शक्ति काम 4:12 - जिरेल

¹² थोगी मिओनला दुक्‍पादुकी डेल्‍कान्‍ते खालि येशू ख्रीष्‍टकामा ईन। मि गाङेला पापताङ दुक्‍पादुकी डेल्‍कान्‍ते ज्‍येन सुङ मेतेकी परमेश्‍वरगी थेलाराङ दि सा लुङबादु ताङाते ईन। थेकीकामा ङुरूङला पापकी सजायदुकी डेला थुप्‍क्‍यो,” सिन सिदुक।

शक्ति काम 4:12 Iomraidhean Croise

मत्ती 1:21

था थेकी फुज्‍युङज्‍यीक केइओ। खुई थे मिन येशू सिन स्‍योक। च्‍यिला सासीन थेकीराङ थे खोरोङ मिओनला थेबे पापदुकी डेल्‍ग्‍यो,” सिन बात खासुङ।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

शक्ति काम 13:26

आज्‍यो न्‍वावे, ख्‍योकोन दुरू अब्राहाम सन्‍तान थेमे परमेश्‍वरला माने खित्‍कान्‍ते ज्‍येन ज्‍येन जातकी मिङ ओत। येशू बात थोरूम चुक सासीन परमेश्‍वरगी ङुरूङला पापकी सजायदुकी डेलाला थेला ताङाते ईन।

शक्ति काम 2:5

थे बेलाला यरूशलेमदु लुङबा लुङबालेकी वाबाते यहूदीओनोङ ओतान। थेबा परमेश्‍वरला आउदी खाला माने खित्‍कान ओतान।

१ कोरिन्‍थी 3:11

थेमे ङुरूङते तिङाते जगचेन येशू ख्रीष्‍टकामा ईन। सुङगीङ था ज्‍येन जग दिङा मुथुबो।

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।

हिब्रू 12:25

थोगी ख्‍योकोनगी परमेश्‍वरगी साबाते बातला नामज्‍योक सेत। थेकी दुरू साबाते बातला नामज्‍योक मेसेत्‍कान्‍ते मिओनगीनी सजाय ङेता ओतान सासीन थेकी स्‍वर्गनेकी साबाते बात ङुरूङगी ङेन्‍दा ताङसीन च्‍यि झन ङुरूङ उम्‍के खिओतरो?

हिब्रू 2:3

थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।

छ्या स्‍ये च्‍युताते बात 20:15

नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताब नाङ मिन मेताते मिलाचेन गाङेला थे मे धुनीमा क्‍युरसुङ।