन मिलाम खित ज्‍युताच्‍योक खाईन तेन्‍गीन बिन्‍दा ओत,” सिन सिदुक।

शक्ति काम 9:17

थेमे हननिया थे खोरोङला ग्‍युक साबाते मि खाम्‍बापा गाल्‍गीन शावलला ठेता खासुङ। थेमे थेकी थे लाक्‍तु लाक्‍पा ज्‍यागीन थेला “भाइ शावल, देपा ओङजीन खोरोङगी लामनापा ठेताते प्रभु येशूकीराङ था खुई मिगी थोङा थुप्‍स्‍यीत थेमे परमेश्‍वर आत्‍मा ङेत्‍ला खो परमेश्‍वर आत्‍मेकी खाङाते मि ओङस्‍यीत सिन ङाला दुरू ताङाते ईन,” सिन सासुङ।

१ तिमोथी 4:14

येशू ख्रीष्‍ट मिओनला ताकान्‍ते मिओनगी खुई गोःकी लाक लाक्‍पा ज्‍याक्‍ला प्रार्थना खिते बेलाला कोई कोईकी परमेश्‍वरगी खुई विषयला सिर च्‍युताते बात खाबा ओतान। थोक खाईन परमेश्‍वरगी खोल्‍ला सीप बिन्‍दा ओतान सिन खुई टोक ज्‍येता मेतासीन। थेकी खोरोङला दोक खाईन बिन्‍दाते सीप पित मोतोङा खाला लेमु खाला चले खिन देत।

१ तिमोथी 5:22

थेमे होत्ताराङ सुइँदे लाक्‍तु लाक्‍पा ज्‍याक्‍ला येशू ख्रीष्‍ट मिओनला ताच्‍येते कामगी जिम्‍मा मातेर। सु मि चुक्‍ते ईन्‍दे सिन छ्या मास्‍येबालाराङ थे जिम्‍मा बिन्‍सुङ थेमे थोक्‍ते मिकी खइँदा गल्‍ती खासुङ सासीन ज्‍येनगी खुईतेङ गल्‍ती ईन सिन सिओ। थोक मेङस्‍यीत सिन ताला पेलाकामा काम खि।

२ तिमोथी 1:6

बात दोक ईन्‍देकी था ङा खोल्‍ला च्‍यि सिते सासीन ङे खुई गोःकी लाक लाक्‍पा ज्‍याक्‍ला प्रार्थना खिते बेलाला परमेश्‍वरगी खोल्‍ला थे खोरोङ काम खिताला बिन्‍दाते सीप चले खिता नोमुङ मातोङ।

हिब्रू 6:2

छ्युला लुक्‍ला बप्‍तिस्‍मा तेरच्‍येते, ज्‍येनगी लाक्‍तु लाक्‍पा ज्‍याक्‍ला प्रार्थना खित्‍च्‍येते, स्‍यिनामेकी सोम्‍बो लोक्‍च्‍येते थेमे परमेश्‍वरगी तिरी चुक खाला मि गाङेते न्‍याय खिते सिरच्‍येते बातकामा खिन देता मेङगो।