शक्ति काम 5:2 - जिरेल

² थेमे स्‍यीङ च्‍वाबाते पैसा टिक्‍पीस्‍यिक खोपरोङला सिन हननियेकी खाराक्‍पा ब्‍वाकीन ज्‍याक्‍सुङ। थोक खाबाते फेम्‍मेतेलाङ छ्या ओतान। थेमे थेकी खाम्‍बादु ज्‍यागीन बाँकी देताते पैसाचेन येशू ख्रीष्‍टकी खटे खाबाते मिओनला खेरगीन बिन्‍सुङ।

शक्ति काम 5:2 Iomraidhean Croise

मत्ती 23:5

थेबेकीनी जे खासीनोङ खोपरोङगी खाबाते काम थोङला ज्‍येनगी खोपरोङ परमेश्‍वरला आउदी खाला माने खित्‍कान्‍ते मि दुका सिरस्‍यीत सिरच्‍ये सेमगीकामा खिओ। चुक सासीन थेबेकीचेन परमेश्‍वर नियम टिला जोदातेन्‍दे जन्‍तर च्‍योक जोला पाखुराताङ टाले लाई नाङला ठाला खोन्‍ला ख्‍याम्‍गीदुक। थोकराङ खाला खोलाकलाङ झुम्‍का रीम्‍बुतेन्‍दे ताप्‍ला खोन्‍गीदुक।

यूहन्‍ना 12:6

दुक्‍पा ङेताते मिओनला ङिङज्‍ये खितेकी थेकी थोक साबा मेतान। थेचेन चोर ओतान। थेबा गाङे पैसा ज्‍य्‌वाकान्‍ते थेराङ ओतान। थेमे थे खोरोङला गोबे बेलाला थेकी थे पैसाराङ थेन्‍ला चले खिन ओतान।

शक्ति काम 2:44

येशूला विश्‍वास खित्‍कान्‍तेबा गाङेराङ डिक्‍ला थुन्‍ला देत्‍कीन ओतान। थेबे नाङ खोपरोङताङ जेराङ ओत्‍सीनोङ दि ङेतेताङ थे खुईते सिरच्‍येते छ्याःङ ओङगीन मेतान।

शक्ति काम 4:37

थेमे थेकीङ थे खोरोङ स्‍यीङ च्‍वाकीन पैसाचेन येशू ख्रीष्‍टकी खटे खाबाते मिओनला खुलाकीन बिन्‍सुङ।

शक्ति काम 5:1

थेजीन हननिया सिराज्‍यीक मिङ ओतान। थे फेम्‍मे मिनचेन सफीरा ओतान। थेबा ङिबोकीङ खोपरोङ स्‍यीङज्‍यीक च्‍वासुङ।

शक्ति काम 5:3

थे पैसा खुलानामेई पत्रुसकी थेला “हननिया, खो च्‍यिला खाम्‍बादु पैसा ज्‍याक्‍ला स्‍यीङ च्‍वाबाते पैसा दोस्‍यिकराङ ईन सिते? दोक खाला च्‍यिला खो ल्‍हन्‍डीक गेल्‍बो शैतानताङ डिक्‍ला परमेश्‍वर आत्‍माला ढाँर खिता छोल्‍गीते? खुई च्‍यिला दोक खाबे?

शक्ति काम 5:8

थेमे पत्रुसकी थेलाङ “ङाला दि बात साँचो लोप्‍ते, च्‍यि ख्‍योकोन स्‍यीङ च्‍वाबाते पैसा दोस्‍यिकराङ ईन?” सिन ठिजीन थेकीङ “अँ हजूर, दोस्‍यिकराङ ईन,” सिन सिदुक।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

१ तिमोथी 6:10

च्‍यिला सासीन पैसे लोभकी खित्‍सादुराङ मिकी जेसुकै मेलेबा काम खित्‍च्‍येते ईन। पैसे लोभला स्‍यूकीन कोई कोईकी येशू ख्रीष्‍टला विश्‍वास खाईन ङेन्‍दाते बात ङेन्‍दा ताङला दुक। थोक खाबेकी खित्‍सादु थेबा हत्तेरिका ङे च्‍यिला थोक खाताका सिराच्‍योक गाल्‍गीन थेबे सेम पीरताङ तापकी छोला दुक।