शक्ति काम 6:5 - जिरेल

⁵ दि बात गाङेला सेमला गाल्‍सुङ। थेमे थेबेकी खोपरोङ नाङदुई मेराज्‍यीकचेन स्‍तिफनस सिरातेला छाने खासुङ। थेचेन येशूकी जेङ खिता थुप्‍क्‍यो सिन थेला आउदी खाला विश्‍वास खित्‍कानज्‍यीक थेमे परमेश्‍वर आत्‍मेकी खाङाते मि ओतान। थेबेकी छाने खाबाते ज्‍येन मेरा ठुकचेन फिलिप, प्रखरस, निकनोर, तीमोन, पर्मिनास थेमे निकोलाउस सिरातेन्‍दे ओतान। निकोलाउसचेन एन्‍टिओखिया सारगी मि ओतान। ज्‍येन जातकी मि ईन्‍सीनोङ थेकी यहूदी धर्म माने खिताला स्‍यूबा ओतान।

शक्ति काम 6:5 Iomraidhean Croise

मत्ती 23:15

ख्‍योकोन चुक्‍तेन्‍दे ईन्‍दाका। था ख्‍योकोनला आउदी मेलेबा ओङगो। ज्‍येन जातकी मि दोक्‍पोईलाकामा ईन्‍सीनोङ दाक्‍पोन यहूदी धर्मला लै खित ज्‍युताप सिन ख्‍योकोन दुक्‍पा खाला थारी थारीसाक डुइदुक। थेमे थोक्‍ते मि सुइँदा यहूदी धर्मे छ्य्‌वापा लै खानामेकी ख्‍योकोनगी थेला खेराङ भन्‍दाङ झन मेलेबा खित्‍कान जोइदुक। दोक खाला ख्‍योकोनगी थेलानी खेराङ भन्‍दाङ झन मेलेबा खित्‍कान जोला खेराङ च्‍योकराङ नरककुण्‍डमा स्‍यूक ज्‍युत्‍कीदुक।

शक्ति काम 11:19

स्‍तिफनसला सेत्‍नामेकी येशूला विश्‍वास खित्‍कान्‍तेबाला छ्ये छ्ये मिकी आउदी खाईन दुक्‍पा तेराला स्‍यूनामेकी यरूशलेमदुकी फ्रोकीन छरपुट्ट गालाते मिओन थारी थारीला ख्‍योला ओतान। थेबा लाला फोनिसिये नाङपा, लालाचेन साइप्रस लुङबे नाङपा लेपा ओतान। थोकराङ खाईन लाला लालाचेन एन्‍टिओखिये सारगी नाङपा गाला ओतान। थोक खाईन गाङेपा गालाते मि काल्‍बा च्‍योक्‍तेकी खालि खोपरोङ यहूदीओनलाकामा येशू बात लोपाला स्‍यूसुङ।

शक्ति काम 11:20

थोक ईन्‍सीनोङ कोई कोईकीचेन एन्‍टिओखियापा गाल्‍गीन ग्रीकओनलाङ प्रभु येशू बात लाप्‍सुङ। थोक खित्‍कान्‍तेबाचेन साइप्रस लुङबाताङ साइरेनी सारगी मिओन ओतान।

शक्ति काम 11:22

थेमे एन्‍टिओखियादु थोक खाईन ज्‍येन ज्‍येन जातकी मिकीङ येशूला विश्‍वास खिताला स्‍यूदुक्‍लो सिन यरूशलेमदु जम्‍मा ओङकान्‍ते येशू ख्रीष्‍ट मिओनगी थोसुङ। थेमे थेबेकी बारनाबासला थेपा चुक दुका सिन तार ताङसुङ।

शक्ति काम 11:24

बारनाबास लेमु मि ओतान। थेचेन परमेश्‍वर आत्‍मेकी खाङाते थेमे येशूकी जेङ खिता थुप्‍क्‍यो सिन थेला आउदी खाला विश्‍वास खित्‍कानज्‍यीक ओतान। थे एन्‍टिओखियादु देते बेलाला थे बात ङेन्‍गीन मि काल्‍बेईकी प्रभु येशूला विश्‍वास खिताला स्‍यूसुङ।

शक्ति काम 11:26

शावलला ठेत्‍नामेकी थेकी थेला एन्‍टिओखियापा लाकीन खुला लिच्‍युङ। थेमे थेबा ङिकाराङ लोज्‍यीकसाक पूरो थेरू येशू ख्रीष्‍ट मिओनताङ ङ्योम्‍बुराङ देत्‍कीन मि काल्‍बेईला येशू बात लाप्‍सुङ। मिओनगी येशू चेलाओनला गाङे भन्‍दा गोमा ख्रीष्‍टियान साबाते एन्‍टिओखियादुराङ ईन।

शक्ति काम 11:27

थे बेले नाङलाराङ परमेश्‍वर बात खित्‍कान्‍ते कोई कोई मि यरूशलेमदुकी एन्‍टिओखियापा लिच्‍युङ।

