शक्ति काम 5:3 - जिरेल

³ थे पैसा खुलानामेई पत्रुसकी थेला “हननिया, खो च्‍यिला खाम्‍बादु पैसा ज्‍याक्‍ला स्‍यीङ च्‍वाबाते पैसा दोस्‍यिकराङ ईन सिते? दोक खाला च्‍यिला खो ल्‍हन्‍डीक गेल्‍बो शैतानताङ डिक्‍ला परमेश्‍वर आत्‍माला ढाँर खिता छोल्‍गीते? खुई च्‍यिला दोक खाबे?

शक्ति काम 5:3 Iomraidhean Croise

मत्ती 13:19

सोन देप्‍जीन कोई कोई लामला फाप्‍क्‍यो। लामला फाप्‍कीन छ्योज्‍युङमेकी तुकीन सोबाते सोन साबातेचेन स्‍वर्गे राज्‍य बात थोकान्‍तेबे नाङ थरीज्‍यीक मिला साबाते ईन। थोक्‍ते मितेचेन स्‍वर्गे राज्‍य बात ङेन्‍च्‍ये सेमराङ मेतेकी थे बात थोसीनोङ थे च्‍यि ईन्‍दे सिन लेमु खाला मोखोओ। थोक ईन्‍देकी मिला मेलेबा खित्‍कान्‍ते शैतानगी थेबेकी थोबाते बात होत्ताराङ टोक ज्‍येत ज्‍युत्‍क्‍यो।

लूका 22:3

थेमे येशू चेला च्‍युन्‍ङी नाङ यहूदा इस्‍करियोत सिराते सेमगी नाङ शैतान स्‍यूसुङ।

यूहन्‍ना 13:2

थे छोमु ग्‍वासे येशू थे खोरोङ चेलातेबाताङ साप साप्‍ला स्‍यूबा ओतान। थेमे शैतानगीचेन येशूला चुक खाला धोका तेरा फाप्‍कीते सिन शिमोन फुज्‍युङ यहूदा इस्‍करियोत सेमगी नाङ लाप्‍कीन बिन्‍गीन सिन्‍दा ओतान।

यूहन्‍ना 13:27

यहूदा इस्‍करियोतकी थे स्‍योबेन टुक्रा लिन्‍दाज्‍यीकताङ शैतान थे सेमगी नाङ स्‍यूसुङ। थेमे येशूकी थेला “खोरोङगी च्‍यि खिता फाप्‍च्‍या ओते थे होत्ता खि,” सिन सासुङ।

शक्ति काम 5:2

थेमे स्‍यीङ च्‍वाबाते पैसा टिक्‍पीस्‍यिक खोपरोङला सिन हननियेकी खाराक्‍पा ब्‍वाकीन ज्‍याक्‍सुङ। थोक खाबाते फेम्‍मेतेलाङ छ्या ओतान। थेमे थेकी खाम्‍बादु ज्‍यागीन बाँकी देताते पैसाचेन येशू ख्रीष्‍टकी खटे खाबाते मिओनला खेरगीन बिन्‍सुङ।

शक्ति काम 5:4

खोल्‍ला थे स्‍यीङ छ्वा सिन सुङगीङ साबा मेतान। थेमे थे च्‍वासीनोङ ङेताते पैसा खोरोङ खुशी खिता ङेत्‍च्‍या ओतान। स्‍यीङगी पैसा गाङे दोस्‍यिकराङ ईन सिन सिरा खुई चुक खाईन थुप्‍सुङा? खुईनी मिओनला ढाँर खाबाते मेन, परमेश्‍वरलाका ढाँर खाबाते ईन,” सिन सिदुक।

शक्ति काम 5:9

थेमे पत्रुसकी थेलाङ “ख्‍योकोन ङिबोकी डिगीन च्‍याकीन ख्‍योकोनगी ढाँर खाबाते बात प्रभु येशू आत्‍मेकी च्‍यि छ्या स्‍येओङारो सिन चुक खाईन विचार खिता थुप्‍सुङा? लो खुई ख्‍योबोला दिक गालाते मिओन ग्‍युरगीन उथेमा गोई खादु लेप्‍सुङ। था थेबेकी खोल्‍लाङ खेरला दिइओ,” सिन

याकूब 4:7

थोक ईन्‍देकी था ख्‍योकोनगी परमेश्‍वर अधीनला देत्‍ला थेकी खि साबा च्‍योकराङ खि। शैतानगी जे सासीनोङ थे बात ङेनराङ माङेन। दोक खानामेई ख्‍योकोनला दुक्‍पा तेरा ताङला शैतान दाक छ्योङगो।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।