शक्ति काम 6:10 - जिरेल

¹⁰ तर परमेश्‍वर आत्‍मेकी स्‍तिफनसला आउदी बुद्धि बिन्‍दा ओतेकी थेबेकी जतिराङ टेकाटेउरी खासीनोङ थेकी खाबाते बातला मेन सिन नोमुङ थेला ग्‍याला माथुप्‍सुङ।

शक्ति काम 6:10 Iomraidhean Croise

लूका 1:17

थे परमेश्‍वर बात खित्‍कान्‍ते एलिया च्‍योकराङ ओङगो। एलियाताङ चुक्‍ते शक्ति ओताने होथे शक्ति थेत्ताङ ओङगो। प्रभु परमेश्‍वर दुरू ओङा भन्‍दा गोमा वाला थेकी दाक्‍पोन फुज्‍युङ फुमुताङ डिक्‍पा माथुपाते आबातेबाला लोक्‍ला थेबाताङ डिक ज्‍युत्‍क्‍यो। परमेश्‍वरगी साबाते मेङेन्‍कान्‍ते मिओनलाङ थोक खिन देता लेमु मेन सिन छ्या स्‍ये च्‍युत्‍ला परमेश्‍वरगी खि साबा साबा च्‍योकराङ खित ज्‍युत्‍क्‍यो। थेकी थोक खानामेई तिरी प्रभु परमेश्‍वर ओङे बेलाला मि गाङेराङ था परमेश्‍वर ओङगो सिन गुला देत्‍क्‍यो,” सिन सिदुक।

लूका 21:15

च्‍यिला सासीन थेजीन ङा ङाराङराङ ख्‍योकोनला चुक सिन बात खित्‍च्‍ये सिन बुद्धि तेरग्‍यो। थोक ओङनामेकी ख्‍योकोन विरोध खित्‍कान्‍तेबा सुङगीङ ख्‍योकोन बातला मेन सिरा मुथुबो, ख्‍योकोन बात साँचो मेन सिन थेबेकी छ्याःङ कारण तेरा मुथुबो।

यूहन्‍ना 7:46

ठिजीन थेबेकी “आबिई, ङ्योकोननी थेकी बात खाबा थोङगीनराङ ख्‍यारसुङ। थेकी च्‍योक खाईननी ङ्योकोनगीनी थातासाक सुङगीङ बात खिताराङ थोबा मेत,” सिन सिदुक।

शक्ति काम 5:39

दिबाला थोक खि सिन परमेश्‍वरगीराङ कोताते ईन्‍सीनचेन ख्‍योकोनते दिबाताङ छ्याःङ लै मिक्‍किओ। दोक ईन्‍देकी थेबाला छ्याःङ मेलेबा माकेत। दिबाला खइँदा खासीन खेराङका परमेश्‍वरला मेलेबा खित्‍कान्‍ते मि च्‍योक ओङोङ,” सिन सिदुक।

शक्ति काम 6:11

टेकाटेउरी खाईन थेला ग्‍याला माथुप्‍नामेई स्‍येदाङगी थेबेकी स्‍तिफनसकी परमेश्‍वरतेङ मोशेतेङ विरोध खासुङ सि सिन घूस बिन्‍गीन कोई कोईला लुसुङ। थेमे थेबेकीङ खोपरोङला लापा लापा च्‍योकराङ खासुङ।

शक्ति काम 6:9

तर कोई कोई यहूदीला थेकी खाबाते कामताङ बात लेमु मालाकीन थेबा थेत्ताङ माडिक्‍सुङ। थेबेते मिटिङ खित्‍च्‍येते खाम्‍बाङ खोपरोङते खुदुकराङ ओतान। थेबाला योक्‍पो योङमु खित्‍सादुई ताङाते मि ईन सिन सिरच्‍येते खिन ओतान। साइरेनीताङ अलेक्‍जेन्‍ड्रिया सार थेमे सिलिसियाताङ एशिये अञ्‍चल नाङपेकी वाकीन देताते ज्‍येन ज्‍येन यहूदीङ दिबाताङ डिक्‍पा ओतान। होदिबा गाङेराङ डिगीन स्‍तिफनसकी खाबाते बात ङेन्‍दा ओङच्‍येते मेन सिन थेत्ताङ टेकाटेउरी खासुङ।

शक्ति काम 7:51

ङे थाल्‍लासाक खाबाते बात थोकान ख्‍योकोन गाङेराङ जति सासीनोङ टेरेराङ मिक्‍किच्‍या स्‍यिङ दो च्‍योकराङ गाल्‍ला दुक। ख्‍योकोनते नामज्‍योक थुक्‍पु गाल्‍ला दुक। ख्‍योकोनचेन परमेश्‍वरगी साबाते ङेनराङ मेङेन्‍दुक। ख्‍योकोन खेराङ ज्‍युज्‍यु पुर्खा च्‍योकराङ गाल्‍ला दुक। थेबेकी खाबा च्‍योकराङ ख्‍योकोनोङ परमेश्‍वर आत्‍मेकी साबाते ङेनराङ मेङेन्‍दुक।

१ कोरिन्‍थी 2:4

ख्‍योकोनला येशू ख्रीष्‍ट सु ईन्‍दे सिरच्‍येतेताङ थेला स्‍यिङगी थामला टाँए खाईन सेताते बातओन लोप्‍जीन मिओनला बातकीराङ ल्‍वा थुप्‍कान्‍ते सिपालुते मिओनगी च्‍योक खाईन ङे ङाराङ बुद्धिकी मालाप बरू परमेश्‍वरताङ चुक छ्येज्‍यीक शक्ति ओते सिन ङेचेन परमेश्‍वर आत्‍मे छ्य्‌वापेई थे बातओन लापाप।