शक्ति काम 5:11 - जिरेल

¹¹ थेरू थोक ओङाते बात थोनामेकी येशू ख्रीष्‍ट मिओन थेमे ज्‍येनोङ मि गाङे झन ज्‍यीबेकी आते खाईन थरावरी गाल्‍सुङ।

शक्ति काम 5:11 Iomraidhean Croise

शक्ति काम 19:17

थेबा पुनओनला ओङाते थे बात एफिससदु ओताते मि गाङेकी थोसुङ। थे बात थोनामेई यहूदी ईन्‍स्‍यीत, ग्रीक ईन्‍स्‍यीत गाङेला आउदी ज्‍यीबा लासुङ। थेमे प्रभु येशू आउदी छ्येते दुका सिन सिराला स्‍यूसुङ।

शक्ति काम 2:43

थोक थोङजीन मि गाङेराङ आते खिन ओतान। थेमे येशू ख्रीष्‍टकी खटे खाबाते मिओनगी अचम्‍बते काम काल्‍बेई खिन ओतान।

शक्ति काम 5:5

पत्रुसकी दोस्‍यिक सिराईताङ हननिया थेरूराङ ज्‍याङे रिल्‍गीन डोले स्‍यिसुङ। थोक ओङनामेकी दि बात थोकान गाङेराङ ज्‍यीबेकी थरावरी गाल्‍सुङ।

शक्ति काम 9:31

थे तिरी यहूदिया, गालील थेमे सामरिये अञ्‍चल नाङला ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लेमु ओङसुङ। था थेबाला सुङगीङ दुक्‍पा तेरगीन मेतान। प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेबेकी झन झन लेमु खाईन थेला विश्‍वास खिताला स्‍यूसुङ। परमेश्‍वर आत्‍मेकी थेबाला आँट बिन्‍सुङ। दोक खाईन थेबा झन झन फेल्‍गीन ड्वाप्‍ला स्‍यूसुङ।

फिलिप्‍पी 2:12

ङिङज्‍येते आज्‍यो न्‍वावे, थातासाक ख्‍योकोनगी ङे लाःपा कोता च्‍योकराङ खिन वाबा ओत। ङा ङ्योम्‍बु ओत्‍जीन खाबा च्‍योकराङ खाला ङ्योम्‍बु मेदेत्‍जीनोङ ङे लाःपा कोताते झन लेमु खाला ङेन्‍गीन देत। चुक सासीन खेराङ पापदुकी टालाते मि ईन सिराला ख्‍योकोनगी काम बात जे खासीनोङ परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खाला लेमुते कामताङ बातकामा खिन देत।

हिब्रू 11:7

नूहे बात विचार खि। छ्यार्बा ग्‍याप्‍ला भल ग्‍याक्‍यो सिरच्‍येते बात थे बेलासाक थेला छ्याःङ छ्या मेत्‍सीनोङ परमेश्‍वरगी साबाच्‍योक पक्‍काराङ खिओ सिन थेला विश्‍वास खाईन थेकी परमेश्‍वरगी कोताते ङेन्‍सुङ। थे खोरोङ थेमे थे खाम्‍बे मि सुङ भलगी नुप्‍ला स्‍या माफाप्‍स्‍यीत सिन थेकी पानीजहाजज्‍यीक जोसुङ। दोक खाईन परमेश्‍वरगी साबाते ङेन्‍गीन थेकी दि सा लुङबे मि ज्‍येनचेन दोषी ईन सिन तेन्‍गीन बिन्‍सुङ। थेमे थे खोरोङला विश्‍वास खाबेकी खित्‍सादु परमेश्‍वरगी थेला दोषी मेन सिन सासुङ।

हिब्रू 12:15

खेराङ सुङ खेराङला दया खित्‍कान्‍ते परमेश्‍वरताङ ठाला माफाप्‍स्‍यीत सिन ख्‍योकोन च्‍याङबो खाला देत। दोक माक्‍यासीन मेलेबा मेलेबा काम खिता सेम लाला ख्‍योकोन परमेश्‍वर छ्य्‌वापेई ठाल्‍ला डुइओ। थोक्‍ते मिकीचेन परमेश्‍वरला विश्‍वास खित्‍कान काल्‍बेईला ङ्ये ज्‍युत्‍क्‍यो।

हिब्रू 12:28

थोगी ङुरूङ नोमुङ तोरला मोन्‍डोच्‍येते परमेश्‍वर राज्‍यदु देता ङेत्‍च्‍या ओङा ओतेकी ङुरूङगी परमेश्‍वरला धन्‍यवाद सिरा फाप्‍क्‍यो। दोक खिन थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेकी साबा च्‍योकराङ खाला थेला माने खिता फाप्‍क्‍यो।

हिब्रू 4:1

परमेश्‍वरगी मिओनला थे खोरोङगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो सिन जमान खाबाते बात थोरूमोङ खुदुक गाला मेत। थेकी साबा च्‍योकराङ खाला देता ङेत्‍सादुई खेराङ सुङ माठाल्‍स्‍यीत सिन ङुरूङ च्‍याङबो खाला देता फाप्‍क्‍यो।

१ पत्रुस 1:17

थेमे परमेश्‍वरताङ प्रार्थना खित्‍जीन ख्‍योकोन थेला आबा सिन सिओ। थेकी सुङलाङ काका पाका मिक्‍किता खाला सुई चुक खाला दुका थे ताला न्‍याय खिओ। थोगी खेराङ दुरू मि लुङबे मि च्‍योकराङ ईन सिन सम्‍झे खाला सोन्‍ला देत देतसाकराङ ख्‍योकोनगी परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन लेमु खिन देत।

छ्या स्‍ये च्‍युताते बात 15:4

प्रभु, खोत्ताङ ज्‍यीबा मिक्‍किकान्‍तेताङ खोल्‍ला छ्ये मोजोकान्‍ते सु ओतेरो? सेमला पाप सिराते छ्याःङ मेताते खोकामा ईन। लुङबा लुङबे मि गाङेकी खुई दोन्‍दु वाला गुर्बु खाला से खिनकामा खोल्‍ला छ्ये जोइओ। च्‍यिला सासीन खुई खाबाते गाङे लेमुते कामतेबा गाङेकी थोङा ओत,” सिन ओतान।