शक्ति काम 6:3 - जिरेल

³ थोगी आज्‍यो न्‍वावे, ङुरूङगी च्‍यि खिइसे सासीन ख्‍योकोनगी खेराङ नाङ गाङेकी लेमु मि ईन सिन मन परे खाबाते मेन्‍दा दुईन मि छाने खि। थेबाचेन परमेश्‍वर आत्‍मेकी खाङाते मि ओङा फाप्‍क्‍यो। थेबा आउदी बुद्धि ओतातेन्‍दे ओङा फाप्‍क्‍यो। थेमे दि साच्‍या थुङच्‍या ताच्‍येते काम ङ्योकोन थेबाला जिम्‍मा तेरग्‍यो।

शक्ति काम 6:3 Iomraidhean Croise

मत्ती 23:8

ङा ख्‍योकोनला च्‍यि सिते सासीन थेबेकी च्‍योक खाला ख्‍योकोनगीचेन सुङलाङ खेराङला गुरू साला मान खित माज्‍युत। च्‍यिला सासीन ख्‍योकोन गाङेते गुरू दोक्‍पोईकामा ओत। ख्‍योकोनबरीचेन सुङ छ्ये टेक्‍टे मेन, गाङेराङ आज्‍यो न्‍वा ईन।

यूहन्‍ना 21:23

थोगी ज्‍येन चेलातेबेकीचेन था होथे चेला मिस्‍यिओ सिन बात खिताला स्‍यूसुङ। थे स्‍यिराङ मिस्‍यिओ सिनचेन येशूकी साबा मेतान। थेकी खालि “थे था तिरी ङा ग्‍युरला ओङ ओङसाक सोन्‍लाराङ देत्‍स्‍यीत सिरच्‍येते ङे सेम ओत्‍सीनोङ दि बात खोल्‍ला च्‍यिला छ्या स्‍येबा फाप्‍सुङा?” सिन साबा ओतान।

शक्ति काम 1:15

येशूला विश्‍वास खित्‍कान्‍ते मिओन थोक खाला जम्‍मा ओङजीन ङीमाई मेन्‍दा खाल ठुकचो ओतान। थेमे पत्रुसकी थेबा गाङे दोन्‍दु लाकीन

शक्ति काम 1:21

बात दोक ईन्‍देकी था ङुरूङगी यहूदे साटोला मिज्‍यीक छाने खिता फाप्‍क्‍यो। थे मिचेन यूहन्‍नेकी मिओनला छ्युला लुक्‍ला बप्‍तिस्‍मा तेरच्‍येते काम खिते बेलामेकी प्रभु येशूला परमेश्‍वरगी स्‍वर्गने खेरे छोमुसाक ङ्योकोन च्‍योकराङ थेत्ताङ ङ्योम्‍बुराङ देत्‍कीन थेकी खाबाते कामताङ बाततेबा गाङे थोङातेताङ थोबाते ओङा फाप्‍क्‍यो। च्‍यिला सासीन थेकीङ ङ्योकोनगी च्‍योकराङ खाला प्रभु येशू स्‍यिसादुकी सोम्‍बो लोक्‍पाते बात मिओनला लोपा फाप्‍क्‍यो,” सिन सिदुक।

शक्ति काम 10:22

थेमे थेबा सुमबोकी “मिल्‍टेरी क्‍याप्‍टेन कर्नेलियसकी खोल्‍ला लाला खोरच्‍योक सिन ङ्योकोनला देपा ताङसुङ। थे परमेश्‍वरला आउदी खाला माने खित्‍कान्‍ते लेमु मि ईन। थेला यहूदीओनगीङ गाङेकी मन परे खाला दुक। खोल्‍ला थे खाम्‍बापा लाला खुलाला च्‍याला खुई साबाते बाततेबा ङेन सिन थेला परमेश्‍वर दूतज्‍यीगी सिदुक्‍लो। थोगी ङ्योकोन खोल्‍ला लिन्‍दाला देपा वाबाते ईन,” सिन सिदुक।

शक्ति काम 15:23

थेमे थेबेकी दोक सिन चिट्ठीज्‍यीक टिकीन थेबे लाःक्‍तु बिन्‍गीन ताङसुङ। थे चिट्ठीला च्‍यि सिन टिबा ओताने सासीन “दि चिट्ठीचेन एन्‍टिओखियादु थेमे सिरियाताङ सिलिसियादु ओताते ख्‍योकोन ज्‍येन ज्‍येन जातकी आज्‍यो न्‍वाबा गाङे लाईदु टिबाते ईन। ख्‍योकोन गाङेला येशू ख्रीष्‍टकी खटे खाबाते मिओन थेमे दुरू ओताते येशू ख्रीष्‍ट मिओनला ताकान्‍ते मि ङ्योकोन गाङेते नमस्‍ते ओत।

शक्ति काम 16:2

तिमोथीला लिस्‍त्राताङ आइकोनियम सारगी आज्‍यो न्‍वाओनगी लेमु मि ईन सिन मन परे खाबा ओतान।

शक्ति काम 2:4

थोक खाईन थेबा गाङेकी परमेश्‍वर आत्‍मा ङेत्‍कीन थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी परमेश्‍वर आत्‍मेकी खोपरोङला खित ज्‍युताच्‍योक च्‍योकराङ खाईन खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ।

शक्ति काम 22:12

थेजीन दमस्‍कसदु परमेश्‍वर नियम गाङे लेमु खाला ङेन्‍कान्‍ते हननिया सिराज्‍यीक मि ओतान। थे सारदु ओताते यहूदी गाङेकी थेला आउदी मान खिन ओतान। थेकी ङा ओत्‍सादु वाकीन

