शक्ति काम 4:13 - जिरेल

¹³ पत्रुसताङ यूहन्‍नेकी छ्याःङ ज्‍यीबाराङ मिक्‍किता खाईन बात खिता थोङनामेई थेमे थेबा ङिबो खोपरोङ च्‍योक पढे खाबाते मि मेन्‍गीन ज्‍येन मि च्‍योकराङ दुका सिन छ्या स्‍येनामेई थे छ्ये छ्ये मितेबा छक्‍क परे खासुङ। थेबा ङिबो गोमा येशूताङ देत्‍कीन ख्‍याम्‍गीन खाबाते दुका सिनोङ थेबेकी छ्या स्‍येसुङ।

शक्ति काम 4:13 Iomraidhean Croise

मत्ती 11:25

थेमे थे बेलालाराङ गाङेकी थोच्‍या खाईन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन स्‍वर्गे राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान।

मत्ती 26:71

थोक साकीन थे टिक्‍पी फजेकपा गाल्‍गीन देत्‍सुङ। लोईन ज्‍येनज्‍यीक फेम्‍मे मिकी थेला थोङगीन “दि मिङ नासरतपे येशूताङराङ ओतान,” सिन थेरू ज्‍येनतेबाला लाःप्‍सुङ।

मत्ती 26:73

टिक्‍पी तिरी याङराङ थेरू ओताते मिओनगी थेला ह्रुप रूप्‍कीन “खो च्‍यिला मेन सिते? थेत्ताङ ख्‍याम्‍कान्‍तेबे नाङ दोक्‍पोई पक्‍काराङ खोङ ओङा फाप्‍क्‍यो। खुई बोलीदुकीराङ खोङ गालीलपे मिराङ ईन सिन दाक छ्या स्‍येकीदुक,” सिन सिदुक।

लूका 22:8

थेमे येशूकी पत्रुसताङ यूहन्‍नाला “लो ख्‍योकोन ङिबो गोमा गोमा ग्‍युक। थेमे दाक्‍पोनला निस्‍तार चाडगी भोज ठीक खि,” सिन सिदुक।

यूहन्‍ना 19:26

थेमे येशूकी आमातेताङ थे खोरोङते ङिङज्‍येते चेलातेला थेरू थोङगीन आमातेला “आमा, था होथेराङ खोरोङ फुज्‍युङ ईन,” सिन सिदुक।

यूहन्‍ना 7:15

थेकी थोक लेमु खाईन थे बात लापा थोकीन यहूदीओनते छ्ये छ्ये मि छक्‍क परे खिन “आबिई, धर्मे गुरूओनगी च्‍योक खाईन परमेश्‍वर बात नोमुङ पढे माक्‍याबाते ईन्‍सीनोङ दिकी दि बाततेबा चुक खाईन छ्या स्‍येताका?” सिन बात खिताला स्‍यूसुङ।

यूहन्‍ना 7:49

परमेश्‍वर नियम लेमु खाईन छ्या स्‍येबा मेताते मिओनकामा थे छ्य्‌वापा लै खाबा ओत। थेबाला परमेश्‍वर सराप फाप्‍क्‍यो,” सिन सिदुक।

शक्ति काम 4:14

थे ख्‍याम्‍बा थुप्‍च्‍या गालाते मिङ थेबा ङिबो दोन्‍दुराङ ओतेकी थेबेकी थेबा ङिबोकी खाबाते बातला मेन सिन सिराराङ माथुप्‍सुङ।

शक्ति काम 4:19

थोक सिरजीन पत्रुसताङ यूहन्‍नेकी थेबाला “ङ्योकोनगी परमेश्‍वरगी खि साबाते बात ङेन्‍च्‍याना ख्‍योकोन बात ङेन्‍च्‍ये? खाङ ठीक ईन्‍दे? लो ख्‍योकोनराङ सि।

शक्ति काम 4:29

थेमे था प्रभु परमेश्‍वर, ङ्योकोनला मेलेबा खिओ सिन ज्‍यीबा लोङकान्‍ते मिओन बादोङ खोल्‍ला छ्याराङ ओत। थोगी ङ्योकोनला खुई लोप साबाते बात छ्याःङ ज्‍यीबा मिक्‍किता खाला लोप्‍च्‍येते आँट नाङ।

शक्ति काम 4:31

थोक खाईन प्रार्थना खाईन सिन्‍नामेकी थेबा देताते खाम्‍बाराङ लीक्‍सुङ। थेमे थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी छ्याःङ ज्‍यीबा मिक्‍किता खाईन मिओनला परमेश्‍वर बात लाप्‍सुङ।

शक्ति काम 9:27

ईन्‍सीनोङ बारनाबासचेन शंका मिक्‍किता खाईन थेत्ताङ ख्‍याम्‍बाला स्‍यूसुङ। थेमे थेकी थेला येशू ख्रीष्‍टकी खटे खाबाते मिओन ओत्‍सादु खेरगीन शावलला ओङाते बात गाङे थेबाला लाःप्‍सुङ। थेकी थेबाला शावलगी दमस्‍कसपा डोजीन लामला प्रभु येशूला ठेताते, येशूकी थेत्ताङ बात खाबाते थेमे थोक ओङनामेई थेकी छ्याःङ ज्‍यीबा मिक्‍किता खाईन दमस्‍कस मिओनला येशू सु ईन्‍दे सिन लापाते बाततेबा गाङे लाःप्‍सुङ।

शक्ति काम 9:28

दि बाततेबा थोनामेकीचेन थेबा गाङेराङ शावलताङ साङ खिताला स्‍यूसुङ। थेमे थेबाताङ ङ्योम्‍बुराङ देत्‍कीन शावलगी यरूशलेमदुङ ज्‍यीबाराङ मिक्‍किता खाईन प्रभु येशू सु ईन्‍दे सिन मिओनला लोपाला स्‍यूसुङ।

१ कोरिन्‍थी 1:27

दोक ईन्‍सीनोङ आउदी बुद्धि ओताते मिओनला ङोचा लोङाला दि सा लुङबे मिओनगी छ्याःङ छ्या मेस्‍येकान्‍ते साबाते मिओनलाराङ परमेश्‍वरगी छाने खासुङ। थोकराङ खाईन ङा ङाराङ ईन सिराच्‍योक खित्‍कान्‍तेबाला ङोचा लोङाला थेबेकी दिबाङ सु ईन्‍देरो सिराच्‍योक खाबाते मिओनलाराङ थेकी छाने खासुङ।

१ कोरिन्‍थी 14:25

थोक खाईन थेकी थे खोरोङ सेमला ओताते गाङे लेमु मेलेबा बात परमेश्‍वर दोन्‍दु छ्याःङ बोङा मुथुप्‍च्‍याक्‍वा सिन छ्या स्‍येनामेई “ख्‍योकोन नाङ साँच्‍चीराङ परमेश्‍वर ओताक्‍वा,” सिन खोबुकला देत्‍ला थेकी परमेश्‍वरते जय जय खिओ।

२ कोरिन्‍थी 3:12

बात दोक दोक ईन्‍देकी ङ्योकोन ङेराङगी लोप्‍च्‍येते बात छ्याःङ ज्‍यीबा मिक्‍किता खाला खिओ।