शक्ति काम 4:2 - जिरेल

² थेमे थेबाबरी थेबा ङिबोताङ आउदी स्‍येदाङ खासुङ। च्‍यिला सासीन थेबा ङिबो येशू स्‍यिनामेकी लोईन सोम्‍बो लोक्‍पा ओत, थोगी स्‍याप्‍ते मिओनोङ सोम्‍बो लोइओ सिन मिओनला लोप्‍कीन ओतान।

शक्ति काम 4:2 Iomraidhean Croise

शक्ति काम 13:45

थोक काल्‍बेई मि थेरू वाबा थोङगीन थानी मि गाङे पावलताङ बारनाबास छ्य्‌वापाका लै खिताला स्‍यूसुङ सिन यहूदीओनला खोक्‍पो खाईन स्‍येदाङ लासुङ। थेमे थेबेकी थेरू ओताते मिओनला पावलगी खाबाते बात ईनराङ मेन्‍दे बात ईन सिन आउदी खाईन थे विरोध खिताला स्‍यूसुङ।

शक्ति काम 17:18

थे मि रूक्‍सादु इपिक्‍युरीताङ स्‍तोइकी सिरातेन्‍दे पाटी गुरूओनोङ ओतान। पावलगी लापाते येशू बात थेमे स्‍यिनामेकी याङराङ सोम्‍बो लोइओ सिरच्‍येते बात थोजीन थेत्ताङ छलफल खिन थेबे नाङ लालेकी “दि फतफते बादोङ च्‍यि ङेन्‍च्‍ये?” सिन सासुङ। लालेकीचेन “दिकी ज्‍येन लुङबे ल्‍हे बात खित्‍च्‍या ईन्‍दा च्‍यिन्‍दा,” सिन सासुङ।

शक्ति काम 19:23

थे बेलाला येशू बातकी खित्‍सादु एफिससदु ज्‍यीबा लाङच्‍याज्‍यीक हूलदङ्गा ओङसुङ।

शक्ति काम 24:21

ङाचेन स्‍याप्‍ते मिओनला परमेश्‍वरगी था तिरी सोम्‍बो लोइओ सिन पत्ते खित्‍कान्‍ते ईन्‍देकी ङाला मुद्धा चले खाईन थरिङ दुरू खुलाबाते ईन सिरच्‍येते बातज्‍यीकचेन ङे थेजीन दिबा गाङे दोन्‍दु गाङेकी थोच्‍या खाईन साबाते ईन। ङेते खइँदा गल्‍तीराङ ओत सिन सासीन दिराङ ईन,” सिन सिदुक।

शक्ति काम 26:23

थेबेकीचेन ख्रीष्‍टकी विषयला बात खिन ख्रीष्‍टकी दुरू वाला आउदी दुक्‍पा भोगे खिता फाप्‍क्‍यो थेमे स्‍याङ फाप्‍क्‍यो। थेमे स्‍याप्‍तेबा गाङे नाङ थे गोमा सोम्‍बो लोक्‍ला था परमेश्‍वरगी मिओनला पापताङ दुक्‍पादुकी डेल्‍ग्‍यो सिन खोपरोङ यहूदी थेमे ज्‍येन ज्‍येन जातकी मि गाङेला छ्या स्‍ये ज्‍युत्‍क्‍यो सिन साबा ओतान,” सिन सिदुक।

शक्ति काम 26:8

परमेश्‍वरगी स्‍याप्‍ते मिला सोम्‍बो लोक्‍पा ओत सिरजीनचेन ख्‍योकोन यहूदीओन च्‍यिला सुङ पत्ते मिक्‍किते? ङालानी अचम्‍ब लाङगीदुक।

शक्ति काम 3:15

दोस्‍यिककामा मेन, ख्‍योकोनगीनी मिओनला जुनी तेरकान्‍तेलाराङ सेत च्‍युताते ईन। परमेश्‍वरगीचेन थेला स्‍यिसादुकीङ सोम्‍बो लोक्‍पा ओत। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

शक्ति काम 5:17

थोक खाईन मि गाङेराङ येशू ख्रीष्‍टकी खटे खाबाते मिओनताङ लै खाबा थोङजीन गाङे भन्‍दा छ्येते पूजारी थेमे थेत्ताङ डिक्‍कान्‍ते सदुकी पाटी मिओनला आउदी खाईन स्‍येदाङ लासुङ।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

१ कोरिन्‍थी 15:23

थेकी दोक खित्‍च्‍येते पालो पालो खाला खिओ। च्‍यि सासीन गाङे भन्‍दा गोमा थेकी ख्रीष्‍टला सोम्‍बो लोक्‍सुङ। था दि तिरीचेन थेकी ख्रीष्‍टला विश्‍वास खित्‍कान्‍ते मिओनला सोम्‍बो लोइओ। थेबाला सोम्‍बो लोक्‍च्‍येते ख्रीष्‍ट दुरू ग्‍युरला ओङे छोमु ईन।