शक्ति काम 13:1

एन्‍टिओखियादु जम्‍मा ओङकान्‍ते येशू ख्रीष्‍ट मिओन नाङ कोई परमेश्‍वर बात खित्‍कान थेमे कोईचेन परमेश्‍वर बात लोप्‍कान ओतान। थेबाचेन बारनाबास, काला सिराते शिमियोन, साइरेनीपे लुसियस थेमे मनेनताङ शावल ओतान। मनेनचेन हेरोद गेल्‍बोताङराङ हुर्के खाबा ओतान।

शक्ति काम 15:22

याकूबकी थोक सानामेकी थेरू येशू ख्रीष्‍टकी खटे खाबाते मिओन, येशू ख्रीष्‍ट मिओनला ताकान्‍तेबा थेमे येशू ख्रीष्‍ट मि गाङेकी थे बात ङेन्‍गीन “लो था ङुरूङगी ङुरूङ नाङदुई कोई कोईला छाने खाला च्‍याला पावल थेमे बारनाबासताङराङ एन्‍टिओखियापा तोङगी,” सिन सल्‍लाह खासुङ। थेमे खोपरोङ नाङदुई बारसाबास सिराते यहूदाताङ सिलासला छाने खासुङ। थेबा ङिबोचेन थेरू खोपरोङ नाङ छ्येते मि ओतान।

शक्ति काम 2:4

थोक खाईन थेबा गाङेकी परमेश्‍वर आत्‍मा ङेत्‍कीन थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी परमेश्‍वर आत्‍मेकी खोपरोङला खित ज्‍युताच्‍योक च्‍योकराङ खाईन खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ।

शक्ति काम 21:8

ङारो च्‍योक्‍ते ङ्योकोन थेबाताङ ठाल्‍गीन सिजरियापा गालाप। थेरू ङ्योकोन फिलिप खाम्‍बादु गाल्‍गीन देताप। थेचेन ठाउँ ठाउँला गाल्‍ला गा लाङच्‍येते बात लोप्‍कान्‍ते मि ओतान। गोमा यरूशलेमदु येशूला विश्‍वास खित्‍कान्‍तेबाला मद्धत तेराला छाने खाबातेबा मेरा दुईनगी नाङ थेङ दोक्‍पोई ओतान।

शक्ति काम 22:20

थेमे खुई बात लोप्‍कान्‍ते स्‍तिफनसला दोईकी ग्‍याप्‍ला सेत्‍जीन ङाङ थोक खित्‍कान्‍तेबाताङ खुशी ओतान। थेला थोक खाला सेत्‍कान्‍ते मिओनते लाक्‍तु खोन्‍दाते खोलाकतेबा ङेराङ स्‍युबाप। गोमा ङे थोक थोक खाबाते दुरू मिओनला गाङे छ्याराङ ओत,’ सिन साबाप।

शक्ति काम 6:10

तर परमेश्‍वर आत्‍मेकी स्‍तिफनसला आउदी बुद्धि बिन्‍दा ओतेकी थेबेकी जतिराङ टेकाटेउरी खासीनोङ थेकी खाबाते बातला मेन सिन नोमुङ थेला ग्‍याला माथुप्‍सुङ।

शक्ति काम 6:3

थोगी आज्‍यो न्‍वावे, ङुरूङगी च्‍यि खिइसे सासीन ख्‍योकोनगी खेराङ नाङ गाङेकी लेमु मि ईन सिन मन परे खाबाते मेन्‍दा दुईन मि छाने खि। थेबाचेन परमेश्‍वर आत्‍मेकी खाङाते मि ओङा फाप्‍क्‍यो। थेबा आउदी बुद्धि ओतातेन्‍दे ओङा फाप्‍क्‍यो। थेमे दि साच्‍या थुङच्‍या ताच्‍येते काम ङ्योकोन थेबाला जिम्‍मा तेरग्‍यो।

शक्ति काम 6:8

थे छाने खाबाते मेन्‍दा दुईनगी नाङ स्‍तिफनसलाचेन परमेश्‍वरगी आउदी खाईन आशी बिन्‍दा ओतान। थेला अचम्‍बते काम खित्‍च्‍येते शक्तिङ बिन्‍दा ओतान। थोगी थेकी मिओन नाङ छ्ये छ्येताङ अचम्‍बतेन्‍दे काम खिन ओतान।

शक्ति काम 7:1

थेमे गाङे भन्‍दा छ्येते पूजारीकी स्‍तिफनसला “दिबेकी साबाते बात चुक ईन्‍दे ओना? च्‍यि खुई थोक थोक साबातेराङ ईन?” सिन ठिसुङ।

छ्या स्‍ये च्‍युताते बात 2:15

लोक्‍ला ख्‍योकोन नाङ कोई कोई निकोलाइटन सिराते पाटी मिओनगी लोप्‍च्‍येते बात ङेन्‍कानोङ दुक।

छ्या स्‍ये च्‍युताते बात 2:6

बातज्‍यीकचेन ख्‍योकोनगी लेमु खाला दुक। निकोलाइटन सिराते पाटी मिओनगी खित्‍च्‍येते कामचेन ङाला च्‍योकराङ ख्‍योकोनलाङ बान्‍दा गा मालाङदुक।