शक्ति काम 28:14

थेरू ङ्योकोनगी येशूला विश्‍वास खित्‍कान्‍ते कोई कोई आज्‍यो न्‍वाला ठेत्‍सुङ। थेबेकी ङ्योकोनला हप्‍ताईसाक थेरूराङ देत्‍की सिन ज्‍याक्‍सुङ। थोक खिन खिन ङ्योकोन रोमनापा गालाप।

शक्ति काम 6:2

दि बात छ्या स्‍येनामेकी येशू ख्रीष्‍टकी खटे खाबाते मेन्‍दा च्‍युन्‍ङीकी थेरू चेलातेबा गाङेला काताङगीन च्‍याकीन “था ङ्योकोनगी साच्‍या थुङच्‍येते बात तेइन देत्‍सीन परमेश्‍वर बात लोप्‍च्‍येते काम तोङा फाप्‍क्‍यो। दोक खिता लेमु मेङगो।

शक्ति काम 6:5

दि बात गाङेला सेमला गाल्‍सुङ। थेमे थेबेकी खोपरोङ नाङदुई मेराज्‍यीकचेन स्‍तिफनस सिरातेला छाने खासुङ। थेचेन येशूकी जेङ खिता थुप्‍क्‍यो सिन थेला आउदी खाला विश्‍वास खित्‍कानज्‍यीक थेमे परमेश्‍वर आत्‍मेकी खाङाते मि ओतान। थेबेकी छाने खाबाते ज्‍येन मेरा ठुकचेन फिलिप, प्रखरस, निकनोर, तीमोन, पर्मिनास थेमे निकोलाउस सिरातेन्‍दे ओतान। निकोलाउसचेन एन्‍टिओखिया सारगी मि ओतान। ज्‍येन जातकी मि ईन्‍सीनोङ थेकी यहूदी धर्म माने खिताला स्‍यूबा ओतान।

शक्ति काम 6:6

थेमे थेबेकी खोपरोङगी छाने खाबाते मेन्‍दा दुईनला येशू ख्रीष्‍टकी खटे खाबाते मिओन ओत्‍सादु खुला लिच्‍युङ। थेमे येशू ख्रीष्‍टकी खटे खाबाते मिओनगी थेबा मेन्‍दा दुईनबो लाक लाक्‍पा ज्‍यागीन प्रार्थना खाईन बिन्‍सुङ।

शक्ति काम 9:30

थेबेकी थोक खिता चालाते बात येशूला विश्‍वास खित्‍कान्‍ते ज्‍येन आज्‍यो न्‍वाओनगी थाहा छ्येत्‍कीन था थेला सेत्‍कीता सिन यरूशलेमदुकी सिजरियापा खेरसुङ। थेमे थेरूकी थेला थे खोरोङ सार टार्ससपा ताङसुङ।

१ कोरिन्‍थी 12:8

चुक सासीन परमेश्‍वर आत्‍मेकी कोईला परमेश्‍वर बातकी अर्थ खोले खित्‍च्‍येते बुद्धि बिन्‍दा ओङगो सासीन थेकीराङ कोईला परमेश्‍वरगी चुक खाला काम खिते सिन छ्या स्‍ये च्‍युताते बात लोप्‍च्‍येते शक्ति बिन्‍दा ओङगो।

१ कोरिन्‍थी 16:3

ङाचेन थेपा वाला थे पैसा केल ड्वाप्‍ला खेराङगी छाने खाबाते मिओनला थेबा सु ईन्‍दे सिन खालि चिट्ठीज्‍यीककामा टिला कुरला यरूशलेमपा तोङगो।

एफिसी 5:18

थेमे छ्याङ रक्‍सीकी जिला माख्‍याम। जा बेलाला मिकी छ्याःङ होस मोज्‍योबा खाला मेता मेता खिओ। बरू परमेश्‍वर आत्‍मेकी खाङाते मि ओङला काम खि।

१ तिमोथी 5:10

दोस्‍यिककामा मेन, थेबाचेन लेमु कामगी लाईदु मिन चले खाबाते मि ओङा फाप्‍क्‍यो। थोक साबाते च्‍यि सासीन फुज्‍युङ फुमुला लेमु खाईन हुर्के खाबाते, खाम्‍बादु वाबाते मिला लेमु खित्‍कान्‍ते, परमेश्‍वर सन्‍तानओन खाम्‍बादु ओङजीन काम्‍बा टुला तेरकान्‍ते, दुक्‍पा ओताते मिओनला ताकान्‍ते थेमे ज्‍येनोङ होदोक्‍ते लेमुते काम खित्‍च्‍ये छ्य्‌वापा स्‍येत खिन देताते फेम्‍मे मि ओङा फाप्‍क्‍यो।

याकूब 1:17

च्‍यि सासीन लेमुते सिराते जेसुकै ङुरूङला स्‍वर्गने देत्‍कान्‍ते आबा परमेश्‍वरगी तेरग्‍यो। मेलेबाते सिराते थेकी ङुरूङला छ्याःङ मेतेरो। दागार, ङीमाताङ कार्मा जोकान्‍ते थेराङ ईन। दागार ङीमा स्‍याराताङ गाबाच्‍योक खाला थे नोमुङ खुदुक मोन्‍डोओ।

३ यूहन्‍ना 1:12

डेमेत्रियसकीचेन लेमु कामकामा खिदुक सिन मि गाङेकी बात खिदुक। थेकी खाबाते काम ताला थे सत्‍यते बात ङेन्‍ला थेरू खि साबा च्‍योकराङ खित्‍कान्‍ते मि ईन सिन छ्या स्‍येकीदुक। ङ्योकोनोङ थे लेमु मि ईन सिन सिओ। ङ्योकोन मेन्‍दाते बात मिक्‍किओ सिन खोल्‍ला छ्याराङ ओत।