शक्ति काम 3:6 - जिरेल

⁶ थेमे पत्रुसकी थेला “खोल्‍ला तेराला ङात्ताङ सेर नोर छ्याःङ मेत। ईन्‍सीनोङ ङे खिता थुप्‍च्‍येतेचेन ङा खोल्‍ला खिओ। नासरतपे येशू ख्रीष्‍ट मिन लाला ङा खोल्‍ला लाला ख्‍योम सिन सिओ,” सिन साकीन

शक्ति काम 3:6 Iomraidhean Croise

मत्ती 10:9

थेमे लामला गोक्‍यो सिन सेर नोर थेमे पैसा खुरला माखेर।

मत्ती 7:22

था परमेश्‍वरगी न्‍याय खिते छोमु चुक ओङगीते सासीन स्‍वर्गने स्‍यूक्‍पा मेङेत्‍कान्‍ते मि काल्‍बेईकी ङाला ‘ए प्रभु, च्‍यि ङ्योकोनगी खुई मिनगी छ्य्‌वापेई परमेश्‍वरगी सिर च्‍युताते बात खाबा मेतानरो? थेमे च्‍यि ङ्योकोनगी खुई मिन लाकीन मिओनला खोबाते ल्‍हन्‍डीकओन तेन्‍गीन ताङा मेतान? थोकराङ खाईन च्‍यि ङ्योकोनगी खुई मिनगी छ्य्‌वापेई अचम्‍ब अचम्‍बतेन्‍दे काम काल्‍बेई खाबा मेतानरो?’ सिन सिओ।

मर्कूस 14:8

ङा स्‍यिनामेई ङे रोला कुता फाप्‍च्‍येते मोर्गु दि फेम्‍मे मिकी थरिङराङ कुकीन बिन्‍गीन ङाला सासगास खिताला ठीक खाबाते ईन। दिकी ङाला दि मोरोङगी खिता थुप्‍च्‍याज्‍यीक खासुङ।

मर्कूस 16:17

ङाला विश्‍वास खित्‍कान्‍तेबेकी चुक चुक्‍तेन्‍दे अचम्‍बते काम खिता थुप्‍कीते सासीन थेबेकी ङे मिन लाला ल्‍हन्‍डीक तेन्‍ला तोङा थुप्‍क्‍यो, खोपरोङगी छ्या मास्‍येबाते भाषाला बात खिता थुप्‍क्‍यो।

यूहन्‍ना 19:19

पिलातसकी पाटीज्‍यीकला “दि नासरतपे येशू यहूदीओन गेल्‍बो ईन” सिन टिक च्‍युता ओतान। थेमे थे पाटी थेला टाँए खाबाते स्‍यिङगी थामला ठोके खाईन ज्‍याक्‍पा ओतान।

शक्ति काम 10:38

चुक सासीन परमेश्‍वरगी नासरतपे येशूला खटे खाईन परमेश्‍वर आत्‍मा थेमे छ्येज्‍यीक शक्ति बिन्‍दा ओतान। परमेश्‍वर थेत्ताङ ङ्योम्‍बु ओतेकी थेचेन शैतानगी दुक्‍पा बिन्‍गीन ल्‍हन्‍डीक स्‍यिन्‍डीप खोबाते थेमे नाबाते मि गाङेला ठाक्‍पा खिन गाङेपा गाङेला लेमु खिन युगीन ओतान।

शक्ति काम 16:18

थे बातकामा खिन थे काल्‍बेई दिनसाक ङ्योकोन तिङ ङ्योइनराङ देत्‍सुङ। जहिलेङ थे थोककामा खिन ख्‍याम्‍जीन ङीमाई पावलगी स्‍येदाङ लाकीन ख्‍युर ग्‍युरगीन थे फेम्‍मे फिजाला खोबाते ल्‍हन्‍डीकला “ङा येशू ख्रीष्‍ट मिन लाला खोल्‍ला दि फिजादुकी थेन्‍ला ग्‍युक सिओ,” सिन सिदुक। थोक सिरासात्तु थे ल्‍हन्‍डीक दाक थे फेम्‍मे फिजाला ताङगीन गाल्‍सुङ।

शक्ति काम 2:22

इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्‍दुराङ छ्ये छ्येताङ अचम्‍बतेन्‍दे काम खाईन तेन्‍दा ओतान। थेचेन थे खोरोङगी छाने खाईन ताङाते मि दुका सिन ख्‍योकोनगी छ्या स्‍येस्‍यीत सिनराङ परमेश्‍वरगी थेला छ्येज्‍यीक शक्ति बिन्‍गीन थोक अचम्‍बते काम खित च्‍युता ओतान। येशूकी च्‍यि च्‍यि खाबा ओताने, चुक चुक खाबा ओताने सिन ख्‍योकोनगीङ खेराङ मिगीराङ थोङा ओतान।

