शक्ति काम 5:9 - जिरेल

⁹ थेमे पत्रुसकी थेलाङ “ख्‍योकोन ङिबोकी डिगीन च्‍याकीन ख्‍योकोनगी ढाँर खाबाते बात प्रभु येशू आत्‍मेकी च्‍यि छ्या स्‍येओङारो सिन चुक खाईन विचार खिता थुप्‍सुङा? लो खुई ख्‍योबोला दिक गालाते मिओन ग्‍युरगीन उथेमा गोई खादु लेप्‍सुङ। था थेबेकी खोल्‍लाङ खेरला दिइओ,” सिन

शक्ति काम 5:9 Iomraidhean Croise

मत्ती 4:7

थोक सिरजीनोङ येशूकी थेला “ ‘प्रभु परमेश्‍वरगी साबा च्‍योकराङ खित्‍च्‍या ईन्‍दाकाना मेन्‍दाका सिन नोमुङ थे सेम ता मेङगो,’ सिनोङ परमेश्‍वर बातला टिबा ओत,” सिन सिदुक।

लूका 16:2

थोगी थेला काताङगीन च्‍याकीन ‘खो ङे सम्‍पत्ति आउदी मनपरी खाला चले खित्‍च्‍याक्‍वा। था खो दुरू देता माफाबो। थरिङसाक हर हिसाब गाङे नाङ,’ सिन सादुक्‍लो।

शक्ति काम 15:10

था परमेश्‍वरगीराङ दोक खानामेकी ख्‍योकोनचेन च्‍यिला परमेश्‍वर भन्‍दाङ छ्ये ओङला थेबाला मोशेकी टिबाते परमेश्‍वर नियम ङेन्‍दा फाप्‍क्‍यो सिते? दोक खाला ख्‍योकोन च्‍यिला खुरा मुथुप्‍च्‍येते खुर्बु कुराच्‍योक खाला ङुरूङ ज्‍युज्‍यु पुर्खाताङ ङुरूङगी ङेन्‍दा माथुपाते नियम थेबाला ङेन ज्‍युता छोल्‍गीते?

शक्ति काम 5:6

थेमे हननिये रोचेन थेरू ओताते स्‍याराते मिओनगी वाकीन खोलाककी ठील्‍गीन फिनामा खेरगीन च्‍याकीन दिसुङ।

रोमी 10:15

लोक्‍ला थे बात लोप्‍कान्‍ते मिलाङनी थोक खि सिन सुइँदेकी तोङा फाप्‍सुङ मेनरो? तर थे बात लोप्‍कान्‍ते मिओन परमेश्‍वरगी ताङगीन सिन्‍दा ओत सिन परमेश्‍वर बातला “गा लाङच्‍येते बात लोप्‍कान्‍ते मि ओङजीन थोई लेमु ईन्‍दाका,” सिन साबा ओत।

रोमी 3:19

थेमे परमेश्‍वर नियमला खि साबाते बातबरी थे नियम ङेताते मिओनला खि साबाते ईन सिन ङुरूङला छ्याराङ ओत। थोक ईन्‍देकी ङे छ्याःङ गल्‍ती खाबा मेत सिन सुङगीङ सिरा मेङेदो। दि सा लुङबे मि गाङे दोषीराङ ईन्‍देकी गाङेकी परमेश्‍वर सजाय ङेत्‍क्‍यो।

१ कोरिन्‍थी 10:9

थेमे थेबा लाला लालेकी खाबाच्‍योक ङुरूङगीङ प्रभु परमेश्‍वरगी दोक खित्‍च्‍या ईन्‍दाकाना मेन्‍दाका थेमे थेकी ङुरूङगी खाबाते काम थोङच्‍या ईन्‍दाकाना मेन्‍दाका सिन थे सेम ता मेङगो। परमेश्‍वर सेम ताबेकी खित्‍सादु थेकी रूल लै खाईन थोक च्‍युत्‍कीन थेबाला स्‍यिर च्‍युता ओतान।