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

शक्ति काम 3:16

थेमे होदि कुज्‍येला येशूकी थे खोरोङ शक्तिकी ख्‍याम्‍बा थुप्‍च्‍या जोबाते ईन। थेकी दोक खिओ सिन ङ्योकोनगी थेला विश्‍वास खाबेकी दि मि ख्‍याम्‍बा थुप्‍च्‍या गालाते ईन। दि दोक गालाते येशूकी दि खोरोङला ठाक्‍पा खिता थुप्‍क्‍यो सिन दिकी थेला विश्‍वास खाबेकीराङ ईन। दि मि गोमा ख्‍याम्‍बा मुथुप्‍च्‍या ओतान सिन ख्‍योकोन गाङेला लेमु खाला छ्याराङ ओत।

शक्ति काम 3:5

थेकी थोक सिरजीन थेबेकी खइँदा तेरगीता सिन थे कुज्‍येकी थेबाला तासुङ।

शक्ति काम 3:7

थे सामे लाक्‍पाला जुम्‍गीन लाङसुङ। थोक खिताईताङ थे कुज्‍ये दाक ख्‍याम्‍बा थुप्‍च्‍या गाल्‍सुङ।

शक्ति काम 4:10

लो थोक ईन्‍सीन ङ्योकोनगी नासरतपे येशू ख्रीष्‍ट मिन लाकीन दि मि ख्‍याम्‍बा थुप्‍स्‍यीत सानामेई थेकीराङ दिला ख्‍याम्‍बा थुप्‍च्‍या जोबाते ईन। दि बात था ख्‍योकोनगीकामा मेन, इस्राएली गाङेकी छ्या स्‍येबा खि। थोक खित्‍कान्‍ते येशू ख्रीष्‍टला ख्‍योकोनगीचेन स्‍यिङगी थामला टाँए खाईन सेत च्‍युत्‍सुङ। ख्‍योकोनगी थोक खासीनोङ परमेश्‍वरगी थेला स्‍यिसादुकी सोम्‍बो लोक च्‍युता ओत।

शक्ति काम 4:7

थोक खाईन थेबाबरी जम्‍मा ओङसादु पत्रुसताङ यूहन्‍नालाङ क्‍याल्‍सुङ। थेमे थेबेकी थेबा ङिबोला “लो ङ्योकोनला सिते, ख्‍योकोन ङिबोकी दि कुज्‍येला सुई शक्तिकी खित्‍सादु ख्‍याम्‍बा थुप्‍च्‍या जोबे? सुई मिन लाकीन दोक खाबे?” सिन ठिसुङ।

शक्ति काम 9:34

थेमे पत्रुसकी थेला ठेत्‍कीन “एनियास, खोल्‍ला येशू ख्रीष्‍टकी ठाक्‍पा खिओ। लो ल्‍वा थेमे खोरोङ मालज्‍याम मिले खि,” सिन सिदुक। थोक सिराईताङ थे दाक लाकीन ख्‍याम्‍सुङ।

१ कोरिन्‍थी 4:11

थोरूमसाकोङ ङ्योकोन साप थुङा माङेत्‍ला पालोताङ पालो त्‍वाबा तुक्‍पाराङ ख्‍याम्‍गीन ओत। खोलाक डाकस्‍याक डिकस्‍यिकराङ काल्‍ला ख्‍याम्‍ग्‍यो। थेमे मिओनगी ङ्योकोनला छ्याःङ दया मोज्‍योबा खाला दुङगीदुक। ङेराङते सिराते खाम्‍बा जग्‍गा छ्याःङ मेताच्‍योक खाला ङ्योकोन युगीन देत्‍क्‍यो।

२ कोरिन्‍थी 6:10

दोक दोक ओङला पीरताङ तापकी नाङ देता फाप्‍सीनोङ ङ्योकोन सधैँ छ्याःङ पीर मेताते मि च्‍योक खाला गा खिन देत्‍क्‍यो। थेमे ङेराङ लाला साकान्‍ते च्‍योक्‍तेन्‍दे ओत्‍सीनोङ ङ्योकोनगी खाबाते कामगी खित्‍सादु मिओनगी परमेश्‍वरगी तेरच्‍येते जति गाङे ङेत्‍क्‍यो। लोक्‍ला ङ्योकोन ङेराङते सिराते छ्याःङ मेताते कङ्गाली च्‍योकराङ ईन्‍सीनोङ परमेश्‍वरगी खित्‍सादु ङेत्ताङ जेसुकै ओत।

२ कोरिन्‍थी 8:12

ख्‍योकोनते तेरच्‍येते सेम ओत्‍सुङ सासीन खेराङगी जति तेरा थुप्‍कीदुक थोस्‍यिकराङ बिन्‍सीनोङ परमेश्‍वरला लेमुराङ लाङगो। खेराङताङ ओतराङ मेतातेका परमेश्‍वरगी बिन सिनोङ मिसिरो।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

याकूब 2:5

ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

१ पत्रुस 4:10

परमेश्‍वरगी ङुरूङ गाङेला खुदुक खुदुकते सीपताङ शक्ति बिन्‍दा ओत। थेकी दाक्‍पोनला जे खित्‍च्‍येते सीपताङ शक्ति बिन्‍ला दुक थे छ्य्‌वापेई ज्‍येनला लेमु ओङच्‍येते काम खि।